བཀྲིས་ཆོས་རྫོང་ནང་ ལོ་བསྟར་གྱི་ རྡོ་རྗེ་རྣམ་འཇོམས་རྒྱས་པའི་ གསུང་ཆོག་དང་ མི་མང་ལུ་བྱབས་ཁྲུས།
བདེ་སྐྱིད་ཆོས་སྒྲོན།ཐིམ་ཕུ་བཀྲ་ཤིས་ཆོས་རྫོང་ནང་སྦེ་ སློབ་དཔོན་ལྷན་རྒྱས་ ༥ སྐོར་རྒྱབ་ཐོག་ལུ་ དབུ་བཞུགས་མཛད་དེ་ དགེ་སློང་ཞལ་གྲངས་ ༢༠༠ ལྷགཔ་ཅིག་གིས་ ལོ་བསྟར་གནང་སྲོལ་ཡོད་མི་ རྡོ་རྗེ་རྣམ་འཇོམས་རྒྱས་པའི་ གསུང་ཆོག་གནངམ་ཨིན་པས།དེ་ཡང་ སྤྱི་ཟླ་ ༨ པའི་ཚེས་ ༣༠ ལས་ འགོ་བཙུགས་ཏེ་ སྤྱི་ཟླ་ ༩ པའི་ཚེས་ ༥ ཚུན་ བདུན་ཕྲག་ ༡ གི་རིང་ལུ་ རྡོ་རྗེ་རྣམ་འཇོམས་རྒྱས་པའི་ གསུང་ཆོག་གནངམ་དང་འབྲེལ་ཏེ་ དྲོ་པའི་ཆུ་ཚོད་ ༧ དེ་ཅིག་ཁར་ ཨ་རྟག་ར་ མི་མང་ལུ་ རྣམ་འཇོམས་རྒྱས་པའི་ བྱབས་ཁྲུས་ཡང་ གནང་དོ་ཡོདཔ་ཨིན་པས།དེ་བཟུམ་མའི་ རྡོ་རྗེ་རྣམ་འཇོམས་རྒྱས་པའི་ གསུང་ཆོག་དེ་ སྤྱིར་འཛམ་གླིང་ནང་ ཞི་བདེ་འབྱུང་ཐབས་ལུ་དང་ ལྷག་པར་དུ་ འབྲུག་རྒྱལ་ཁབ་འདི་ནང་ ཀོ་ཝིཌ་-༡༩ གིས་གཙོས་པའི་ ནད་ཡམས་མུ་གེ་ཚུ་ག་ར་ཞི་སྟེ་ བདེ་སྐྱིད་འབྱུང་ཐབས་ལུ་ཨིན་ཟེར་ གཞུང་གྲྭ་ཚང་གི་ བརྡ་བརྒྱུད་འགོ་དཔོན་ སློབ་དཔོན་ཐུབ་བསྟན་རྒྱ་མཚོ་གིས་ བཤད་ཡོད་པའི་གནས་ཚུལ།