རོའི་ཊརཛ།
སྤྱི་ཟླ་ ༡༠ པའི་ཚེས་ ༡༦ ལུ་ ར་ཤི་ཡ་གིས་ གནོད་འཚུབ་བཀལ་ཐོག་ལས་ ཡུ་ཀེ་རེན་གྱི་ མི་གྲངས་ ༨ དམར་བསད་དང་ གཞན་མི་ ༦༠ དེ་ཅིག་ལུ་ རྨ་སྐྱོན་བྱུང་པའི་ཁར་ ཚོང་འབྲེལ་ལྟེ་བ་ ༢ དང་ གློག་ཐག་ཚུ་ལུ་ཡང་ གནོད་འཚུབ་བཀལ་ཡོདཔ་ལས་ མི་སེར་ས་ཡ་ ༡ དེ་ཅིག་ གློག་མེ་མེད་པར་ སྡོད་དགོཔ་བྱུང་ནུག།
ཡུ་ཀེ་རེན་གྱི་ ནུས་ཤུགས་ལྷན་ཁག་ལས་ བཤད་དོ་བཟུམ་འབད་བ་ཅིན་ གློག་མེ་སྡེ་ཚན་ཚུ་གིས་ གློག་ཐག་ཚུ་ ཉམས་བཅོས་འབད་དེ་ མི་སེར་ཚུ་ལུ་ གློག་མེ་ལོགས་སྟེ་ར་ བཀྲམ་སྤེལ་འབད་ཡོད་རུང་ མི་སེར་ག་ར་ལུ་ ཁྱབ་མ་ཚུགས་ཟེར་ཨིན་པས།
ཡུ་ཀེ་རེན་གྱི་ ཤར་ཕྱོགས་ཁྲོམ་སྡེ་ ཁར་ཀིབ་ལུ་འབད་བ་ཅིན་ སྐྱེས་ལོ་ ༧༡ འབད་མི་ ཨམ་སྲུ་ ༡ དང་ སྐྱེས་ལོ་ ༥༨ འབད་མི་ ཕོ་སྐྱེས་ ༡ དམར་བསད་འབད་ཡོདཔ་ད་ གཞན་མི་ ༡༢ ལུ་ རྨ་སྐྱོན་བྱུང་ནུག།
དེ་བཟུམ་སྦེ་ དམག་སྡེའི་གདོང་ཐུག་ས་ཁོངས་ ཀ་ར་མ་ཏོརཛ་ལུ་ མི་ ༢ དང་ ཤར་ལྷོའི་ས་གནས་ ཌི་ནི་པོར་པེ་ཊྲོབཛ་ལུ་ མི་ ༢ དམར་བསད་འབད་ཡོདཔ་མ་ཚད་ ནུབ་བྱང་ལུང་ཕྱོགས་ བོ་ལིན་ལུ་ཡང་ བཟའ་ཆས་བཟོ་བཏོན་ཁང་ ༡ ལུ་ ཌྲཱོན་གྱི་ཐོག་ལས་ གནོད་འཚུབ་བཀལ་མིའི་ནང་ མི་ ༡ ལུ་ ཤི་རྐྱེན་དང་ གཞན་མི་ ༨ ལུ་ རྨ་སྐྱོན་བྱུང་ཡོདཔ་ཨིན་པས།
ར་ཤི་ཡ་གིས་ དེ་ཚེ་ཉིནམ་གཅིག་ར་ གནོད་འཚུབ་མ་ཆད་པ་ར་ བཀལ་ནི་དེ་གིས་ ཀི་ཡེབ་དང་ པོ་ལེན་གྱི་ འཁོར་ལམ་གཙོ་བོ་ཚུ་གི་ ཅ་དམ་ལྟེ་བ་དང་ སྣུམ་འཁོར་ཊག་ ༡༠ དེ་ཅིག་ལུ་ཡང་ གནོད་སྐྱོན་བྱུང་ནུག།
དེ་ལས་ གཞན་ཡང་ རྒྱལ་ཁབ་ཀྱི་ བྱང་ཕྱོགས་ཁྲོམ་སྡེ་ སུ་མི་ལུ་དང་ ཉེ་འདབས་ཁྲོམ་སྡེ་ རིབ་ནེའི་ཚོང་འབྲེལ་ལྟེ་བ་ལུ་ གནོད་འཚུབ་བཀལ་ཡོདཔ་ད་ དེ་ཡང་ ད་རེས་ནངས་པར་ ར་ཤི་ཡ་གིས་ ཡུ་ཀེ་རེན་གྱི་ ཚོང་འབྲེལ་ལྟེ་བ་ཚུ་ལུ་ གནོད་འཚུབ་ཡང་བསྐྱར་བཀལཝ་ཨིན་པས་ཟེར་ བཀོད་འདུག་པའི་གནས་ཚུལ།
