སྤྱི་ཟླ་ ༡ པའི་ཚེས་ ༦ གི་ཉིན་མར་ ཡུ་ཨེཛ་ལུ་ ངོ་རྒོལ་འགྲེམ་སྟོན།

ཨཱལ་ཇ་ཟི་ར།
ལོ་ངོ་ ༢ ཀྱི་ཧེ་མར་ སྤྱི་ལོ་ ༢༠༢༡ སྤྱི་ཟླ་ ༡ པའི་ཚེས་ ༦ ལུ་ མི་གྲངས་སྟོང་ཕྲག་ལས་བཅད་མི་ ཡུ་ཨེཛ་གི་རྒྱལ་ས་ལུ་ སྤུང་འཛོམས་འབད་དེ་ སྤྱི་ལོ་ ༢༠༢༠ གི་ བཙག་འཐུའི་གྲུབ་འབྲས་ཚུ་ ངོས་སྦྱོར་འབད་ནི་ལས་ བཀག་ཆ་འབད་ནི་གི་ དཔའ་བཅམ་ནུག།
དེ་ཡང་ ཌོ་ནཱལ་ཊམ་གྱི་ རི་པབ་ལི་ཀཱན་སྲིད་ཚོགས་ཀྱི་ རྒྱབ་འགལ་ལུ་ ཚོགས་རྒྱན་ཚུ་ གཡོ་སྒྱུ་འབད་ཡོད་པའི་ བརྗོད་དོན་རྫུན་མ་ བཀོད་པ་ལུ་བརྟེན་ཏེ་ཨིན་པས།.
ད་རེས་ཡང་ མི་གྲངས་ ༢,༠༠༠ ལྷགཔ་ཅིག་ རྒྱལ་ས་ལུ་ འདུ་འཛོམས་འབད་དེ་ རྒྱལ་སའི་སྒྲིང་ཁྱིམ་གྱི་ སྒོ་ཅུང་ཚུ་ བཅག་དཀྲུམ་འབད་དེ་ ཡིག་ཚང་ཚུ་ནང་ འཛུལ་ཞིནམ་ལས་ གར་ལྷོད་སློང་སྟེ་ མི་མང་གི་ ས་གོ་ཚུ་ནང་ཡང་ ཆབ་གསང་བཏངམ་སོགས་པ་ཚུ་འབད་ནུག།
དེ་བསྒང་ ཁོང་གིས་ སྲིད་ཚོགས་ཀོང་གེ་རེཛ་གི་ འཐུས་མི་ཚུ་ འཚོལ་ཡོདཔ་ད་ དེ་བཟུམ་མའི་ བྱ་སྤྱོད་འབད་མི་དེ་ཡང་ རེ་པབ་ལི་ཀཱན་ སྲིད་ཚོགས་ནང་ དམངས་གཙོའི་རིང་ལུགས་ཀྱི་ རྒྱབ་འགལ་ལུ་ རྒྱུད་བསྐུལ་འབད་བའི་ གནས་སྟངས་འཐོན་དོ་ཡོད་པའི་ ཉེན་བརྡ་དང་ ཡུ་ཨེཛ་དམངས་གཙོའི་རིང་ལུགས་ཀྱི་ བརྟན་གཞི་དེ་ སྒྲིང་སྒྲིང་མེདཔ་ ཐལ་དོ་ཡོད་པའི་ བརྡ་མཚོན་ཚུ་ སྟོནམ་ཨིན་པས་ཟེར་ བཀོད་འདུག་པའི་གནས་ཚུལ།