བི་བི་སི།
སྤྱི་ཟླ་ ༣ པའི་ཚེས་ ༢༩ ལུ་ ཨེཛ་རེལ་གྱིས་ སི་རི་ཡའི་ཁྲོམ་ཚོགས་ ཨ་ལེ་ལོ་ཟེར་མིའི་ ཉེ་འདབས་ལུ་ མཁའ་དམག་ཐོག་ལས་ གནོད་འཚུབ་བཀལ་མིའི་ནང་ མི་གྲངས་ ༣༦ དེ་ཅིག་ལུ་ ཤི་རྐྱེན་བྱུང་ཡོདཔ་ཨིན་པས།
དེ་ཡང་ ཨིཛ་རེལ་གྱིས་ ས་གོ་དག་པ་ཅིག་གི་ནང་ར་ གནོད་འཚུབ་ཚུ་ བཀལ་ཡོདཔ་ལས་ ཡུ་ཀེ་ལུ་ཡོད་མི་ སི་རི་ཡ་ འགྲོ་བ་མིའི་ཐོབ་དབང་ བལྟ་རྟོག་འབད་མི་གིས་ བཤད་དོ་བཟུམ་འབད་བ་ཅིན་ གནོད་འཚུབ་ཚུ་གི་ དམིགས་གཏད་དེ་ ཨི་རཱན་གྱི་ རྒྱབ་སྐྱོར་ཐོག་ལུ་ ལེ་བ་ནཱོན་གྱི་ དྲག་ཐོག་དབང་བཙོང་སྡེ་ཚན་ ཧེཛ་བོ་ལ་གིས་ ལག་ལེན་འཐབ་སྟེ་ཡོད་མི་ གོ་མཚོན་གྱི་ མཛོད་ཁང་ཚུ་ལུ་ བསྐྱེད་ནུག་ཟེར་ཨིན་པས།
དེ་སྦེ་ ཤི་རྐྱེན་བྱུང་མི་ ༣༨ ཀྱི་གྲས་ཁར་ ཧེཛ་བོ་ལའི་ དམག་མི་ ༢ ཡང་ཡོདཔ་ད་ སྲུང་སྐྱོབ་ལྷན་ཁག་གིས་ གནོད་འཚུབ་དེ་ནང་ ཞི་བའི་མི་སེར་དང་ སི་རི་ཡའི་ དམག་མི་ཚུ་ལུ་ཡང་ ཤི་རྐྱེན་བྱུང་ཡོདཔ་སྦེ་བཤད་ནུག།
དེ་བཟུམ་སྦེ་ སི་རི་ཡ་ལུ་ འབྲེལ་བ་འཐབ་ས་ ལེ་ཤ་ཡོད་མི་ ཨེཛ་ཨོ་ཨེཆ་ཨར་ཟེར་མི་ བལྟ་རྟོག་སྡེ་ཚན་གྱིས་ མི་ལེ་ཤ་ཅིག་ལུ་ རྨ་སྐྱོན་ཡང་ བྱུང་ནུག་ཟེར་ཨིནམ་ད་ ཨིཛ་རེལ་གྱིས་ དམིགས་གཏད་བསྐྱེད་སའི་ ས་གོ་ཚུ་གི་ནང་ལས་ ཨ་ལེ་པོ་ རྒྱལ་སྤྱིའི་གནམ་ཐང་ཡང་ཨིནམ་སྦེ་ བཤདཔ་ཨིན་པས།
སྤྱི་ལོ་ ༢༠༡༡ ལོར་ སི་རི་ཡ་ལུ་ ནང་འཁྲུག་ལང་ཞིནམ་ལས་ཚུར་ ཨིཛ་རེལ་གྱིས་ སི་རི་ཡ་ལུ་ གནོད་འཚུབ་ཤོ་ཐེངས་བརྒྱ་ལས་བཅད་དེ་ བཀལ་ཡོདཔ་ད་ གནོད་འཚུབ་དེ་ཚུ་ཡང་ མང་ཤོས་ར་ ཨི་རཱན་དང་ ཕྱོགས་གཏོགས་ཡོད་མི་ སྡེ་ཚན་ཧ་མཱཛ་ལུ་ རྒྱབ་སྐྱོར་འབད་མི་ཚུ་ལུ་བཀལ་ནུག།
ན་ཧིང་ སྤྱི་ཟླ་ ༡༠ པའི་ཚེས་ ༧ ལུ་ ཧ་མཱཛ་དྲག་ཐོག་དབང་བཙོང་སྡེ་ཚན་གྱིས་ ཨིཛ་རེལ་ལུ་ གནོད་འཚུབ་བཀལ་ཞིནམ་ལས་ཚུར་ ཨིཛ་རེལ་གྱིས་ ག་ཟ་ལུ་ཡོད་མི་ ཧ་མཱཛ་སྡེ་ཚན་ རྩ་མེད་གཏང་ཐབས་ལུ་ གནོད་འཚུབ་ཡར་སེང་འབད་ཡོདཔ་ཨིན་པས།
སི་རི་ཡའི་ སྲུང་སྐྱོབ་ལྷན་ཁག་གིས་ ད་རེས་ མཁའ་དམག་ཐོག་ལས་ གནོད་འཚུབ་བཀལ་མི་དེ་ ཨ་ལེ་པོ་ལུ་ གནོད་འཚུབ་བཀལ་མི་དང་ དུས་མཉམ་ཕོག་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།
ཨེཛ་རེལ་གྱིས་ སི་རི་ཡ་ལུ་ མཁའ་དམག་ཐོག་ལས་ གནོད་འཚུབ་བཀལ་མིའི་ནང་ མི་གྲངས་ ༣༦ དེ་ཅིག་ལུ་ཤི་རྐྱེན།
Comments are closed.
