པདྨ་དབང་འདུས།
སྤྱི་ཟླ་ ༡༠ པའི་ཚེས་ ༢༢ ལུ་ མི་དབང་མངའ་བདག་རིན་པོ་ཆེ་མཆོག་གིས་ གཟའ་སྐར་འཕྲོད་སྦྱོར་དགེ་བའི་ ཉིནམ་དང་འབྲེལ་ཏེ་ སེམས་རྟོགས་ཁ་རྫོང་ནང་སྦེ་ ཨང་ཅན་ཡོ་བྱད་ གྲོས་གནས་ཀྱི་ འགོ་འབྱེད་རྟེན་འབྲེལ་ མཛད་གནང་ཡོདཔ་ད་ དེ་ཡང་ མི་དབང་མཆོག་གིས་ ཡོ་བྱད་ཀྱི་ ཨང་ཅན་ཕྱག་ཕྲེང་ ཕྱག་ལེན་ཐོག་ལས་ ཐུགས་སྨོན་ཚུ་གནང་ནུག།
ཡོ་བྱད་ཀྱི་ ལམ་སྲོལ་དེ་ ལོ་ངོ་སྟོང་ཕྲག་ལས་ལྷག་པའི་ ལམ་སྲོལ་ཅིག་ཨིནམ་ད་ དེ་ཡང་ ཇི་སྲིད་ནམ་གནས་ཀྱི་བར་ན་ སྨོན་ལམ་གྱི་ ཡུན་བརྟན་དང་ སངས་རྒྱས་ཀྱི་བསྟན་པ་རིན་པོ་ཆེ་ འཛིན་སྐྱོང་སྤེལ་ ༣ དར་ཞིང་རྒྱས་པའི་ཕྱིར་དུ་ འཕགས་པའི་དགེ་འདུན་ལུ་ འབུལ་བ་སྦེ་ ཕུལཝ་ཨིན་པས།
མི་དབང་མངའ་བདག་རིན་པོ་ཆེ་མཆོག་གིས་ ལམ་སྲོལ་དེ་ ཚོགས་བསགས་སྒྲིབ་སྦྱང་གི་ གཞི་གནས་སྦོམ་ཅིག་ཨིནམ་ལས་ འབྲུག་རྒྱལ་ཁབ་ཀྱི་ ཕྱི་ལས་ཕར་ཡང་ ཕྱིར་སྤེལ་འབད་རུང་བའི་ ལམ་སྲོལ་བཟང་པོ་ཅིག་ཨིན་པས་ཟེར་ གསུངས་གནང་ནུག།
ད་རེས་ཀྱི་ རྟེན་འབྲེལ་དེ་ རྒྱལ་ཡོངས་ཀྱི་ གནས་རིམ་ནང་ ཨང་ཅན་ཡོ་བྱད་ཀྱི་ གྲོས་གནས་འགོ་བཙུགས་པའི་ དུས་སྐབས་ཨིནམ་ད་ སྤྱི་ཟླ་ ༡༡ པའི་ཚེས་ ༡ ལུ་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ བྱང་ཆུབ་མཆོད་རྟེན་ ༡༠༨ བཞེངས་ནི་དང་འབྲེལ་ཏེ་ རྒྱལ་སྤྱིའི་གནས་རིམ་ནང་ཡང་ འགོ་འབྱེད་མཛད་གནང་ནི་ཨིན་པས།
དུས་དེ་ལས་ཕར་ འཛམ་གླིང་གི་ ས་གནས་ག་ཏེ་ལས་ཨིན་རུང་ གྲོས་གནས་དེ་བརྒྱུད་དེ་ ཡོངས་འབྲེལ་འཆར་སྒོ་ Yoeja.com ནང་ ཐོ་བཀོད་འབད་ནི་དང་ སྨོན་ལམ་གཏབ་ནི་ ཡོ་བྱད་ཕུལ་ནི་ཚུ་ ལག་ལེན་འཐབ་ཚུགས་ནི་ཨིན་པའི་གནས་ཚུལ།
མི་དབང་མངའ་བདག་རིན་པོ་ཆེ་མཆོག་གིས་ ཨང་ཅན་ཡོ་བྱད་ གྲོས་གནས་ཀྱི་ འགོ་འབྱེད་རྟེན་འབྲེལ་ མཛད་གནང་ཡོདཔ།
gyalchi · 1 min read
Related
སྐྱབས་རྗེ་རིན་པོ་ཆེ་མཆོག་གིས་ དགེ་ལེགས་ཕུག་ལུ་ བདེ་བ་ཅན་གྱི་ཞིང་བཀོད་ གསར་བཞེངས་ཀྱི་དོན་ལས་ ས་བསླང་རྟེན་འབྲེལ་ མཛད་གནང་ཡོདཔ།