ར་ཤི་ཡ་གིས་ གནོད་འཚུབ་བཀལ་ཐོག་ལས་ ཡུ་ཀེ་རེན་གྱི་ མི་གྲངས་ ༨ དམར་བསད་འབད་ཡོདཔ།
gyalchi · 1 min read
Related
པ་ཀིཛ་ཏཱན་ལུ་ སློབ་གྲྭའི་ཁྱིམ་ཐོག་ བརྡིབས་ཡར་སོངཔ་ལས་ མི་གྲངས་ ༣༣ ལུ་ཤི་རྐྱེན།
བི་བི་སི། སྤྱི་ཟླ་ ༡༠ པའི་ཚེས་ ༡༥ ལུ་ པ་ཀིཛ་ཏཱན་གྱི་ ནུབ་བྱང་ཁྲོམ་སྡེ་ པེ་ཤ་ཝར་ལུ་ཡོད་མི་ སློབ་གྲྭའི་ཁྱིམ་ཐོག་ རམ་འགྱོ་མི་ལུ་བརྟེན་ཏེ་ སློབ་ཕྲུག་ ༣༣ དང་ སློབ་དཔོན་ ༡ ལུ་ ཤི་རྐྱེན་འབྱུང་ནུག། དེ་མ་ཚད་ གཞན་མི་ལེ་ཤ་ཅིག་ལུ་ཡང་ རྨ་སྐྱོན་བྱུང་ཡོད་མིའི་གྲས་ལས་ ནདཔ་ལ་ལོ་ཅིག་ གནས་སྟངས་འཚུབ་དྲགས་སྦེ་ཡོད་ཟེར་ སྨན་ཁང་གི་ འགོ་དཔོན་ཚུ་གིས་ བཤདཔ་ཡོདཔ་ཨིན་པས། དེ་སྦེ་ ཁྱིམ་ཐོག་རམ་འགྱོ་བའི་སྐབས་ལུ་ སློབ་ཕྲུག་ཚུ་ སློབ་ཁང་ནང་ དྲོ་པའི་ཆོས་ཚན་ ལྷབ་བའི་བསྒང་ཨིནམ་ལས་ སློབ་ཕྲུག་ལེ་ཤ་ཅིག་ ས་རུག་རྡོ་རུག་འོག་ལུ་ ཚུད་ཡོད་པའི་ དོགས་པ་ཡོདཔ་སྦེ་ ཉེན་སྐྱོབ་འབད་མི་ཚུ་གིས་བཀོད་ནུག། དེ་ཡང་ ཐོག་ཚད་དང་པའི་ནང་ཡོད་མི་ སློབ་ཁང་ཅིག་གི་ ཐོག་ཚད་དེ་ ཐོག་ཚད་འོག་མའི་ སློབ་ཁང་ཅིག་ལུ་ བརྡིབས་ཡོདཔ་ལས་ ཐོག་ཚད་དེ་ བྱག་ཕུག་བཟུམ་ཅིག་ལུ་ གྱུར་ཡོད་མིའི་ནང་ལས་ ཨ་ལོ་ལེ་ཤ་ཅིག་ འཐེན་དགོཔ་བྱུང་ནུག་ཟེར་བཀོད་འདུག་པའི་གནས་ཚུལ། Share Facebook Messenger WhatsApp Telegram X […]
ར་ཤི་ཡ་གིས་ ཡུ་ཀེ་རེན་གྱི་ ནུས་ཤུགས་འཕྲུལ་ཁང་ཚུ་ལུ་ གནོད་འཚུབ་བཀལ་ཡོདཔ།
བི་བི་སི། སྤྱི་ཟླ་ ༡༠ པའི་ཚེས་ ༡༤ ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མི་ར་ ཟེ་ལེནཛ་ཀི་གིས་ བཤད་མིའི་ནང་ ར་ཤི་ཡའི་ མི་ཛ་ཡེལ་གྱིས་ རྒྱལ་ས་ཀི་ཡིབ་ལུ་ ནུས་ཤུགས་མཐུན་རྐྱེན་ བཀྲམ་སྤེལ་གྱིས་གཙོས་པའི་ དྲོད་བཏགས་འཕྲུལ་ཆས་དང་ གློག་མེ་ཚུ་ལུ་ གནོད་འཚུབ་བཀལ་ཡོདཔ་སྦེ་ཨིན་པས། དེ་ཡང་ སྤྱི་ཟླ་ ༡༠ པའི་ཚེས་ ༡༣ གྱི་ཕྱི་རུ་ ར་ཤི་ཡ་གིས་ སྔ་གོང་ཉེན་བརྡ་མེད་པར་ མི་ཛ་ཡེལ་གྱི་ཐོག་ལས་ གནོད་འཚུབ་བཀལ་བའི་སྐབས་ལུ་ མི་སྡོད་སྒྲིང་ཁྱིམ་ཅིག་ལུ་ཡང་ གནོད་སྐྱོན་བྱུང་ནུག། དེ་སྦེ་ མི་ཛ་ཡེལ་གྱི་ཐོག་ལས་ གནོད་འཚུབ་བཀལ་མིའི་ནང་ སྒྲིང་ཁྱིམ་དེ་ནང་སྡོད་མི་ ༡ ལུ་ ཤི་རྐྱེན་དང་ གཞན་མི་ལེ་ཤ་ཅིག་ལུ་ རྨ་སྐྱོན་བྱུང་ཡོདཔ་སྦེ་ ཀི་ཡིབ་ཁྲོམ་སྡེའི་ཁྲོམ་དཔོན་ ཝི་ཊ་ལི་ ཀེ་ལིཛ་ཀོ་གིས་ བཤད་ཡོདཔ་ཨིན་པས། མ་གཞི་ ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་གྱིས་ ཉིན་གྲངས་ ༢ ཀྱི་ཧེ་མ་ ར་ཤི་ཡ་དང་ ཡུ་ཀེ་རེན་ ༢ ཀྱི་བར་ན་ ནུས་ཤུགས་མཚོན་ཆ་ཚུ་ ལག་ལེན་འཐབ་ནི་མེདཔ་སྦེ་ […]
ཨཱལ་བཱ་ནི་ཡའི་ རྒྱལ་ཁབ་ནང་ ཤེས་རིག་དང་ མི་སྡེའི་གནད་དོན་ཚུ་ལུ་ངོ་རྒོལ།
རོའི་ཊརཛ། ཕ་རཱནཛ་རྒྱལ་ཁབ་ནང་ ཤེས་རིག་དང་ མི་སྡེའི་གནད་དོན་ཚུ་གི་སྐོར་ལས་ ངོ་རྒོལ་འབད་མི་ སློབ་ཕྲུག་ཚུ་གིས་ སྤྱི་ཟླ་ ༡༠ པའི་ཚེས་ ༡༣ ལུ་ རྒྱལ་ས་ཏི་ར་ན་ལུ་ཡོད་པའི་ ཤེས་རིག་ལྷན་ཁག་ལུ་ ས་པག་ཅུ་དང་ རྩི་འདམ་ཚུ་ བཀོག་ཡོདཔ་ཨིན་པས། དེ་འབདཝ་ལས་ ཁྲིམས་སྲུང་འགག་སྡེ་གིས་ མིག་ཆུ་ཐོན་མི་ རྫས་རླངས་དང་ ཆུ་མདའ་ཚུ་ ལག་ལེན་འཐབ་ཡོདཔ་མ་ཚད་ ངོ་རྒོལ་འབད་མི་ཚུ་ཡང་ ལེ་ཤ་ཅིག་ར་ འཛིན་བཟུང་འབད་ནུག། སློབ་ཕྲུག་འགོ་འདྲེན་པ་ཚུ་གིས་ ངོ་རྒོལ་འབད་མི་དེ་ གཙུག་ལག་སློབ་སྡེ་ཚུ་གི་ གནས་སྟངས་དང་ མཐོ་རིམ་ཤེས་ཡོན་གྱི་ཟད་འགྲོ་ མ་དངུལ་རྒྱབ་སྐྱོར་ དེ་ལས་ མཐོ་རིམ་ཤེས་ཚད་ མཐར་འཁྱོལ་བའི་ཤུལ་ལས་ ལཱ་གཡོག་གི་ གོ་སྐབས་ཚུ་ བཟོ་དགོཔ་སྦེ་ཨིན་ཟེར་ བཤད་ཡོདཔ་ཨིན་པས། དེ་བཟུམ་སྦེ་ རྒྱལ་ཁབ་ནང་ མི་སྡེའི་དྲང་བདེན་མེད་པའི་ གནས་སྟངས་དང་ ཕྱུགཔོ་དང་ དབུལ་ཕོངས་ཀྱི་བར་ན་ ཁྱད་པར་སྦོམ་སྦེ་ར་ ཆགས་ཏེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ། Share Facebook Messenger WhatsApp Telegram X Copy link […]
Leave a Reply