Related
རྒྱ་གར་གྱི་རྒྱལ་ས་ དིལླིའི་ས་ཁོངས་ཚུ་ནང་ ངོ་རྒོལ་འབད་མི་ཚུ་འཛིན་བཟུང་།
རོའི་ཊརཛ། སྤྱི་ཟླ་ ༡༠ པའི་ཚེས་ ༡༠ ལུ་ རྒྱ་གར་གྱི་ བཙག་འཐུ་ལྷན་འཛིན་སྤྱི་ཁྱབ་ དགོངས་ཞུ་འབད་དགོཔ་སྦེ་ ངོ་རྒོལ་འབད་མི་ཚུ་ ཁ་ཕྱལ་བཏང་ཐབས་ལུ་ ཉེན་སྲུང་དམག་མི་ཚུ་གིས་ དིལླིའི་ས་ཁོངས་ཚུ་ནང་ འགྲུལ་སྐྱོད་བཀག་དམ་འབད་བའི་ཁཡ་ ཁྲིམས་སྲུང་འགག་སྡེ་གིས་ ངོ་རྒོལ་འབད་མི་ཚུ་ཡང་ བརྒྱ་ཕྲག་ལས་བཅད་དེ་ འཛིན་བཟུང་འབད་ནུག། དེ་བཟུམ་སྦེ་ ཁྲོམ་སྡེའི་ནང་འཁོད་ལུ་ ཁྲིམས་སྲུང་འགག་པ་དང་ ཞི་བའི་དམག་མི་ སྟོང་ཕྲག་ལས་བཅད་དེ་ བཀྲམ་སྤེལ་འབད་ཡོདཔ་མ་ཚད་ ཚོང་འབྲེལ་ལྟེ་བ་དང་ འགྲུལ་འཕྲིན་ཡོངས་འབྲེལ་གྱི་ ཞབས་ཏོག་ཚུ་ཡང་ མཚམས་བཀག་འབད་ནུག། ངོ་རྒོལ་གྱི་ ས་ཁོངས་ཅིག་ཨིན་མི་ ཇཱན་ཏར་མན་ཏར་ལུ་ མི་སྟོང་ཕྲག་ལས་བཅད་དེ་ འཛོམས་ནི་གི་ འཆར་གཞི་ཡོདཔ་ཨིན་རུང་ ངོ་རྒོལ་འགོ་མ་བཙུགས་པའི་ཧེ་མ་ལས་ ཉེན་སྲུང་དམག་མི་ཚུ་གིས་ སྒོ་བསྡམས་ཡོདཔ་ཨིན་པས། ཨིན་རུང་ ཁྲོམ་སྡེའི་ས་གནས་ ལག་བཟོའི་ཚོང་ཁང་དང་ མ་ཧཱཏ་མ་གཱན་དྷིའི་ དྲན་རྟེན་ཚུ་ནང་ ངོ་རྒོལ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།
འགྲོ་བ་མིའི་དབང་ཆའི་ གཙོ་འཛིན་བགྲེསཔ་ ཨམ་ནཱ་ཝི་པི་ལེ་གིས་ འཛམ་གླིང་ཞི་བདེའི་ གཟེངས་རྟགས་ཐོབ་ཡོདཔ།
བི་བི་སི། སྤྱི་ལོ་ ༢༠༢༦ ལོའི་ འཛམ་གླིང་ཞི་བདེའི་གཟེངས་རྟགས་དེ་ འཛམ་གླིང་སྤྱི་ཚོགས་ འགྲོ་བ་མིའི་དབང་ཆའི་ གཙོ་འཛིན་བགྲེསཔ་དང་ རྒྱལ་སྤྱི་ཁྲིམས་འདུན་གྱི་དྲང་དཔོན་ ཨམ་ནཱ་ཝི་པི་ལེ་ལུ་ གནང་ཡོདཔ་ཨིན་པས། ལྷོ་ཨཕ་རི་ཀའི་ དྲང་དཔོན་དེ་གིས་ ཞི་བདེ་དང་ རྒྱལ་སྤྱིའི་ཁྲིམས་ལུགས་ ཡར་དྲགས་གཏང་ནི་ལུ་ བརྩོན་ཤུགས་བསྐྱེད་ཡོད་པའི་ ངོས་འཛིན་བྱུང་ཡོདཔ་མ་ཚད་ རྒྱལ་སྤྱི་ཁྲིམས་ལུགས་ཀྱི་ སྒྲིག་གཞི་ཡོངས་རྫོགས་ཀྱི་དོན་ལུ་ཡང་ ལམ་སྟོན་འབད་ཡོདཔ་སྦེ་ འཛམ་གླིང་ཞི་བདེའི་ གཟེངས་རྟགས་ཚོགས་ཆུང་གིས་ གསལ་བཤད་འབད་ནུག། སྐྱེས་ལོ་ ༨༥ འབད་མི་ ཨམ་པི་ལེ་གིས་ ལོ་ངོ་བཅུ་ཕྲག་ལས་བཅད་དེ་ རེ་ཝང་ཌ་དང་ མི་ཡེན་མར་ གཱ་ཛ་ཚུ་རྩིས་ཏེ་ འགྲོ་བ་མིའི་ཐོབ་དབང་ལུ་ གནོད་སྐྱོན་རྐྱབ་ཡོད་པའི་ ཉེས་འཛུགས་བཀལ་མི་ཚུ་ལུ་ གཞི་བཞག་སྟེ་ མཐོ་རིམ་གྱི་ལཱ་ཚུ་ནང་ བཅའ་མར་གཏོགས་ཡོདཔ་ཨིན་པས། མོ་གི་ཧེ་མའི་ལཱ་ཚུ་ཡང་ ལྷོ་ཨཕ་རི་ཀ་ལུ་ མི་རིགས་དཀར་ནག་ཕྱེ་མི་ལུ་ རྒྱབ་འགལ་འབད་མི་ རྩོལ་འདོད་ཅན་ཚུ་ལུ་ རྒྱབ་སྐྱོར་འབད་ཡོདཔ་ལས་ སྤྱི་ཟླ་ ༡༠ པའི་ཚེས་ ༨ ལུ་ རྒྱལ་ཁབ་ནང་ ཞི་བདེའི་གཟེངས་རྟགས་ཐོབ་མི་ མི་ངོམ་ ༥ པ་ཨིནམ་སྦེ་བཀོད་ནུག། ནོར་ཝེ་ཇིན་ལས་ […]
ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་ཡོདཔ།
བི་བི་སི། ཨ་མི་རི་ཀའི་སྲིད་འཛིན་ ཌོ་ནཱལ་ཊཱམ་གྱིས་ ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་མི་ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ སྐྱོན་བརྗོད་འབད་ནུག། དེ་མ་ཚད་ སྲིད་འཛི་ཟེ་ལེནཛ་ཀི་གིས་ བཤད་དོ་བཟུམ་འབད་བ་ཅིན་ དེ་སྦེ་ ཕྱད་མདའི་ནང་ མ་རྩ་བཙུགས་མི་དེ་ ར་ཤི་ཡའི་སྲིད་འཛིན་ ཝ་ལ་ཌི་མིར་ པུ་ཊིན་ལུ་ གསོལ་རས་སྦེ་ འོང་ནི་མས་ཟེར་ཨིན་པས། སྲིད་འཛིན་པུ་ཊིན་གྱིས་ ཨ་མི་རི་ཀ་དང་ འཛམ་གླིང་ཚོང་འབྲེལ་ནང་ དེ་འཕྲལ་ལས་ ས་སྣུམ་ཌི་ཟེལ་ ཊཱོན་ ༣༠༠,༠༠༠ དེ་ཅིག་ གཏོན་ནི་ཨིནམ་མ་ཚད་ སྤྱི་ཟླ་ ༡༡ པའི་ནང་ ཊཱོན་ ༥༠༠,༠༠༠ དང་ དེ་གི་ཤུལ་ལས་ ས་ཡ་ ༡ གཏོན་ནི་ཨིན་པའི་ ཁས་བླངས་ཡང་འབད་ནུག།