ལྡོག་ཕྱོགས་ཚོགས་པ་གིས་ སློབ་རིམ་ ༡༠ པ་ལས་ ༡༡ པའི་ནང་ འཛུལ་ཞུགས་ཀྱི་ སྐུགས་ཚད་དེ་ ལོག་སྟེ་ར་ མེདཔ་བཟོ་དགོ་པའི་བརྡ་སྐུལ།
པདྨ་དབང་འདུས། སྤྱི་ཟླ་ ༥ པའི་ཚེས་ ༡༥ ལུ་ ལྡོག་ཕྱོགས་ཚོགས་པ་གིས་ མི་རྗེ་བློན་ཆེན་མཆོག་ལུ་ སློབ་རིམ་ ༡༠ པ་ལས་ ༡༡ པའི་ནང་ འཛུལ་ཞུགས་ཀྱི་དོན་ལས་ ཧེ་མ་ སྐུགས་ཚད་ཆ་མེད་བཏང་མི་དེ་ལུ་ གཞུང་གི་ཁ་ཐུག་ལས་ ཐུགས་བཞེད་ཡང་བསྐྱར་ གནང་དགོ་པའི་སྐོར་ལས་ ཡི་གུ་ཅིག་ཕུལ་ནུག།ཡི་གུ་དེ་ནང་ དེ་བཟུམ་མའི་ སྐུགས་ཚད་དེ་གིས་ སྤྱིར་འབྲུག་རྒྱལ་ཁབ་དང་ དམིགས་བསལ་གྱིས་ ན་གཞོན་ཚུ་ལུ་ གནོད་པ་འབྱུང་སྲིདཔ་ལས་ དགོས་དོན་མེད་པའི་སྐོར་ལས་ རྒྱ་ཆེ་བའི་ སྒྲུབ་བྱེད་དང་ རྒྱལ་ཡོངས་ཀྱི་ གནས་རིམ་ནང་ ཕན་གནོད་ཀྱི་ ཁ་གསལ་ཚུ་ཡང་ བཀོད་དེ་ཡོདཔ་ཨིན་པས།དེ་ཡང་ ལྡོག་ཕྱོགས་ཀྱིས་ ང་བཅས་རའི་ ཤེས་རིག་ལམ་ལུགས་ནང་ དེ་བཟུམ་མའི་ སྐུགས་ཚད་དེ་ དགོས་མཁོ་མེདཔ་ ཐལ་བའི་ཁར་ རྒྱལ་སྤྱིའི་གནས་སྟངས་དང་ ང་བཅས་རའི་ རྒྱལ་ཡོངས་ཀྱི་ དམིགས་དོན་དང་ཡང་ རྟགས་མ་མཐུནམ་ཅིག་ཨིན་པས་ཟེར་བཀོད་ནུག།ལྡོག་ཕྱོགས་ཀྱི་ ཞིབ་འཚོལ་དང་ རྒྱལ་སྤྱིའི་ཉམས་མྱོང་ལྟར་དུ་འབད་རུང་ ཤེས་རིག་ལམ་ལུགས་ནང་ སློབ་གྲྭའི་ཤེས་ཡོན་ལུ་ ཚད་འཛིན་གྱི་རིམ་པ་ ལེ་ཤ་ཡོད་མི་དེ་གིས་ གནོད་པ་བྱུང་དོ་ཡོད་པའི་ བརྡ་སྟོན་ཡོདཔ་ད་ དེ་ཡང་ […]
