མི་དབང་མངའ་བདག་རིན་པོ་ཆེ་མཆོག་གིས་ ཨང་ཅན་ཡོ་བྱད་ གྲོས་གནས་ཀྱི་ འགོ་འབྱེད་རྟེན་འབྲེལ་ མཛད་གནང་ཡོདཔ།
པདྨ་དབང་འདུས། སྤྱི་ཟླ་ ༡༠ པའི་ཚེས་ ༢༢ ལུ་ མི་དབང་མངའ་བདག་རིན་པོ་ཆེ་མཆོག་གིས་ གཟའ་སྐར་འཕྲོད་སྦྱོར་དགེ་བའི་ ཉིནམ་དང་འབྲེལ་ཏེ་ སེམས་རྟོགས་ཁ་རྫོང་ནང་སྦེ་ ཨང་ཅན་ཡོ་བྱད་ གྲོས་གནས་ཀྱི་ འགོ་འབྱེད་རྟེན་འབྲེལ་ མཛད་གནང་ཡོདཔ་ད་ དེ་ཡང་ མི་དབང་མཆོག་གིས་ ཡོ་བྱད་ཀྱི་ ཨང་ཅན་ཕྱག་ཕྲེང་ ཕྱག་ལེན་ཐོག་ལས་ ཐུགས་སྨོན་ཚུ་གནང་ནུག། ཡོ་བྱད་ཀྱི་ ལམ་སྲོལ་དེ་ ལོ་ངོ་སྟོང་ཕྲག་ལས་ལྷག་པའི་ ལམ་སྲོལ་ཅིག་ཨིནམ་ད་ དེ་ཡང་ ཇི་སྲིད་ནམ་གནས་ཀྱི་བར་ན་ སྨོན་ལམ་གྱི་ ཡུན་བརྟན་དང་ སངས་རྒྱས་ཀྱི་བསྟན་པ་རིན་པོ་ཆེ་ འཛིན་སྐྱོང་སྤེལ་ ༣ དར་ཞིང་རྒྱས་པའི་ཕྱིར་དུ་ འཕགས་པའི་དགེ་འདུན་ལུ་ འབུལ་བ་སྦེ་ ཕུལཝ་ཨིན་པས། མི་དབང་མངའ་བདག་རིན་པོ་ཆེ་མཆོག་གིས་ ལམ་སྲོལ་དེ་ ཚོགས་བསགས་སྒྲིབ་སྦྱང་གི་ གཞི་གནས་སྦོམ་ཅིག་ཨིནམ་ལས་ འབྲུག་རྒྱལ་ཁབ་ཀྱི་ ཕྱི་ལས་ཕར་ཡང་ ཕྱིར་སྤེལ་འབད་རུང་བའི་ ལམ་སྲོལ་བཟང་པོ་ཅིག་ཨིན་པས་ཟེར་ གསུངས་གནང་ནུག། ད་རེས་ཀྱི་ རྟེན་འབྲེལ་དེ་ རྒྱལ་ཡོངས་ཀྱི་ གནས་རིམ་ནང་ ཨང་ཅན་ཡོ་བྱད་ཀྱི་ གྲོས་གནས་འགོ་བཙུགས་པའི་ དུས་སྐབས་ཨིནམ་ད་ སྤྱི་ཟླ་ ༡༡ པའི་ཚེས་ ༡ […]
