ར་ཤི་ཡ་གིས་ གས་རྫས་ཚུ་བཀོགཝ་ལས་ ཡུ་ཀེ་རེན་གྱི་ ཁྲོམ་ཚོགས་ཚུ་ནང་གནོད་སྐྱོན།

རོའི་ཊརཛ།
སྤྱི་ཟླ་ ༡༢ པའི་ཚེས་ ༢༩ ལུ་ ར་ཤི་ཡ་གིས་ མཁའ་དམག་ཐོག་ལས་ ཡུ་ཀེ་རེན་གྱི་ ཁྲོམ་ཚོགས་ཚུ་ནང་ མི་ཛ་ཡེལ་བརྒྱ་ཕྲག་སྦེ་ བཀོག་ཡོདཔ་བཞིན་དུ་ དེ་གི་སྒྲ་ཚུ་ ཡུ་ཀེ་རེན་གྱི་རྒྱལ་ས་ ཀི་ཡེབ་དང་ ཁྲོམ་ཚོགས་དག་པ་ཅིག་ནང་ གོ་ཡོདཔ་ཨིན་པས།
གནད་དོན་དེ་གི་སྐོར་ལས་ ཡུ་ཀེ་རེན་ སྲིད་འཛིན་གྱི་གྲོས་དཔོན་ ཨོ་ལེག་སི་ ཨ་རེཛ་ཊོ་བིཆ་གིས་ བཤད་དོ་བཟུམ་འབད་བ་ཅིན་ གནམ་ཁ་ལས་ཕར་ མི་ཛ་ཡེལ་ མང་རབས་ཅིག་ཡང་ མཐོང་ཅི་ཟེར་ཨིན་པས།
གནད་དོན་དེ་ལུ་བརྟེན་ཏེ་ ཁྲོམ་ཚོགས་ཨོ་དེ་ས་དང་ ཌི་ནི་པོར་པེ་དོབཛ་ཚུ་ནང་ གློག་མེའི་བརྒྱུད་ཐག་ཚུ་ མེདཔ་བཏང་ཡོད་རུང་ ནུས་ཤུགས་ཀྱི་ གཞི་རྟེན་མཁོ་ཆས་ཚུ་ལུ་ གནོད་པ་སྦོམ་སྦེ་ར་ མ་བྱུངམ་ཨིན་པས།
ར་ཤི་ཡ་གིས་་ ཞི་བའི་མི་སེར་ཚུ་ལུ་ གནོདཔ་མ་བཀལ་བཀལཝ་མེདཔ་སྦེ་ བཤདཔ་ཨིན་རུང་ ཉིན་བསྟར་བཞིན་དུ་ ར་ཤི་ཡའི་ མི་ཛ་ཡེལ་ཚུ་གིས་ ཁྲོམ་ཚོགས་དང་ གཞི་རྟེན་མཁོ་ཆས་ཚུ་ མེདཔ་བཏངམ་བཏང་ས་ར་ཡོད་ཟེར་ བཤདཔ་ཨིན་པས།
དེ་ཡང་ དཔེ་འབད་བ་ཅིན་ སྤྱི་ཟླ་ ༡༢ པའི་ཚེས་ ༢༩ ལུ་ ར་ཤི་ཡའི་ མི་ཛ་ཡེལ་ཚུ་གིས་ ཁེར་སོན་ཁྲོམ་ལུ་ཡོད་མི་ སྐྱེས་མའི་སྨན་ཁང་ཡན་ལག་གུ་ ཕོག་ཡོད་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།