BBC News: Russia has withdrawn its troops from the strategic Ukrainian town of Lyman, in a move seen as a significant setback for its campaign in the east. The retreat came amid fears thousands of soldiers would be encircled in the town, Russia’s defence ministry said. Recapturing Lyman is of strategic significance for Ukraine. The […]
BBC News: For Renee Smith and her paralysed, cancer-stricken husband Christopher, evacuation was not an option when Hurricane Ian came violently bearing down on their Florida home. “It would have taken an ambulance, a stretcher, and three grown men to move him,” she said of Christopher, who became paralysed just days before the hurricane as […]
བི་བི་སི།ཨཕ་གྷན་གྱི་རྒྱལ་ས་ ཀ་བཱུལ་ལུ་ ཟུར་ཆོས་ལྷབ་སའི་ ལྟེ་བ་ཅིག་ནང་ རང་སྲོག་བཅད་ཐོག་ལས་ རྫས་བམ་གས་བཅུག་པ་ལུ་བརྟེན་ཏེ་ མི་གྲངས་ ༣༥ ལུ་ ཤི་རྐྱེན་བྱུང་མིའི་གྲས་ཁར་ མང་ཤོས་ཅིག་ར་ སློབ་ཕྲུག་བུམོ་ཚུ་ཨིན་པས་ཟེར་ འཛམ་གླིང་སྤྱི་ཚོགས་ཀྱིས་ བཤད་ཡོདཔ་ཨིན་པས།དེ་མ་ཚད་ གཞན་མི་ ༨༠ ལྷགཔ་ཅིག་ལུ་ཡང་ རྨ་སྐྱོན་བྱུང་ཡོདཔ་ད་ དེ་བསྒང་ སློབ་ཕྲུག་ཚུ་ ལྟེ་བ་དེ་་ནང་ གཙུག་ལག་སློབ་གྲྭའི་ ཆོས་རྒྱུགས་ཀྱི་དོན་ལས་ སྦྱང་བ་འབད་དེ་ སྡོད་ནུག་ཟེར་ཨིན་པས།བྱུང་རྐྱེན་དེ་གི་སྐོར་ལས་ སྡེ་ཚན་ག་གིས་ཡང་ ངོས་ལེན་མ་འབད་རུང་ ཨིཛ་ལ་མིག་ གཡིབ་དམག་སྡེ་ཚན་ཚུ་ འོང་ནི་ཨིན་པའི་ དོགས་པ་ཟེར་ ཏཱ་ལི་བཱན་ འགན་འཛིན་པ་ཚུ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།
