འབྲུག་གི་བཙག་འཐུ་ལྷན་ཚོགས་ལུ་ འབྲུག་མཐུན་འབྲེལ་ཚོགས་པ་ ཐོ་བཀོད་ཀྱི་དོན་ལས་ ཞུ་ཡིག་ཕུལ་ཡོདཔ།
ཨྱོན་ཚེ་རིང་།སྤྱི་ཟླ་ ༥ པའི་ཚེས་ ༢༦ ལུ་ སྲིད་དོན་ཚོགས་པ་གསརཔ་ འབྲུག་མཐུན་འབྲེལ་ཚོགས་པ་གིས་ འབྲུག་གི་བཙག་འཐུ་ལྷན་ཚོགས་ལུ་ སྲིད་ཚོགས་ཐོ་བཀོད་ཀྱི་དོན་ལས་ ཞུ་ཡིག་ཕུལ་ཡོདཔ་ཨིན་པས།དེ་ཡང་ འབྲུག་གི་བཙག་འཐུའི་ བཅའ་ཁྲིམས་དང་ སྒྲིག་གཞི་ཚུ་དང་འཁྲིལ་ཏེ་ ཕུལ་ཡོདཔ་ད་ སྲིད་ཚོགས་དེ་གི་ གཙོ་འཛིན་དང་ གཙོ་འཛིན་འོགམ་གིས་གཙོས་པའི་ ཡིག་ཚང་གི་ ལས་བྱེདཔ་ཚུ་ བདུན་ཕྲག་ ༣ གྱི་ཧེ་མར་ སྤྱི་ཟླ་ ༥ པའི་ཚེས་ ༢ ལུ་ བཙག་འཐུ་འབད་ནུག།འབྲུག་མཐུན་འབྲེལ་ཚོགས་པ་གིས་ གསར་བཏོན་འབད་མི་ གནས་ཚུལ་ཅིག་ནང་ བཀོད་དོ་བཟུམ་འབད་བ་ཅིན་ ཚོགས་པའི་བཀའ་ཁྲིམས་ཚུ་ ལེགས་བཅོས་འབད་ཡོདཔ་མ་ཚད་ རྒྱལ་ཁབ་ནང་འཁོད་ལུ་ འདེམས་ཁོངས་སོ་སོའི་ འདེམས་ངོ་ཚུ་གི་ མིང་ཐོ་ཚུ་ཡང་ ཐོ་བཀོད་འབད་དེ་ཡོད་ཟེར་ཨིན་པས།རྒྱལ་ཁབ་ནང་ ཁྲིམས་མཐུན་གྱི་ སྲིད་དོན་ཚོགས་པ་ཅིག་སྦེ་ ཐོ་བཀོད་གྲུབ་ཐབས་ལུ་ དགོས་མཁོ་ཅན་ཚུ་ ཕུལ་ཡོདཔ་ལས་ བཙག་འཐུ་ལྷན་ཚོགས་ཀྱིས་ དབྱེ་ཞིབ་དང་ བསྐྱར་ཞིབ་ཐོག་ལུ་ ངོས་འཛིན་འབྱུང་པའི་ རེ་བ་ཡོད་ཟེར་བཀོད་ནུག།འབྲུག་མཐུན་འབྲེལ་ཚོགས་པ་ གསར་བཙུགས་འབད་མི་དེ་ ཤུལ་མའི་བཙག་འཐུའི་ནང་ འབྲུག་མི་ཚུ་གི་དོན་ལས་ གདམ་ཁ་བྱིན་ནི་ལུ་ བྱ་རིམ་ཡང་དག་དང་ ཐབས་ཤེས་ཅིགཨིན་ཟེར་ གནས་ཚུལ་གསར་བཏོན་ནང་ […]
