World News
ཨཕ་གྷ་ནིཛ་ཏཱན་ལུ་ རྫས་བམ་ཅིག་ འགས་བཅུག་མིའི་ནང་ མི་གྲངས་ ༡༨ ལུ་ཤི་རྐྱེན།
བི་བི་སི།སྤྱི་ཟླ་ ༩ པའི་ཚེས་ ༢ ལུ་ ཨཕ་གྷ་ནིཛ་ཏཱན་གྱི་ཁྲོམ་སྡེ་ ཧ་རཱཊ་ཟེར་སར་ ཁ་ཆེའི་ལྷ་ཁང་ཅིག་གི་ ཕྱི་ཁ་ལུ་ རྫས་བམ་ཅིག་ འགས་བཅུག་པའི་ རྐྱེན་ངན་ནང་ ཏཱ་ལི་བཱན་ལུ་ རྒྱབ་སྐྱོར་འབད་མི་ ཆོསཔ་ཅིག་བརྩིས་ཏེ་ མི་གྲངས་ ༡༨ ལུ་ ཤི་རྐྱེན་བྱུང་ནུག།དེ་ཡང་ ཕྱི་རོའི་ཁ་ཐུན་གྱི་དོན་ལས་ མི་སེར་ཚུ་ སྤུངས་འཛོམས་འབད་བའི་སྐབས་ལུ་ རང་སྲོག་བཅད་ཐོག་ལས་ རྫས་བམ་འགས་བཅུག་པའི་ དོགས་པ་ཡོད་ཟེར་ འབྲེལ་ཡོད་དབང་འཛིན་ཚུ་གིས་ བཤད་ཡོདཔ་ཨིན་པས།དེ་བཟུམ་སྦེ་ སྤྱི་ཟླ་ ༨ པའི་ནང་ཡང་ ཨིཛ་ལ་མིག་ གཡིབ་དམག་སྡེ་ཚན་གྱིས་ ཨཕ་གྷ་ནིཛ་ཏཱན་གྱི་རྒྱལ་ས་ ཀ་བཱུལ་ལུ་ ཁ་ཆེའི་ལྷ་ཁང་ཅིག་ནང་ རྫས་བམ་ཅིག་ འགས་བཅུག་སྟེ་ མི་གྲངས་ ༢༡ དམར་བསད་འབད་ནུག་ཟེར་ བཀོད་འདུག་པའི་གནས་ཚུལ།