National News
བསམ་གྲུབ་ཆོས་གླིང་ དྲུང་ཁག་ཁྲིམས་འདུན་ལས་ ཕོ་སྐྱེས་ ༡ ལུ་ ལོ་ངོ་ ༡༢ ཀྱི་བཙོན་ཁྲིམས།
སྤྱི་ཟླ་ ༩ པའི་ཚེས་ ༡༥ ལུ་ བསམ་གྲུབ་ཆོས་གླིང་ དྲུང་ཁག་ཁྲིམས་འདུན་ལས་ སྐྱེས་ལོ་ ༩ འབད་མི་ བུམོ་ཅུང་ཅིག་ལུ་ དབང་བཙོང་འདོད་སྤྱོད་འབད་མི་ ཕོ་སྐྱེས་ ༡ ལུ་ ལོ་ངོ་ ༡༢ ཀྱི་ བཙོན་ཁྲིམས་བཀལ་ནུག། སྐྱེས་ལོ་ ༢༡ འབད་མི་ ཉེས་ཅན་ཕོ་སྐྱེས་ པར་ཀཤ་གུ་རུང་དེ་ བསམ་གྲུབ་ལྗོངས་མཁར་རྫོང་ཁག་ གཡུས་ལུམ་མི་ནང་ལས་ཨིནམ་ད་ རྐྱེན་ངན་དེ་གིས་སྐོར་ལས་ སྤྱི་ཟླ་ ༥ པའི་ཚེས་ ༢༤ ལུ་ ཉམས་རྒུད་པའི་ ཨམ་ཅུང་གིས་ བསམ་གྲུབ་ཆོས་གླིང་གི་ ཁྲིམས་སྲུང་འགག་སྡེ་ལུ་ སྙན་ཞུ་འབད་ཡོདཔ་ཨིན་པས། དེ་ལས་ ཁྲིམས་སྲུང་འགག་སྡེ་གིས་ དབྱེ་ཞིབ་འབད་བའི་ཤུལ་ལས་ སྤྱི་ཟླ་ ༧ པའི་ཚེས་ ༢༠ ལུ་ བསམ་གྲུབ་ཆོས་གླིང་ དྲུང་ཁག་ཁྲིམས་ཀྱི་འདུན་སར་ ཉེས་ཡིག་ཕུལ་ནུག་ཟེར་ ཁྲིམས་སྲུང་འགག་པའི་ མི་སྡེའི་བརྡ་བརྒྱུད་ ཕེཛ་བུག་ནང་ བཀོད་འདུག་པའི་གནས་ཚུལ།