ཨཕ་གྷ་ནིཛ་ཏཱན་ལུ་ ཕྱི་འབྲེལ་ལྷན་ཁག་གི་ ཡིག་ཚང་ཕྱི་ཁར་ རང་སྲོག་བཅད་ཐོག་ལས་ རྫས་བམ་གས་བཅུག་ཡོདཔ།
ཨཱལ་ཇ་ཟི་ར། ཨཕ་གྷ་ནིཛ་ཏཱན་གྱི་ རྒྱལ་ས་ཀ་བཱུལ་ལུ་ ཕྱི་འབྲེལ་ལྷན་ཁག་གི་ ཡིག་ཚང་ཕྱི་ཁར་ དོགས་པ་ཡོད་མི་ ཕོ་རྒས་ཅིག་གིས་ རང་སྲོག་བཅད་ཐོག་ལས་ རྫས་བམ་གས་བཅུག་མིའི་ནང་ མི་གྲངས་ ༢༠ དེ་ཅིག་ལུ་ ཤི་རྐྱེན་བྱུང་ནུག།དེ་ཡང་ དུས་ཅི་གི་ལོ་ནང་ར་ ཨཕ་གྷ་ནིཛ་ཏཱན་གྱི་ རྒྱལ་ས་ལུ་ དེ་བཟུམ་མའི་ རྫས་བམ་གས་བཅུག་མི་དེ་ ཐེངས་ ༢ པ་ཨིན་ཟེར་ ཏ་ལི་བཱན་གྱི་ འགོ་དཔོན་ཚུ་གིས་ བཤད་ཡོདཔ་ཨིན་པས།དེ་སྦེ་ རྫས་བམ་འབག་མི་དེ་གིས་ ཕྱི་འབྲེལ་ལྷན་ཁག་གི་ ཡིག་ཚང་ནང་ འཛུལ་ནི་གི་ དཔའ་བཅམ་ཡོད་རུང་ འཛུལ་མ་ཚུགས་པས་ཟེར་ཨིནམ་ད་ ཨིན་རུང་ ཡིག་ཚང་གི་ ཕྱི་ཁར་གས་བཅུག་མི་ རྫས་བམ་དེ་གིས་ མི་གྲངས་ ༢༠ ལུ་ ཤི་རྐྱེན་དང་ གཞན་མི་ལེ་ཤ་ཅིག་ལུ་ རྨ་སྐྱོན་བྱུང་ནུག་ཟེར་ཨིན་པས།ཕྱི་འབྲེལ་ལྷན་ཁག་གི་ ཡིག་ཚང་ཕྱི་ཁར་ སྲུང་སྐྱོབ་སྡེ་ཚན་ཚུ་གིས་ གྲོགས་རམ་ཐོག་ལས་སྟོན་མི་ ས་ཁོངས་ཀྱི་ དཔར་ཆས་ནང་ལས་ ས་ཁར་ཉལ་ཏེ་ཡོད་མི་ མི་གྲངས་ ༩ ལུ་ ཤི་རྐྱེན་དང་ ཡང་ཅིན་ རྨ་སྐྱོན་བྱུང་ཡོདཔ་སྦེ་མཐོང་ནུག།ཀ་བཱུལ་ཁྲིམས་སྲུང་གཙོ་འཛིན་གྱི་མགྲིན་ཚབ་ ཁ་ལིད་ཟ་ཌན་གྱིས་ བཤད་དོ་བཟུམ་འབད་བ་ཅིན་ སྤྱི་ཟླ་ […]