གནམ་བྱཱར་གྱི་ རྒྱལ་ཡོངས་ཚོགས་སྡེའི་ ཚོགས་བཞུགས་ནང་ དཔྱད་ཡིག་ ༨ ལུ་ གསུང་གྲོས་གནང་ནི།
སྤྱི་ཟླ་ ༦ པའི་ཚེས་ ༢ ལས་ ཟླཝ་ ༡ ལྷགཔ་ཅིག་གི་རིང་ལུ་ འཚོགས་གནང་ནི་ཨིན་མི་ རྒྱལ་ཡོངས་ཚོགས་སྡེའི་ གནམ་བྱཱར་གྱི་ ཚོགས་བཞུགས་ནང་ ཏི་རུའི་དཔྱད་ཡིག་ ༤ བརྩིས་ཏེ་ དཔྱད་ཡིག་ ༨ ལུ་ གསུང་གྲོས་གནང་ནི་ཨིན་པས།དེ་ཡང་ འབྲུག་གི་སྐྱེ་ལྡན་རིགས་སྣའི་དཔྱད་ཡིག་ ༢༠༢༡ ཅན་མ་དང་ རྒྱལ་གཞུང་འབྲུག་གི་འགག་སྡེའི་ འཕྲི་སྣོན་དཔྱད་ཡིག་ ༢༠༢༡ ཅན་མ་ དེ་ལས་ རྒྱལ་སྤྱི་ཉི་དྲོད་མཐུན་སྒྲིག་གཞི་བཙུགས་ཀྱི་ སྒྲིག་བཀོད་ཚུ་ལུ་ གསུང་གྲོས་གནང་ནི་ཨིན་མི་ དཔྱད་ཡིག་གསུམ་ཆ་ར་ རྒྱལ་ཡོངས་ཚོགས་འདུ་གིས་ འདས་པའི་ཚོགས་ཐེངས་ནང་ ཆ་འཇོག་གྲུབ་ནུག།སྤྱི་ཟླ་ ༥ པའི་ཚེས་ ༢༧ ལུ་ གནས་ཚུལ་ཞལ་འཛོམས་ཅིག་ འཚོགས་པའི་སྐབས་ལུ་ རྒྱལ་ཡོངས་ཚོགས་སྡེའི་ ཁྲིམས་བཟོ་ཚོགས་ཆུང་གི་ཁྲི་འཛིན་ དཱན་ཀུ་མར་སཱུན་ཝར་གྱིས་ ཞི་བའི་ཉེས་ཆད་དཔྱད་ཡིག་གི་དོན་ལུ་ འབྲེལ་ཡོད་ལས་སྡེ་ཚུ་དང་ གྲོས་བསྟུན་ཐོག་ལས་ རྒྱལ་ཡོངས་ཚོགས་སྡེའི་ནང་ གསུང་གྲོས་གནང་ནིའི་དོན་ལུ་ གྲ་སྒྲིག་སོང་སྟེ་ཡོད་ཟེར་ཨིན་པས།དོན་ཚན་ ༡༨༡ འབད་མི་ ཞི་བའི་ཉེས་ཆད་དཔྱད་ཡིག་དེ་ མི་མང་གི་ ཚེ་སྲོག་ལུ་ བར་ཆད་དང་ […]
