ར་ཤི་ཡ་གིས་ རང་བཞིན་རྫས་རླུང་ཚུ་ ཉི་བསྟར་བཞིན་དུ་ མེར་བཏང་མི་གིས་གནོད་སྐྱོན།

བི་བི་སི།
ཡུ་རོབ་ལུ་ ནུས་ཤུགས་ཀྱི་ གོང་ཚད་ཚུ་ ག་ནི་བ་མཐོཝ་སྦེ་ ཡར་སེང་འགྱོ་བའི་ དུས་སྐབས་ནང་ ར་ཤི་ཡ་གིས་ རྒྱ་ཆེ་བའི་ རང་བཞིན་རྫས་རླུང་ཚུ་ མེར་བཏང་དོ་ཡོདཔ་ད་ ཧེ་མ་འབད་བ་ཅིན་ རྫས་རླུང་ཚུ་ ཇར་མེ་ནི་ལུ་ ཕྱིར་ཚོང་འཐབ་ཡོདཔ་ཨིན་པས།
དེ་ཡང་ ཕིན་ལེན་ས་མཚམས་ཀྱི་ ཉེ་འདབས་ལུ་ཡོད་མི་ ར་ཤི་ཡའི་ འཕྲུལ་ཁང་ནང་ ཉིན་བསྟར་བཞིན་དུ་ གནས་གོང་ཧ་ལམ་ ཌོ་ལར་ས་ཡ་ ༡༠ རེའི་རྩིས་ མེར་བཏང་དོ་ཡོདཔ་སྦེ་བཀོད་ནུག།
ཚན་རིག་པ་ཚུ་གིས་ བཤད་དོ་བཟུམ་འབད་བ་ཅིན་ རྫས་རླུང་ཚུ་ དེ་སྦེ་ མེར་བཏང་མི་ལུ་བརྟེན་ཏེ་ དུག་རླུང་དང་ དུ་པའི་དྲེག་པ་ཚུ་ རྒྱ་ཆེ་ཏོག་ཏོ་སྦེ་ ཐོན་མི་དེ་གིས་ ཨར་ཊིག་གི་ ཁྱེགས་ཚུ་བཞུ་ནི་ལུ་ གནོད་པ་ཧེང་སྐལ་ར་ བྱུང་ནི་མས་ཟེར་ཨིན་པས།
གནད་དོན་དེ་གི་སྐོར་ལས་ རི་སི་ཊེཌ་ ཨེ་ནར་ཇི་ཟེར་མི་ ནུས་ཤུགས་སྡེ་ཚན་གྱིས་ ལག་ལེན་འཐབ་མི་ དབྱེ་ཞིབ་དང་འཁྲིལ་བ་ཅིན་ ཉིན་བསྟར་བཞིན་དུ་ རྫས་རླུང་ཀིའུ་བིག་མི་ཊར་ ས་ཡ་ ༤.༣༤ དེ་རེ་ མེར་བཏང་དོ་ཡོད་པའི་ བརྡ་སྟོན་བྱུང་ནུག་ཟེར་ བཀོད་འདུག་པའི་གནས་ཚུལ།