དབུ་ཁྲིད་ ༣ གྱིས་ ལྷོ་རྒྱ་ནག་གི་ རྒྱ་མཚོའི་འབྱེལཝ་ འཇོམས་ཐབས་འབད་ནི།
རོའི་ཊརཛ། སྤྱི་ཟླ་ ༤ པའི་ཚེས་ ༥ ལུ་ ཕི་ལི་པིན་གྱི་ ཕྱི་འབྲེལ་ལྷན་ཁག་ལས་ བཤད་དོ་བཟུམ་འབད་བ་ཅིན་ ཡུ་ཨེཛ་དང་ རྒྱ་པཱན་ ཕི་ལི་པིན་ རྒྱལ་ཁབ་ ༣ གྱི་ དབུ་ཁྲིད་ཞལ་འཛོམས་སྐབས་ལུ་ ལྷོ་རྒྱ་ནག་གི་ རྒྱ་མཚོ་དང་འབྲེལ་བའི་ བྱེལཝ་འཇོམས་ཐབས་ཀྱི་ གྲོས་གཞི་དེ་ཡང་ ཚུད་དེ་ཡོད་ཟེར་ཨིན་པས།ཤུལ་མའི་བདུན་ཕྲག་ནང་ ཡུ་ཨེཛ་གི་སྲིད་འཛིན་ ཇཱོ་བ་ཡེ་ཌེན་གྱིས་ རྒྱ་པཱན་གྱི་བློན་ཆེན་ ཕུ་མི་ཡོ་ཀི་ཤི་ད་དང་ ཕི་ལི་པིན་གྱི་སྲིད་འཛིན་ ཕར་ཌི་ནེན་ མར་ཀོཛ་ཇུ་ནི་ཡར་ ༢ དང་གཅིག་ཁར་ དཔལ་འབྱོར་གྱི་འབྲེལ་བ་དང་ ཨིན་ཌོ་པེ་སི་ཕིག་གི་སྐོར་ལས་ གསུང་གྲོས་གནང་ནི་ཨིན་པས།རྒྱ་ནག་གིས་ རྒྱ་མཚོ་དེ་ ཁོང་གི་བདག་དབང་འོག་ལུ་ཨིནམ་སྦེ་ ཐོབ་བརྗོད་བཀོད་དོ་ཡོདཔ་མ་ཚད་ རྒྱ་ནག་ལས་ ཀི་ལོ་མི་ཊར་ ༡,༠༠༠ ལྷགཔ་ཅིག་གི་ ས་ཁར་ཡོད་མི་ རྒྱ་མཚོའི་ནང་ མཚོ་འགྲམ་ཉེན་སྲུང་གི་ གྲུ་ཟིང་ཚུ་ཡང་ བཏང་སྟེ་ཡོདཔ་ཨིན་པས།འདས་པའི་ལོ་ནང་ རྒྱ་ནག་དང་ ཕི་ལི་པིན་གྱི་བར་ན་ རྒྱ་མཚོའི་ནང་ ཚར་ལེ་ཤ་ཅིག་ར་ གདོང་ཐུག་འབད་བའི་ཁར་ འདས་པའི་ཟླཝ་ནང་ཡང་ ཕི་ལི་པིན་གྱིས་ ལྷོ་རྒྱ་ནག་གི་ རྒྱ་མཚོའི་མཐའ་མར་ གནམ་གྲུ་ཅིག་ […]