མ་ལེ་ཤི་ཡ་ལུ་ ས་རུད་ཆད་དེ་ སྒར་བཅགས་སྡོད་མི་ ༡༦ དེ་ཅིག་ལུ་ ཤི་རྐྱེན་དང་ ལེ་ཤ་ཅིག་བྱང་སྟོར།
བི་བི་སི།མ་ལེ་ཤི་ཡའི་ སེ་ལེང་གོར་མངའ་སྡེ་ལུ་ མི་ལེ་ཤ་ཅིག་ སྒར་བཅགས་སྡོད་སའི་ ས་ཁོངས་ནང་ ས་རུད་ཆད་དེ་ མི་གྲངས་ ༡༦ དེ་ཅིག་ལུ་ ཤི་རྐྱེན་བྱུང་ཡོདཔ་ད་ ལེ་ཤ་ཅིག་ འཚོལ་མ་ཐོབ་པར་ཡོདཔ་ཨིན་པས།ས་རུད་དེ་ཡང་ སྤྱི་ཟླ་ ༡༢ པའི་ཚེས་ ༡༦ གི་དྲོ་པ་ ཆུ་ཚོད་ ༣ དེ་ཅིག་ཁར་ ཨ་ལོ་ཚུ་དང་སྦྲགས་ཏེ་ མི་གྲངས་ ༩༠ དེ་ཅིག་ བ་ཏང་ཀ་ལི་ཟེར་མི་ སོ་ནམ་པའི་ སྒར་བཅགས་ས་ཁོངས་ནང་ གུར་སྤུབས་ཏེ་ ཉལ་སྡོད་པའི་སྐབས་ལུ་ ཐོན་ཡོདཔ་ཨིན་པས།ས་རུད་དེ་ སྒར་བཅགས་ས་ཁོངས་ལས་ མི་ཊར་ ༣༠ ལྷགཔ་ཅིག་གི་ ས་ཁ་མཐོ་ས་ལས་ཐོན་ཏེ་ ས་ཆ་ཨེ་ཀར་ ༡ གི་ནང་ལས་མར་ གཞོལ་ཡོདཔ་ཨིན་པས།དེ་ཚེ་ཉིན་མ་ར་ ཉེན་སྐྱོབ་དབང་འཛིན་ཚུ་གིས་ མི་གྲངས་ ༦༠ ལྷགཔ་ཅིག་ འཚོལ་ཐོབ་སྟེ་ཡོད་རུང་ མི་གྲངས་ ༡༧ དེ་ཅིག་ གར་སོང་མེདཔ་ལས་ འཚོལ་མ་ཐོབ་པར་ཡོད་ཟེར་ བཤད་ཡོདཔ་ཨིན་པས།ག་དེ་སྦེ་ཨིན་རུང་ དབང་འཛིན་ཚུ་གི་ ཁ་ཐུག་ལས་ སྒར་བཅགས་སྡོད་སའི་ ས་ཁོངས་ཚུ་དང་ ཉེན་ཁ་ཡོད་མི་ […]
