World News
རྒྱ་གར་བྱང་ཕྱོགས་ལུ་ ཆར་ཆུ་དང་ གློག་ཀེམ་ལུ་བརྟེན་ཏེ་ མི་གྲངས་བསྡོམས་ ༣༦ ལུ་ཤི་རྐྱེན།
ཨེ་བི་སི།སྤྱི་ཟླ་ ༩ པའི་ཚེས་ ༢༤ ལུ་ འདས་པའི་ཆུ་ཚོད་ ༢༤ གི་ནང་ ཆརཔ་ཤུགས་སྦེ་ རྐྱབ་མི་དང་ གློག་ཀེམ་ལུ་བརྟེན་ཏེ་ རྒྱ་གར་བྱང་ཕྱོགས་ཁ་ཐུག་ལུ་ གློག་ཀེམ་གྱིས་ མི་གྲངས་ ༡༢ བརྩིས་ཏེ་ མི་གྲངས་བསྡོམས་ ༣༦ ལུ་ ཤི་རྐྱེན་བྱུང་ནུག།དེ་ཡང་ རྒྱ་གར་བྱང་ཕྱོགས་མངའ་སྡེ་ ཨུ་ཏར་པར་དེཤ་ལུ་ སྡོད་ཁྱིམ་རམ་འགྱོ་བའི་ རྐྱེན་ངན་ནང་ མི་གྲངས་ ༢༤ ལུ་ ཤི་རྐྱེན་བྱུང་ཡོདཔ་མ་ཚད་ གློག་ཀེམ་ལུ་བརྟེན་ཏེ་ འདས་པའི་ཉིན་ཞག་ ༥ གི་ནང་ མི་གྲངས་ ༣༩ ལུ་ ཤི་རྐྱེན་བྱུང་ནུག་ཟེར་ དབང་འཛིན་ཚུ་གིས་ བཤད་ཡོདཔ་ཨིན་པས།དེ་མ་ཚད་ འཛམ་གླིང་ནང་ ཚ་དྲོད་ཡར་འཕར་ལུ་བརྟེན་ཏེ་ འཕྲལ་འཕྲལ་སྦེ་ར་ གློག་ཀེམ་མས་ཟེར་ མཚན་རིག་དང་ རང་བཞིན་གནས་སྟངས་ཀྱི་ མདོ་ཆེན་གྱིས་ བཤད་ཡོདཔ་ད་ རྒྱ་གར་ལུ་ གནམ་བྱཱར་གྱི་ དུས་ཚོད་ཁར་ གློག་ཀེམ་མི་དེ་ ཡོངས་གྲགས་ཨིན་པས་ཟེར་ བཀོད་འདུག་པའི་གནས་ཚུལ།