རང་ཟླ་ ༩ པའི་ཚེས་ ༡༡ སྤྱི་ཟླ་ ༡༠ པའི་ཚེས་ ༢༢ ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ བདེ་བ་ཅན་གྱི་ཞིང་བཀོད་ གསར་བཞེངས་ཀྱི་དོན་ལུ་ ས་བསླང་རྟེན་འབྲེལ་ མཛད་གནང་ནུག། དེ་ཡང་ མི་དབང་མངའ་བདག་རིན་པོ་ཆེ་མཆོག་གི་ ཐུགས་བསྐྱེད་ཟབ་མོ་ལས་འཁྲུངས་པའི་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ ནང་པ་སངས་རྒྱས་པའི་ གཙུག་ལག་ཁང་ཁྱད་པར་ཅན་ མང་རབས་ཅིག་ གསར་བཞེངས་གནང་དགོ་པའི་ བཀའ་རྒྱ་གནང་མི་དང་འཁྲིལ་ཏེ་ གཞུང་གྲྭ་ཚང་གི་ གཙུག་ལག་སློབ་དཔོན་མཆོག་གིས་ འགོ་འདྲེན་མཛདདེ་ ས་གནས་དཀོན་མཆོག་ཆོས་གླིང་ལུ་ བདེ་བ་ཅན་གྱི་ཞིང་ཁམས་ གསར་བཞེངས་གནང་ནི་ཨིན་པས། ས་རྒྱ་ཨེ་ཀར་ ༣༠ ལྷགཔ་ཅིག་གི་ ས་ཁོངས་ནང་ བཞེངས་གནང་ནི་ཨིན་པའི་ བདེ་བ་ཅན་གྱི་ཞིང་བཀོད་འདི་ མགོན་པོ་འོད་དཔག་མེད་ཀྱི་ དག་པའི་ཞིང་ཁམས་ ཉམས་དགའ་བ་དང་ བྱིན་ཆགས་པ་ འོད་དཔག་མེད་ཀྱི་ ཉམས་ལེན་དང་ སྒྲུབ་པ་གནང་སའི་ ཆོས་ཁང་ལ་སོགས་པ་ རྟེན་དང་བརྟེན་པ་བཅས་པ་ བཞེངས་གནང་ནི་ཨིནམ་སྦེ་ གནས་ཚུལ་གསར་བཏོན་ཅིག་ནང་བཀོད་ནུག། དེ་མ་ཚད་ སྐྱབས་རྗེ་རིན་པོ་ཆེ་མཆོག་ དགེ་ལེགས་ཕུག་ རྒྱལ་སྤྱི་གནམ་གྲུ་ཐང་ལུ་ཡང་ ཞབས་སོར་འཁོད་དེ་ ཐུགས་སྨོན་དང་ […]
མི་དབང་ཞབས་དང་ མི་དབང་རྒྱལ་བཙུན་མཆོག་གིས་ ད་སའི་དུས་སྟོན་ བརྩི་སྲུང་ནང་ དབུ་བཞུགས་མཛད་གནང་ཡོདཔ།
སྤྱི་ཟླ་ ༡༠ པའི་ཚེས་ ༢༡ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གིས་ ཐིམ་ཕུ་དེ་ཝི་པཱན་ཅ་ཡཱན་ ལྷ་ཁང་ནང་སྦེ་ ད་སའི་དུས་སྟོན་ བརྩི་སྲུང་ནང་ དབུ་བཞུགས་མཛད་གནང་ཡོདཔ་ད་ དེ་བསྒང་ ལྷ་ཁང་ནང་ ཐུགས་སྨོན་ཚུ་ གནང་ཡོདཔ་མ་ཚད་ མི་སེར་ཚུ་ལུ་ ད་སའི་ཌི་ཀ་ཚུ་ཡང་གནང་ནུག། འབྲུག་ལུ་ ད་སའི་ཟེར་མི་ དུས་སྟོན་དེ་ བཟའ་ཚང་ཚུ་གིས་ རང་སོའི་ནང་མི་ རྒན་རྒས་ཚུ་ལས་ དངོས་གྲུབ་ཞུ་བའི་ དུས་སྐབས་ཅིག་ཨིནམ་ད་ དེ་ཡང་ ཧིན་དུའི་ཆོས་ལུགས་ནང་ བསྔགས་བརྗོད་ཅན་གྱི་ ཆོས་ཀྱི་རྒྱལཔོ་དགའ་བྱེད་ཀྱི་ སྲིན་པོའི་རྒྱལཔོ་ ལངྐ་མགྲིན་བཅུ་པ་ལས་ རྒྱལ་ཁ་ཐོབ་པའི་ རྗེས་དྲན་དུས་སྟོན་སྦེ་ བརྩི་སྲུང་ཞུཝ་ཨིན་པས། མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་ མི་སེར་ཚུ་དང་གཅིག་ཁར་ ད་སའི་དུས་སྟོན་ བརྩི་སྲུང་གི་དོན་ལས་ ལྷན་བཞུགས་གནང་མི་དེ་གིས་ མི་དབང་མཆོག་དང་ འབྲུག་གི་མི་སེར་ཚུ་གི་བར་ན་ བཟའ་ཚང་གཅིག་བཟུམ་མའི་ གཏིང་གཟབ་ཆེ་བའི་ འདུ་ཤེས་དང་འབྲེལ་བའི་ བརྡ་མཚོན་སྟོནམ་ཨིན་པའི་གནས་ཚུལ། Share Facebook Messenger WhatsApp Telegram X Copy link […]
མི་དབང་རྒྱལ་སྲས་ འཇིགས་རྒྱལ་ཨྱོན་དབང་ཕྱུག་མཆོག་གིས་ རྒྱལ་སྤྱི་རྐང་རྩེད་ཚོགས་པའི་གཙོ་འཛིན་ གི་ཨ་ནི་ཨིན་ཕཱན་ཊི་ནོ་ལུ་ མགྲོན་སྐྱོང་མཛད་གནང་ཡོདཔ།
པདྨ་དབང་འདུས། སྤྱི་ཟླ་ ༡༠ པའི་ཚེས་ ༡༩ ལུ་ མི་དབང་རྒྱལ་སྲས་ འཇིགས་རྒྱལ་ཨྱོན་དབང་ཕྱུག་མཆོག་གིས་ རྒྱལ་སྤྱི་རྐང་རྩེད་ཚོགས་པའི་གཙོ་འཛིན་ གི་ཨ་ནི་ཨིན་ཕཱན་ཊི་ནོ་ལུ་ འབྲུག་གི་སྔར་ཁྱུན་ལམ་སྲོལ་དང་ རང་ལུགས་རྩེད་རིགས་ དེ་ལས་ ཡོངས་གྲགས་ཅན་གྱི་ མགྲོན་སྐྱོང་ཐོག་ལས་ བསུ་བ་དང་འབྲེལ་བའི་ གསོལ་སྟོན་ཅིག་ མཛད་གནང་ནུག། གཙོ་འཛིན་ཨ་ནི་ཨིན་ཕཱན་ཊི་ནོ་དེ་ མི་དབང་རྒྱལ་སྲས་མཆོག་གིས་ ཆེད་བསྟོད་དང་ གུས་བཀུར་གྱི་ བརྡ་མཚོན་པའི་ འབྱོན་ལེགས་ཀྱི་ ཁ་དར་དང་ ཆིབས་གྲལ་ཐོག་ལས་ བསུ་བ་མཛད་གནང་ཡོདཔ་ད་ གསོལ་སྟོན་གྱི་སྐབས་ལུ་ ང་བཅས་རའི་ རྒྱལ་ཁབ་ཀྱི་ ལམ་སྲོལ་བཟང་པོ་དང་ ངོ་རྟགས་ཚུ་ དངོས་མཐོང་ཉམས་མྱོང་གི་དོན་ལུ་ ལམ་སྲོལ་ཅན་གྱི་ གླུ་གར་གྱི་ལྟདམོ་ཅིག་ཡང་ འགོ་འདྲེན་འཐབ་གནང་ཡོདཔ་ཨིན་པས། རྒྱལ་སྤྱི་རྐང་རྩེད་ཚོགས་པའི་ གཙོ་འཛིན་ལུ་ འབྲུག་ཨོ་ལིམ་པིག་ཚོགས་ཆུང་དང་ རྒྱལ་ཡོངས་རྩེད་རིགས་ཚོགས་པ་ཁག་གི་ གཙོ་འཛིན་ཚུ་དང་ བཀོད་ཁྱབ་འཐུས་མི་ཚུ་ དེ་ལས་ གཞན་ཡང་ འགོ་དཔོན་ཚུ་དང་བཅས་པའི་ འབྲུག་གི་རྩེད་རིགས་མི་སྡེའི་ ངོ་ཚབ་ཚུ་གིས་ གྲལ་གཏོགས་གཅིག་སྒྲིལ་གྱི་སྒོ་ལས་ ཕེབས་བསུ་ཞུ་ནུག། དེ་བསྒང་ རྒྱལ་སྤྱི་རྐང་རྩེད་ཚོགས་པའི་གཙོ་འཛིན་ ཨིན་ཕཱན་ཊི་ནོ་ལུ་ འབྲུག་གི་རང་ལུགས་རྩེད་རིགས་ མདའ་རྩེད་དང་ ཁུ་རུ་ […]
Leave a Reply