Archive

མི་རྗེ་བློན་ཆེན་མཆོག་གིས་ བུམ་ཐང་དབང་འདུས་ཆོས་གླིང་ སྨན་ཁང་ནང་ ནདཔ་ ༨ གཤག་བཅོས།

སྤྱི་ཟླ་ ༧ པའི་ཚེས་ ༢༠ ལུ་ མི་རྗེ་བློན་ཆེན་ ཌོག་ཊར་བློ་གྲོས་ཚེ་རིང་གིས་ བུམ་ཐང་དབང་འདུས་ཆོས་གླིང་ སྨན་ཁང་ནང་ གཤག་བཅོས་སྡེ་ཚན་ཅིག་གི་ རྒྱབ་སྐྱོར་ཐོག་ལུ་ ནད་གཞི་མ་འདྲཝ་ཡོད་མི་ ནདཔ་ ༨ གཤག་བཅོས་མཛད་ནུག། དེ་ཡང་ མི་རྗེ་བློན་ཆེན་མཆོག་གིས་ བུམ་ཐང་རྫོང་ཁག་གི་ རྒེད་འོག་ཚུ་ནང་ གཟིགས་སྐོར་གནང་མི་དང་བསྟུན་ཏེ་ཨིནམ་ད་ དེ་བསྒང་ མི་སེར་ཚུ་ལུ་ མི་རྗེ་བློན་ཆེན་མཆོག་གིས་ རྒྱལ་ཁབ་ལུ་ ནད་ཡམས་ཀོ་ཝིཌ་-༡༩ གིས་ གནོད་པ་བྱུང་ཡོད་པའི་སྐོར་ལས་དང་ མི་སེར་ཚུ་གིས་ འགན་ཁུར་ཚུལ་མཐུན་ འབག་དགོ་པའི་སྐོར་ལས་གསུངས་ནུག། དེ་མ་ཚད་ སྤྱི་ཟླ་ ༧ པའི་ཚེས་ ༢༠ ལུ་ ཕྱི་རོ་ཁམས་ཅིག་ཁར་ མི་རྗེ་བློན་ཆེན་མཆོག་གིས་ སྨན་ཁང་གི་ ལས་བྱེདཔ་ཚུ་དང་ཡང་ མཇལ་ཕྲད་མཛད་ཡོདཔ་ད་ དེ་བསྒང་ གསོ་བའི་ལས་བྱེདཔ་ཚུ་གིས་ ནདཔ་ཚུ་དང་ འབྲེལ་བ་འཐབ་མི་དེ་ ཁྱད་རིག་གཞན་ཚུ་དང་ མ་འདྲ་མི་དེ་ཡང་ ནདཔ་ཚུ་ལུ་ བྱམས་བརྩེ་དང་ སྙིང་རྗེའི་སྒོ་ལས་ སྨན་བཅོས་འབད་བ་ཅིན་ ནདཔ་ཚུ་གིས་ གུས་ཞབས་དང་ བརྩི་མཐོང་སྦོམ་སྦེ་ར་ བསྐྱེད་འོང་ཟེར་གསུངས་ནུག། […]