ཕུན་ཚོགས་གླིང་ གཅིག་སྒྲིལ་སྒོ་ར་ གཙོ་བོའི་ནང་ལས་ སྨྱོ་རྫས་འཛིན་བཟུང་།
སྤྱི་ཟླ་ ༡ པའི་ཚེས་ ༤ གི་དྲོ་པར་ ཕུན་ཚོགས་གླིང་ གཅིག་སྒྲིལ་སྒོ་ར་གཙོ་བོའི་ནང་ལས་ སྨྱོ་རྫས་ནག་ཚོང་འཐབ་མི་ ཕོ་སྐྱེས་ ༡ འཛིན་བཟུང་འབད་ནུག།དེ་ཡང་ བུམ་ཐང་ལས་ སྐྱེས་ལོ་ ༣༣ འབད་མི་ བཀྲིས་དབང་འདུས་ཀྱིས་ ཨེཛ་པི་པཱ་ལཱཛ་ཟེར་མི་ སྨྱོ་རྫས་སྨན་ཐུམ་ ༧,༤༠༠ འབག་སྟེ་ཡོདཔ་ད་ ཁོ་ལུ་ དྲི་དཔྱད་འབད་བའི་སྐབས་ལུ་ སྨྱོ་རྫས་དེ་ རྒྱ་གར་གྱི་ས་གནས་ ཇའི་སྒང་ལས་ ངོས་འཛིན་མེད་པའི་ མི་ངོམ་ཅིག་ལས་ དངུལ་ཀྲམ་ ༦༥,༠༠༠ སྤྲོད་དེ་ ཉོ་ཡོདཔ་སྦེ་ ཁ་བཟེད་ཡོདཔ་ཨིན་པས།སྨྱོ་རྫས་དེ་ཚུ་ ཁོ་གི་སྣུམ་འཁོར་ཨང་ བི་པི་-༡-༣༥༧༢ ཀྱི་ བོ་ཎེཊ་ཟེར་མི་ འཕྲུལ་ཨམ་གྱི་ ཐོག་བཀབ་འོག་ལུ་བཙུགས་ཏེ་ འབག་འོང་ཡོདཔ་ད་ གནད་དོན་དེ་གི་སྐོར་ལས་ ཞིབ་དཔྱད་འཕྲོ་མཐུད་ཀྱི་དོན་ལུ་ དེ་འཕྲལ་ལས་ར་ ཕུན་ཚོགས་གླིང་ རྒྱལ་གཞུང་འབྲུག་གི་འགག་སྡེ་ལུ་ རྩིས་སྤྲོད་འབད་ནུག།ཁྲིམས་དོན་བསྟར་སྤྱོད་དབང་འཛིན་ཚུ་གིས་ ད་རེས་ནངས་པར་ སྨྱོ་རྫས་ནག་ཚོང་གི་ བརྒྱུད་སྤེལ་ཐབས་ལམ་ཚུ་ ཞིབ་དཔྱད་སྒོ་ར་ལས་ གསང་བརྟོལ་འབད་ཐབས་ལུ་ བརྩོན་ཤུགས་འཕྲོ་མཐུད་དེ་ར་ བསྐྱེད་མི་དང་འབྲེལ་ཏེ་ ཕུན་ཚོགས་གླིང་ གཅིག་སྒྲིལ་སྒོ་ར་ལུ་ ཕྱག་ཞུ་མི་ཚུ་གིས་ […]