ཡུ་ཀེ་རེན་ དམག་སྡེ་གིས་ འདས་པའི་ཉིན་མར་ ར་ཤི་ཡའི་ དམག་མི་ ༨༠༠ དམར་བསད།
རོའི་ཊརཛ།སྤྱི་ཟླ་ ༡ པའི་ཚེས་ ༥ ལུ་ ཡུ་ཀེ་རེན་ དམག་སྡེ་གིས་ འདས་པའི་ཉིན་མར་ ར་ཤི་ཡའི་ དམག་མི་ ༨༠༠ དེ་ཅིག་ བསད་ཡོདཔ་སྦེ་ བཤད་ཡོདཔ་ད་ དེ་ཡང་ མང་ཤོས་ཅིག་ ཌོ་ནེཛ་ལུང་ཕྱོགས་ཀྱི་ ཤར་ཕྱོགས་ཁ་ཐུག་ལུ་ ཕྱད་མདའ་རྐྱབ་མིའི་ནང་ བསད་ཡོདཔ་སྦེ་ཨིན་པས།ཕྱད་མདའི་དོན་ལུ་ ནུབ་ཕྱོགས་མཐུན་འབྲེལ་རྒྱལ་ཁབ་ཚུ་གིས་ ཡུ་ཀེ་རེན་གྱིས་ དགོས་མཁོ་བཀོད་མི་ དམག་འཁོར་ཊེང་ཚུ་མིན་པར་ མཚོན་ཆ་དང་སྦྲགས་མི་ ཕྱད་མདའི་སྣུམ་འཁོར་ཚུ་ བྱིན་ནི་གི་ ཁས་ལེན་འབད་ནུག།ཡུ་ཀེ་རེན་ དམག་སྡེ་གིས་ དུས་རྒྱུན་བལྟ་རྟོག་དང་འཁྲིལཝ་ད་ ར་ཤི་ཡའི་ དམག་མི་ཚུ་གིས་ བེག་མུཊ་ཁ་ཐུག་ལུ་ ཕྱད་མདའ་རྐྱབ་ནི་སྦེ་ གཙོ་བོར་བཏོན་མི་དེ་ཡང་ ཨབ་དིབ་ཀ་དང་ ཀུ་པི་ཡནཛ་ཁ་ཐུག་ལུ་ ར་ཤི་ཡ་གིས་ གླགས་འཁེལ་མ་ཚུགས་ནི་དེ་གིས་ཨིན་ཟེར་ བཤདཔ་ཨིན་པས།ག་དེ་སྦེ་ཨིན་རུང་ ཡུ་ཀེ་རེན་ དམག་སྡེ་གིས་ ར་ཤི་ཡའི་ དམག་མི་ ༨༠༠ ལྷགཔ་ཅིག་དང་ མཁའ་དམག་གནམ་གྲུ་ ༡ དམག་འཁོར་ཊེང་ ༣ དེ་ཅིག་ཡང་ མེདཔ་བཏང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།
