National News
འབྲུག་གི་ཁེ་ཕན་ཆེ་བའི་ མི་སྡེ་གོང་འཕེལ་ལས་འགུལ་གྱི་དོན་ལུ་ རྒྱ་གར་གཞུང་གིས་ མ་དངུལ་གྲོགས་རམ་ རིམ་ཐེངས་གཉིས་པ་འཛིན་གྲོལ།
པདྨ་དབང་འདུས། སྤྱི་ཟླ་ ༧ པའི་ཚེས་ ༢༩ ལུ་ རྒྱ་གར་གཞུང་གིས་ འབྲུག་བཞུགས་རྒྱ་གར་གཞུང་ཚབ་ཀྱི་ ཡིག་ཚང་བརྒྱུད་དེ་ འབྲུག་གི་ཁེ་ཕན་ཆེ་བའི་ མི་སྡེ་གོང་འཕེལ་ལས་འགུལ་གྱི་དོན་ལུ་ མ་དངུལ་གྲོགས་རམ་ རིམ་ཐེངས་ ༢ པ་ འཛིན་གྲོལ་འབད་ནུག། དེ་ཡང་ རྒྱ་གར་གཞུང་ཚབ་ ཤྲཱི་སཱན་དིབ་ཨ་རི་ཡ་གིས་ དངུལ་ཀྲམ་ས་ཡ་ ༢,༣༧༨.༢༨༡༥ གི་ དངུལ་ཤོག་དེ་ འབྲུག་གི་དངུལ་རྩིས་བློན་པོ་ ལས་སྐྱིད་རྡོ་རྗེ་ལུ་ཕུལ་ཡོདཔ་ཨིན་པས། མ་དངུལ་དེ་ཡང་ ཁེ་ཕན་ཆེ་བའི་ མི་སྡེ་གོང་འཕེལ་ལས་འགུལ་ ༢༩༢ འཕྲོ་མཐུད་ལག་ལེན་གྱི་ རྒྱབ་སྐྱོར་ལུ་ སྤྱོད་ནི་ཨིནམ་ད་ དེ་ཡང་ རྒྱ་འབྲུག་ ༢ ཀྱི་བར་ན་ གོང་འཕེལ་གྱི་དོནལས་ མཉམ་བསྡོམས་བརྩོན་ཤུགས་ནང་ གལ་གནད་ཆེ་བའི་ གོམ་པ་མདུན་པོའི་ རྟགས་མཚན་ཅིག་ཨིན་ཟེར་ གནས་ཚུལ་གསར་བཏོན་ནང་བཀོད་ནུག།
