རྒྱ་པཱན་ལུ་ ས་ཡོམ་གྱིས་ གནོད་སྐྱོན་བྱུང་མིའི་དོན་ལས་ ཡུ་ཨེཛ་གིས་ གྲོགས་རམ་ཚུ་ བྱིན་ནི་ལུ་གྲ་སྒྲིག།

རོའི་ཊརཛ།
སྤྱི་ཟླ་ ༡ པའི་ཚེས་ ༥ ལུ་ ཡུ་ཨེཛ་གིས་འབད་བ་ཅིན་ རྒྱ་པཱན་ལུ་ ས་ཡོམ་གྱིས་ གནོད་སྐྱོན་བྱུང་མི་ ས་ཁོངས་ཚུ་གི་དོན་ལས་ དམག་མི་དང་སྦྲགས་ཏེ་ གྲོགས་རམ་ཚུ་ བྱིན་ནི་ལུ་ གྲ་སྒྲིག་འབད་དོ་ཟེར་ཨིན་པས།
དེ་ཡང་ ད་ཚུན་གྱི་བར་ན་ ས་ཡོམ་ལུ་བརྟེན་ཏེ་ མི་གྲངས་ ༩༢ དེ་ཅིག་ལུ་ ཤི་རྐྱེན་བྱུང་ཡོདཔ་ད་ ༣༣,༠༠༠ དེ་ཅིག་ རང་སོའི་སྡོད་ཁྱིམ་ནང་ལས་ སྤོ་བཤུད་འབད་དགོཔ་ཐོན་ནུག།
རྒྱ་པཱན་གྱིས་ གློ་བུར་གྲོགས་རམ་གྱི་དོན་ལས་ ཡུ་ཨེཛ་དང་གཅིག་ཁར་ བློ་སླབ་པའི་བསྒང་ཡོད་རུང་ གནས་སྐབས་ཅིག་གི་དོན་ལས་ རྒྱ་ནག་གིས་གཙོས་པའི་ རྒྱལ་ཁབ་གཞན་ཚུ་གི་ནང་ལས་ གྲོགས་རམ་མ་དགོཔ་སྦེ་ སླབ་ཡོདཔ་ཨིན་པས།
སྤྱི་ཟླ་ ༡ པའི་ཚེས་ ༡ ལུ་ ས་ཡོམ་ཤུགས་ཚད་ མེག་ནེ་ཅཱུད་ ༧.༦ རྐྱབ་མི་དེ་གིས་ རྒྱལ་ཁབ་ཀྱི་ ནུབ་ཕྱོགས་ས་གནས་ ནོ་ཊོ་ལུ་ སྡོད་ཁྱིམ་ཚུ་ མེདཔ་བཏང་ཡོདཔ་མ་ཚད་ རླུང་འཚུབ་ལངས་ཏེ་ མི་སྡེ་ཚུ་གི་བར་ན་ཡང་ ཕན་ཚུན་འབྲེལ་བ་འཐབ་མ་ཚུགསཔ་ཐལ་ནུག།
དེ་མ་ཚད་ མི་གྲངས་ ༢༠༠ ལྷགཔ་ཅིག་ཡང་ འཚོལ་མ་ཐོབ་པར་ཡོདཔ་ད་ སྤྱི་ལོ་ ༢༠༡༦ ལས་ཚུར་ ད་ཚུན་གྱི་རིང་ལུ་ ད་རེས་ཀྱི་ རྐྱེན་ངན་དེ་ ག་ནི་བ་ཡང་ ཚབས་ཆེན་ཅིག་ཨིན་པས།
རྒྱ་པཱན་གཞུང་ལས་ ས་ཡོམ་གྱིས་ གནོད་སྐྱོན་བྱུང་མི་ཚུ་གི་དོན་ལས་ ཌོ་ལར་ས་ཡ་ ༣༢.༧ དེ་ཅིག་ གཞུང་གི་འཆར་དངུལ་ ཟུར་བཞག་ནང་ལས་ ཟད་འགྲོ་གཏང་ནི་ཨིན་པས་ཟེར་ བཀོད་འདུག་པའི་གནས་ཚུལ།