རེའུ་ཊརཛ།སྤྱི་ཟླ་ ༡༠ པའི་ཚེས་ ༡ ལུ་ ཡུ་ཀེ་རེན་གྱི་ ཨེཛ་ཡུ་བི་ཟེར་མི་ ཉེན་སྲུང་ཞབས་ཏོག་གིས་ བཤད་དོ་བཟུམ་འབད་བ་ཅིན་ ར་ཤི་ཡ་དང་ ཡུ་ཀེ་རེན་གྱིས་ དམ་འཛིན་འབད་མི་ ཤར་ཕྱོགས་སྐྱ་ཐལ་ས་ཁོངས་ནང་ མི་སེར་ཚུ་ སྣུམ་འཁོར་ཐོག་ལུ་ རུ་བསྐྱོད་འབད་བའི་བར་ན་ ར་ཤི་ཡ་གིས་ དྲག་བཅོམ་འབད་དེ་ ཞི་བའི་མི་སེར་ ༢༠ དམར་བསད་འབད་ནུག་ཟེར་ཨིན་པས།དེ་ཡང་ སྤྱི་ཟླ་ ༩ པའི་ནང་ ཡུ་ཀེ་རེན་གྱིས་ ལོག་ལེན་མི་ ཁར་ཀིབ་མངའ་སྡེ་དང་ ར་ཤི་ཡ་གིས་ དབང་བཟུང་འབད་མི་ ལུ་ཧིནཛ་མངའ་སྡེའི་ ས་གནས་སི་ཝ་ཊོབ་ཟེར་སར་ དྲག་བཅོམ་འབད་ཡོདཔ་ཨིན་པས།དེ་བསྒང་ སྣུམ་འཁོར་ ༧ རུ་སྒྲིག་ཐོག་ལུ་ འགྲུལ་བསྐྱོད་འབད་བའི་བར་ན་ དྲག་བཅོམ་འབད་དེ་ ཞི་བའི་མི་སེར་ཚུ་གི་ སྣུམ་འཁོར་ཚུ་ མེདཔ་བཏང་ཡོདཔ་ད་ ལམ་འགྲུལཔ་ ༢ སྣུམ་འཁོར་ཀར་ནང་ར་ དེད་གཡོག་པའི་ སྡོད་ཁྲི་གུ་ སྒྱིར་འཁོར་ལུ་ ལགཔ་བཤེད་དེ་ ཤི་ཡོདཔ་སྦེ་ མཐོང་ནུག་ཟེརཨིན་པས།དེ་མ་ཚད་ སྤྱི་ཟླ་ ༩ པའི་ཚེས་ ༢༩ ལུ་ཡང་ ཡུ་ཀེ་རེན་གྱི་ […]
རྡོ་རྗེ་དབང་ཕྱུག།སྤྱི་ཟླ་ ༩ པའི་ཚེས་ ༢༨ ལུ་ རྒྱུན་འགྲུལ་མི་ལམ་ཟེར་ མིང་གསརཔ་བཏགས་ཏེ་ ཧེ་མའི་གཞུང་ལམ་ ཀི་ལོ་མི་ཊར་ ༤༠༣ དེ་ཅིག་ཡོད་མི་དེ་ མི་དབང་མངའ་བདག་རིན་པོ་ཆེ་མཆོག་གི་ ལམ་སྟོན་འོག་ལུ་ འབྲུག་ལྟ་བཤལ་ཚོགས་སྡེ་དང་ འབྲུག་ཀེ་ནེ་ཌ་ གཞི་ཚོགས་ཀྱི་ སེམ་བཱ་ལ་ཡཱད་ མཉམ་འབྲེལ་ཐོག་ལས་ ལོག་ཉམས་བཅོས་འབད་དེ་ཡོད་མི་འདི་ མི་དབང་རྒྱལ་སྲས་ འཇིགས་རྒྱལ་ཨོ་རྒྱན་དབང་ཕྱུག་མཆོག་གིས་ སེམས་རྟོགས་ཁའི་ རྫོང་ནང་ལས་སྦེ་ གཞུང་འབྲེལ་ཐོག་ལུ་ འགོ་འབྱེད་མཛད་གནང་ཡི།རྒྱུན་འབྲེལ་མི་ལམ་འདི་ རིང་ཚད་ཀི་ལོ་མི་ཀྲར་ ༤༠༣ དེ་ཅིག་དེ་ རྫོང་ཁག་ ༩ དང་ རྒེད་འོག་ ༢༧ དང་ མཐུད་སྦྲེལ་འབད་བའི་ཁར་ ལ་ ༡༢ དང་ སྤྲིངས་ཟམ་ ༥ ཤིང་ཟམ་ ༡༠ བརྒལ་འགྱོ་དགོཔ་ད་ ལྷ་ཁང་ ༢༡ དང་ མཆོད་རྟེན་ ༧༧ ཡང་ ལམ་འགྱོ་བའི་ཞོར་ཁ་ལུ་ མཇལ་ཚུགས་ནི་ཨིནམ་མ་ཚད་ མི་ལམ་དེ་ ལ་ལུང་ལེ་ཤ་ཅིག་བརྒལ་ཏེ་ འགྱོ་དགོཔ་ལས་ ལ་གོང་འོག་ […]
