འབྲུག་གི་སྤྱི་ཚོགས་བཞི་པའི་ རྒྱལ་ཡོངས་ཚོགས་ཐེངས་ ༦ པའི་ འགོ་འབྱེད་རྟེན་འབྲེལ།

མགོན་པོ་རྡོ་རྗེ། སྤྱི་ཟླ་ ༡༡ པའི་ཚེས་ ༡༢ ལུ་ འབྲུག་གི་སྤྱི་ཚོགས་བཞི་པའི་ རྒྱལ་ཡོངས་ཚོགས་ཐེངས་ ༦ པ་འདི་ མི་དབང་མངའ་བདག་རིན་པོ་ཆེ་མཆོག་ དབུ་བཞུགས་ཐོག་ལུ་ བཞུགས་གྲལ་རྟེན་འབྲེལ་ཕུན་སུམ་ཚོགས་པའི་སྒོ་ལས་ དབུ་བཙུགས་གནང་ཡི། སྤྱི་ཟླ་ ༡༢ པའི་ཚེས་ ༢༨ ཚུན་ འཚོགས་གནང་ནི་ཨིན་མི་ ཚོགས་བཞུགས་དེ་ནང་ སྤྱིར་བཏང་གཞུང་གི་དཔྱད་ཡིག་ཁག་ ༤ དང་ སྒེར་གྱི་འཐུས་མིའི་དཔྱད་ཡིག་ཁག་ ༢ རྩིས་ཏེ་ དཔྱད་ཡིག་བསྡོམས་ ༦ གུ་ གསུང་གྲོས་གནང་ནི་ཨིནམ་སྦེ་ རྒྱལ་ཡོངས་ཚོགས་འདུའི་ གྲོས་གཞི་ནང་བཀོད་ནུག། དེ་ལས་ སྤྱི་ཚོགས་ལྷན་བཞུགས་ནང་ ཧེ་མ་ ཞལ་འཆམས་མ་བྱུང་མི་ དཔྱད་ཡིག་ཁག་ ༢ དང་ རྒྱལ་སྤྱིའི་གན་རྒྱ་ ༡ ལུ་ རྒྱབ་སྣོན་ཆ་འཇོག་གནང་ནིའི་དོན་ལུ་ བྱ་སྒོ་རིམ་པའི་གྲས་ཁར་ བཙུགས་ཡོད་པའི་གུ་ ཚོགས་ཆུང་གི་སྙན་ཞུ་དང་ གྲོས་ཆོད་དང་ལེན་གྱི་ སྙན་ཞུ་ཚུ་ལུ་ཡང་ གསུང་གྲོས་གནང་ནི་གི་ ལས་རིམ་ཡོདཔ་ཨིན་པས། གཞུང་གི་དཔྱད་ཡིག། འབྲུག་གི་གཏེར་ཁ་དང་ གཏེར་རྫས་དཔྱད་ཡིག་ ༢༠༢༦ […]