ནད་ཡམས་ཀོ་ཝིཌ་གི་ སྨན་ཁབ་བཟོ་སྦྱོར་འཕྲུལ་རིག་གི་སྐོར་ལས་ མོ་ཌར་ན་གིས་ ཕ་ཡེ་ཟར་དེ་ ཁྲིམས་སར་བསྐྱལ་ཡོདཔ།

བི་བི་སི།
མོ་ཌར་ན་གིས་ བཤད་དོ་བཟུམ་འབད་བ་ཅིན་ ཕ་ཡེ་ཟར་དང་ དེ་གི་མཉམ་རོགས་ ཇར་མཱན་བ་ཡོ་ཨེན་ཊེག་ ༢ ཀྱིས་ ཀོ་ཝིཌ་-༡༩ གི་ སྨན་ཁབ་བཟོ་སྦྱོར་གྱི་བདག་དབང་ ཁྲིམས་འགལ་ཐོག་ལས་ སྤྱོད་ཡོད་པའི་ ཉེ་འཛུགས་འབད་དེ་ ཁྲིམས་སར་བསྐྱལ་དེ་ཡོད་ཟེར་ཨིན་པས།
དེ་ཡང་ ཡུ་ཨེཛ་སྨན་རྫས་ལས་སྡེ་གིས་ ནད་ཡམས་ཁྱབ་སྤེལ་ མ་འགྱོ་བའི་ སྔ་གོང་ལས་ མོ་ཌར་ན་ སྨན་ཁབ་ཀྱི་ འཕྲུལ་རིག་དེ་ ཁོང་གིས་ གོང་འཕེལ་བཏང་ནུག་ཟེར་ཨིན་པས།
ཉེས་འཛུགས་དེ་ཡང་ གསལ་སྟོན་མ་འབད་བའི་ དངུལ་འབྲེལ་རྒུད་འཐུས་ སྤྲོད་དགོཔ་སྦེ་ ཡུ་ཨེཛ་དང་ ཇར་མཱན་རྒྱལ་ཁབ་གཉིས་ཆ་རའི་ནང་ ཁྲིམས་རྩོད་ཀྱི་དོན་ལུ་ བཤེར་ཡིག་ཕུལ་ཏེ་་ཡོདཔ་ཨིན་པས།
ཨིན་རུང་ ཕ་ཡེ་ཟར་གྱིས་འབད་བ་ཅིན་ ཁྲིམས་རྩོད་ཀྱི་ ཡིག་ཆ་ཚུ་ ད་ཚུན་ ཁོང་གི་ལག་པར་ ལྷོད་དེ་མེདཔ་ལས་ ད་ལྟོ་ ག་ནི་ཡང་ སླབ་མི་ཚུགས་པས་ཟེར་ཨིན་པས།
མོ་ཌར་ན་གི་ བརྗོད་དོན་ཅིག་དང་འཁྲིལཝ་ད་ ཕ་ཡེ་ཟར་/བ་ཡོ་ཨེན་ཊེག་གིས་ མོ་ཌར་ནའི་ བློ་རིག་རྒྱུ་དངོས་ དབྱེ་ཁག་ ༢ སྦེ་ དཔེ་བཤུས་འབད་བའི་གྲས་ལས་ གཅིགཔོ་དེ་ མོ་ཌར་ནའི་ ཚན་རིག་པ་ཚུ་གིས་ སྤྱི་ལོ་ ༢༠༡༠ ལས་ གོང་འཕེལ་བཏང་ནི་ འགོ་བཙུགས་ཏེ་ སྤྱི་ལོ་ ༢༠༡༥ ལོར་ འགྲོ་བ་མི་ལུ་ མོ་བཏབ་འབད་མི་ འགོ་དང་པ་ཨིན་མི་ སྨན་ཁབ་ཀྱི་ གཞི་བཀོད་དཔེ་བཤུས་འབད་ནུག་ཟེར་ཨིན་པས།
ཉེས་འཛུགས་ ༢ པ་དེ་ ནད་འབུབ་དེ་གི་ ཕྱི་ཁའི་རྫས་བཅུད་དབྱེ་རྟགས་དེ་ ཁྲིམ་འགལ་ཐོག་ལས་ ལག་ལེན་འཐབ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།