ལྷག་པ་གྲུབ་པ།རང་ཟླ་ ༩ པའི་ ཚེས་ ༡༡ སྤྱི་ཟླ་ ༡༡ པའི་ཚེས་ ༤ ལས་ འབྲུག་གི་སྤྱི་ ༣ པའི་ རྒྱལ་ཡོངས་ཚོགས་འདུ་ ཐེངས་ ༨ པ་ འཚོགས་གནང་ནི་སྦེ་ གཏན་འཁེལ་བཟོ་གནང་ནུག།དེ་འབདཝ་ལས་ རྩ་ཁྲིམས་ཅན་གྱི་ འདུས་ཚོགས་དང་ གཙུག་སྡེ་ ལྷན་ཁག་དང་ ལས་སྡེ་ ས་གནས་གཞུང་ཚུ་གིས་ རྒྱལ་ཡོངས་ཚོགས་འདུའི་ནང་ གོང་འཕེལ་དང་འབྲེལ་བའི་ གནད་དོན་ཚུ་མིན་པར་ གལ་གནད་ཆེ་བའི་ གནད་དོན་གཞན་ཚུ་ གསུང་གྲོས་གནང་དགོཔ་ཡོད་པ་ཅིན་ གཤམ་འཁོད་ལམ་སྟོན་དང་འཁྲིལ་ཏེ་ སྤྱི་ཟླ་ ༡༠ པའི་ཚེས་ ༡༣ གྱི་ ནང་འཁོད་ལུ་ གྲོས་གཞི་སྔོན་འགྲོའི་ ཞལ་འཛོམས་ནང་ བཙུགས་ནིའི་དོན་ལས་ རྒྱལ་ཡོངས་ཚོགས་འདུའི་ དྲུང་ཆེན་ཡིག་ཚང་ནང་ ལྷོད་དགོ་ཟེར་ཨིན་པས།ག་དེམ་ཅིག་སྦེ་ གོང་གསལ་ཚེས་གྲངས་ཀྱི་ ནང་འཁོད་ལུ་ མ་ལྷོད་པ་ཅིན་ གནད་དོན་ཚུ་ ཚོགས་ཐེངས་འདི་གི་ གྲོས་གཞིའི་གྲལ་ཁར་ བཙུགས་ཐབས་མེད་པའི་ གསལ་བསྒྲགས་འབདཝ་ཨིན་ཟེར་བཀོད་ནུག།རྒྱལ་ཡོངས་ཚོགས་འདུའི་ འཐུས་མི་ལྷན་འཛོམས་ཀྱི་ གྲོས་གཞི་སྔོན་འགྲོའི་ ཞལ་འཛོམས་འདི་ […]
ཡིག་ཚང་ལས་བྱེདཔ།ཕྱི་འབྲེལ་བློན་པོ་ ཌོག་ཊར་རྟ་མགྲིན་རྡོ་རྗེའི་ འགོ་ཁྲིད་ཐོག་ལུ་ འཐུས་མི་ ༧ འབད་མི་ སྡེ་ཚན་ཅིག་གིས་ ནིའུ་ཡོག་ལུ་ འཛམ་གླིང་སྤྱི་ཚོགས་ཀྱི་ ཡོངས་ཁྱབ་ཞལ་འཛོམས་ ཚོགས་ཐེངས་ ༧༧ པ་དང་འབྲེལ་ཏེ་ སྤྱི་ཟླ་ ༩ པའི་ཚེས་ ༡༧ ལས་ ༢༨ ཚུན་ བརྩི་བསྲུང་འབད་མི་ ཆེ་མཐོའི་གནས་རིམ་གྱི་ བདུན་ཕྲག་ནང་ གྲལ་གཏོགས་འབད་ཡོདཔ་ད་ དེ་བསྒང་ བློན་པོ་གིས་ མི་སྡེའི་ལས་རིམ་ དག་པ་ཅིག་དང་ རྒྱལ་སྤྱིའི་བརྡ་བརྒྱུད་ཐོག་གི་ དྲིས་ལན་ཚུ་ནང་ གྲལ་གཏོགས་འབད་ཡོདཔ་མ་ཚད་ ནིའུ་ཡོག་དང་ ཝ་ཤིང་ཊཱོན་ཌི་སི་ལུ་ འབྲུག་པའི་མི་སྡེ་ཚུ་དང་ཡང་ ཕྱད་གནང་ནུག།སྤྱི་ཟླ་ ༩ པའི་ཚེས་ ༢༣ གྱི་ཕྱི་རོ་ ཁྲུས་འབབ་དང་ འབྲུག་ལུ་ ལྟ་བཤལ་ལས་དོན་ བསྐྱར་ལོག་འགོ་བཙུགས་པའི་ ཉིནམ་དང་འབྲེལ་ཏེ་ འབྲུག་ལྟ་བཤལ་ཚོགས་སྡེའི་ ཁྲི་འཛིན་ཡང་ཨིན་མི་ ཕྱི་འབྲེལ་བློན་པོ་གིས་ ནིའུ་ཡོག་ལུ་ཡོད་མི་ འབྲུག་པའི་མི་སྡེ་དང་ ཕྱད་གནང་པའི་ཁར་ བློན་པོ་གིས་ འབྲུག་ལུ་ ལྟ་བཤལ་ལོག་སྟེ་ར་ འགོ་བཙུགས་ནི་དང་ ལྟ་བཤལ་གྱི་ […]
