རྒྱ་གར་དིལླི་ལུ་ དྲོད་ཤུགས་སེལ་སི་ཡཱཛ་ ༢.༢ གུ་ གནས་ཡོད་མི་དེ་ སྔོན་ཆད་མ་བྱུང་པའི་ ཚད་གཞི་དམའ་དྲགས།

ཨེན་ཌི་ཊི་ཝི།
རྒྱ་གར་དིལླི་ལུ་ ད་རེས་ དྲོད་ཤུགས་དེ་ ནམ་རྒྱུན་གྱི་ དཔྱ་སྙོམས་ཚད་གཞི་ལས་ སིལ་སི་ཡཱཛ་ ༥ མར་བབས་སོང་ཡོདཔ་ལས་ ནམ་དུས་འདི་ནང་ དྲོད་ཤུགས་ཀྱི་ཚད་གཞི་ དམའ་མཐའ་ཅིག་ལུ་ཡོདཔ་སྦེ་ རྒྱ་གར་གྱི་ གནམ་གཤིས་རིག་པའི་ལྟེ་བ་ལས་ བཤད་ཡོདཔ་ཨིན་པས།
རྒྱ་གར་གྱི་གནམ་ཐང་ པཱ་ལམ་ལུ་འབད་བ་ཅིན་ ས་སྨུག་སྟུག་དྲགས་ལུ་བརྟེན་ཏེ་ མིག་གིས་མཐོང་ཤུགས་དེ་ མི་ཊར་ ༥༠ ཚུན་མ་གཏོགས་ མཐོང་མ་ཚུགས་ནི་དེ་གིས་ འཁོར་ལམ་དང་ རེ་ལིའི་ལམ་ཚུ་ལུ་ གནོད་སྐྱོན་བྱུང་སྟེ་ཡོདཔ་ཨིན་པས།
དེ་བཟུམ་སྦེ་ ཨིན་ད་ར་གཱན་དྷི་ གནམ་གྲུ་ཐང་གི་ ཉེ་འདབས་ལུ་ཡོད་མི་ པཱ་ལམ་གནམ་ཐང་གི་ བལྟ་རྟོག་ཁང་ལུ་ དྲོ་པའི་ཆུ་ཚོད་ ༥.༣༠ ལུ་ མཐོང་ཤུགས་དེ་ མི་ཊར་ ༢༥ ཚུན་མ་གཏོགས་ མེདཔ་ཨིན་པས།
རྒྱ་གར་གྱི་ རེ་ལི་ལས་སྡེའི་ མགྲིན་ཚབ་ཅིག་གིས་ བཤད་དོ་བཟུམ་འབད་བ་ཅིན་ རེ་ལིའི་འགྲུལ་ལམ་ཚུ་ ས་སྨུག་གིས་སྤུར་ཏེ་ དུས་ཡུན་ཆུ་ཚོད་ ༡ ལས་ ༧ གྱི་བར་ན་ རེ་ལིའི་འགྲུལ་བསྐྱོད་ཚུ་ ཕར་ཕུད་རྐྱབ་དགོཔ་ ཐོན་ཡི་ཟེར་ཨིནམ་ད་ དྲོད་ཤུགས་དེ་ སེལ་སི་ཡཱཛ་ ༢.༢ གུ་ ལྷོད་དེ་ཡོདཔ་སྦེ་ བཤད་པའི་སྐོར་ལས་ བཀོད་འདུག་པའི་གནས་ཚུལ།