སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ཨ་ཎེམ་ཚུ་ལུ་ དགེ་སློང་མའི་སྡོམ་པ་ འགོ་དང་པ།
བདེ་སྐྱིད་ཆོས་སྒྲོན།རང་ཟླ་ ༤ པའི་ཚེས་ ༢༣ སྤྱི་ཟླ་ ༦ པའི་ཚེས་ ༢༡ ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ སྤ་རོ་ར་མོ་ཐང་ཀ་ལུ་སྦེ་ ཨ་ཎེམ་ ༡༤༢ ལུ་ དགེ་སློང་མའི་སྡོམ་པ་ འགོ་དང་པ་གནང་ནུག།དེ་བསྒང་ གཞུང་དགེ་འདུན་གྲྭ་ཚང་གི་ རྡོ་རྗེ་སློབ་དཔོན་དང་ ལས་ཚོགས་སློབ་དཔོན་ ཚོགས་ཀྱི་སློབ་དཔོན་ དེ་ལས་ མཁན་སློབ་ཚུ་ བཞུགས་ཡོདཔ་མ་ཚད་ མི་དབང་རྒྱལ་ཡུམ་ ཚེ་རིང་གཡང་སྒྲོན་མཆོག་དང་ སྐུ་འཁོར་ཚུ་ཡང་ བཞུགས་ཡོདཔ་ཨིན་པས།དེ་ཡང་ ཨ་ཎེམ་ཚུ་གིས་ ཤེས་ཡོན་མཐར་འཁྱོལ་བའི་ཤུལ་ལུ་ དགེ་སློང་མའི་ སྡོམ་པ་ཡོད་པ་ཅིན་ འདུལ་བ་མཇལ་ནི་གི་ གོ་སྐབས་འཐོབ་ནི་དང་ ཚུལ་ཁྲིམས་སྲུང་ནི་ དེ་ལས་ དགེ་བ་བསམ་གྱིས་མ་ཁྱབ་པ་ འོང་ནི་ཨིནམ་མ་ཚད་ ཁྱད་ཆོས་ཅན་གྱི་ ཨ་ཎེམ་ཚུ་ལུ་ མཁན་མོ་ཟེར་བའི་མཚན་གནས་ཡང་ འཐོབ་ནི་གི་ གོ་སྐབས་ཡོད་ཟེར་ འབྲུག་ཨ་ཎེ་གཞི་ཚོགས་ཀྱི་ བཀོད་ཁྱབ་མདོ་ཆེན་ བཀྲིས་བཟང་མོ་གིས་ བཤདཔ་ཨིན་པས།མ་གཞི་ དགེ་སློང་མའི་སྡོམ་པ་དེ་ ཧེ་མར་ རྒྱ་གར་ལུ་ གནང་སྲོལ་ཡོདཔ་ཨིན་རུང་ བར་སྐབས་ཅིག་ལས་ གནང་སྲོལ་ཉམས་ཏེ་ ཡུན་འགྱངས་འགྱོ་བའི་ཤུལ་ལས་ ད་རེས་ ང་བཅས་རའི་ […]