རྩིས་ལོ ༢༠༢༢-༢༣ གྱི་ རྒྱལ་ཡོངས་འཆར་དངུལ།
དཔལ་འབྱོར་གྱི་མཐོང་སྣང་།སྤྱི་ལོ་ ༢༠༢༠ ལུ་ ནད་ཡམས་ཀོ་ཝིཌ་ལུ་བརྟེན་ཏེ་ དཔལ་འབྱོར་ཡར་འཕར་དེ་ ཚབས་ཆེན་སྦེ་ བརྒྱ་ཆ་ ༡༠.༡ གིས་ ཉམས་ཆག་བྱུང་ཡི་ཟེར་ཨིནམ་ད་ དེ་ཡང་ དཔལ་འབྱོར་ཡར་འཕར་གྱི་ཚད་དེ་ སྤྱི་ལོ་ ༢༠༢༡ ལུ་ བསྐྱར་ལོག་བརྒྱ་ཆ་ ༣.༧ དང་ སྤྱི་ལོ་ ༢༠༢༢ ལུ་ བརྒྱ་ཆ་ ༤.༥ གུ་ གནས་ནི་གི་ ཚོད་རྩིས་བཏོན་ནུག།རྩིས་ལོ་ ༢༠༢༢-༢༣ ལུ་ དཔལ་འབྱོར་ཡར་འཕར་དེ་ བརྒྱ་ཆ་ ༤.༥ གུ་ གནས་ནི་གི་ ཚོད་རྩིས་ཡོདཔ་ཨིན་པས།སྤྱི་ལོ་ ༢༠༢༡ སྤྱི་ཟླ་ ༧ པ་ལས་ འགོ་བཟུང་སྟེ་ བྱེམ་ཕོག་ཡོད་མི་ཚུ་ལུ་ འབབ་ཁུངས་ཀྱི་ རྒྱབ་སྐྱོར་དང་ སྐྱེད་ཀྱི་རྒྱབ་སྐྱོར་ཡོངས་རྫོགས་ འབྲུག་རྒྱལ་པོའི་ མགོན་སྐྱབས་སྐྱིད་སྡུག་དང་ སྲུང་སྐྱོབ་མ་དངུལ་ཐོག་ལས་གནང་ཡོདཔ་ཨིན་པས།རྩིས་ལོ་ ༢༠༢༢-༢༣ གྱི་ འཆར་དངུལ་གྱི་ དམིགས་དོན་འདི་ བཟའ་འཐུང་རང་གོ་རང་འདྲོངས་དང་ མི་སྟོབས་གོང་འཕེལ་ ཡུན་བརྟན་ཅན་གྱི་ གཞི་རྟེན་མཁོ་ཆས་གོང་འཕེལ་ མི་སྡེའི་ཉེན་སྲུང་ […]