བི་བི་སི།མི་ནག་ཚོང་གི་སྐོར་ལས་ ལྷོ་ཨིང་ལེན་གྱི་ སྐྱབས་སྦྱིན་ལས་སྡེ་ཅིག་ནང་ ཞུ་བ་ལྷོད་པའི་ཤུལ་ལས་ ཡུ་ཀེ་གཞུང་གིས་ མི་ནག་ཚོང་རྐྱབ་མི་དང་གཅིག་ཁར་ དྲི་བ་དྲིས་ལན་འབད་ནིའི་དོན་ལུ་ ཇེན་ཀོར་བིན་ཟེར་མི་ སྐྱབས་སྦྱིན་པ་ཅིག་ ཊར་ཀི་ལུ་ བཏང་ཡོདཔ་ཨིན་པས།ཁོ་གིས་ ལས་རིམ་དེ་ ཟླ་ངོ་ ༣ དེ་ཅིག་ ཞིབ་འཚོལ་འབད་བའི་ཤུལ་ལས་ ཕྱི་རོ་གནམ་སྲོ་ཁམས་ཅིག་ཁར་ ཊར་ཀི་ལུ་ཨིན་མི་ ཨིཛ་ཊན་བཱུལ་གྱི་ ཁྱིམ་བར་ནའི་ གསང་ལམ་བདའ་སྟེ་ འགྱོ་བའི་ཤུལ་ལུ་ ཁྱིམ་གཅིག་ནང་ མི་ནག་ཚོང་རྐྱབ་མི་དང་ དངོས་སུ་སྦེ་ཕྱད་ནུག།དེ་སྦེ་ ཁོ་དང་གཅིག་ཁར་ ཕྱད་ནིའི་དོན་ལུ་ ཟླཝ་ལས་བཅད་དེ་ འགོར་ཡོདཔ་མ་ཚད་ ཁོང་གི་བར་ན་ མི་བློ་གཏད་ཚུགས་མི་ཡང་ བཙུགས་ཐོག་ལས་ འགོ་འདྲེན་འཐབ་དགོཔ་ བྱུང་ཡི་ཟེར་ཨིན་པས།དེ་ལས་ མཐའ་འཇུག་ལུ་ ཁོ་དང་ཕྱད་དེ་ བློ་སླབ་པའི་སྐབས་ལུ་ ཁོ་གི་ཚོང་སྒྱུར་ཚུ་ ཁ་གསལ་སྦེ་ སླབ་དགོ་པ་ཅིན་ ངེ་གི་མིང་དང་ ངོ་རྟགས་ཚུ་ གསལ་བསྒྲགས་འབད་ནི་ མི་འོང་ཟེར་ཨིནམ་ད་ དེ་བསྒང་ ཁོ་གི་སྲུང་རྒྱབ་ཚུ་ཡང་ ཁྱིམ་གྱི་མཐའ་བསྐོར་ཏེ་སྡོད་ནུག།ཇེན་ཀོར་བིན་གྱིས་ མི་ནག་ཚོང་རྐྱབ་ནི་དེ་ ཁྲིམས་འགལ་ཨིན་ཟེར་ སླབ་པའི་ལན་ལུ་ ཁོ་གིས་ བྱམས་བརྩེའི་ཐོག་ལས་ མི་རྣམས་ཀུན་ལུ་ཕན་པའི་ ལཱ་འབདཝ་ཨིན་ཟེར་ སླབ་ཡོདཔ་མ་ཚད་ […]
བི་བི་སི།སྤྱི་ཟླ་ ༩ པའི་ཚེས་ ༢༩ ལུ་ མ་ཡེན་མར་ དམག་སྡེ་གཞུང་གིས་ འགོ་ཁྲིད་བགྲེསཔ་ ཨམ་ཨང་སན་སུ་ཀིའི་ གྲོས་དཔོན་ཨིན་མི་ ཨཱཛ་ཊེ་ལི་ཡའི་མི་ཁུངས་ སིན་ཊར་ནེལ་ལུ་ ལོ་ངོ་ ༣ གྱི་ བཙོན་ཁྲིམས་བཀལ་ནུག།དེ་ཡང་ སྤྱི་ལོ་ ༢༠༢༡ སྤྱི་ཟླ་ ༢ པའི་ནང་ དམག་སྡེ་གིས་ དམངས་གཙོའི་རིང་ལུགས་ནང་ བཙག་འཐུ་ལས་གྲུབ་པའི་ དམངས་གཙོའི་འགོ་ཁྲིདཔ་ ཨམ་ཨང་སན་སུ་ཀི་དེ་ གཞུང་གི་དབང་ཚད་ལས་ ཕྱིར་བཏོན་འབད་བའི་ཤུལ་ལུ་ གྲོས་དཔོན་བགྲེསཔ་ སིན་ཊར་ནེལ་ཡང་ དོ་དམ་འོག་ལུ་ བཞག་ཡོདཔ་ཨིན་པས།ཨིན་རུང་ ཨཱཛ་ཊེ་ལི་ཡ་གཞུང་གིས་ ཉེས་ཁྲིམས་དེ་ མ་ཡན་མར་ དམག་སྡེ་གཞུང་གིས་ དབང་ཚད་ཐོག་ལུ་ བཀལ་ཡོདཔ་ལས་ ངོས་ལེན་མེདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།
རྡོ་རྗེ་དབང་ཕྱུག། སྤྱི་ཟླ་ ༩ པའི་ཚེས་ ༢༨ ལུ་ མི་དབང་རྒྱལ་པོའི་སྲསམོ་ བསོད་ནམས་བདེ་ཆེན་དབང་ཕྱུག་མཆོག་ མི་དབང་མངའ་བདག་རིན་པོ་ཆེ་མཆོག་གི་ སྐུ་ཚབ་སྦེ་ རྒྱ་པཱན་ལུ་ ཆིབས་བསྐྱོད་གནང་ཡོདཔ་བཞིན་དུ་ རྒྱ་པཱན་གྱི་བློན་ཆེན་ ཀི་ཤི་ད་ ཕུ་མེ་ཡོ་དང་གཅིག་ཁར་ ཊོ་ཀི་ཡོ་ལུ་ ཨ་ཀ་ས་ཀ་ ཕོ་བྲང་ནང་སྦེ་ མཇལ་ཕྲད་མཛད་གནང་ནུག།དེ་བསྒང་ མི་དབང་རྒྱལ་སྲསམོ་མཆོག་གིས་ རྒྱ་པཱན་གྱི་ བློན་ཆེན་བགྲེསཔ་ ཚེ་འདས་ཤིན་ཟོ་ཨེ་བི་ལུ་ བློ་འགྱོད་ཅན་གྱི་ རྐྱེན་ངན་བྱུང་མི་ལུ་ མི་དབང་མངའ་བདག་རིན་པོ་ཆེ་དང་ འབྲུག་རྒྱལ་ཁབ་ དེ་ལས་ མི་སེར་ཡོངས་ཀྱི་ ཁ་ཐུག་ལས་ ཐུགས་ཀྱི་གདིང་ལས་ར་ མྱ་ངན་གྱི་ སེམས་གསོ་མཛདཔ་དང་ཅིག་ཁར་ མི་དབང་རྒྱལ་སྲསམོ་མཆོག་གིས་ རྒྱ་པཱན་གྱི་ དབུ་ཁྲིད་བཟང་ཤོས་ཅིག་དང་ འབྲུག་གི་ཆ་རོགས་ མཐུན་ཤོས་ཅིག་ མི་རྟག་སྔ་ལམ་ལུ་ ཐལ་སོང་ནི་དེ་གིས་ ཐུགས་ཕམ་སྦོམ་ བྱུང་ཡི་ཟེར་ཨིན་པས།རྒྱ་པཱན་གྱི་ བློན་ཆེན་གྱིས་ ང་བཅས་ཀྱི་ བློན་ཆེན་བཤགས་མི་ལུ་ འབྲུག་རྒྱལ་ཁབ་ཀྱིས་ དེ་བཟུམ་མའི་ མྱ་ངན་གྱི་ སེམས་གསོ་མཛད་པར་ རྒྱལ་ཁམས་ཀྱི་ པུར་སྦྱང་ནང་ བྱོན་གནང་མི་འདི་ལུ་ བཀྲིན་ཆེ་ཟེར་ ཞུཝ་དང་གཅིག་ཁར་ འབྲུག་གི་མི་དབང་མངའ་ཞབས་མཆོག་གིས་ […]
ཨཱལ་ཇ་ཟི་ར། པ་ཀིཛ་ཏཱན་ལུ་ ཆུ་རུད་སྦོམ་ཐོན་ཏེ་ ཟླ་ངོ་ ༣ ལྷགཔ་ཅིག་ སོང་ཡོད་མི་འདི་ རྒྱལ་ཁབ་ནང་ དུས་ནམ་ཡང་ བྱུང་མ་མྱོང་པའི་ གནམ་གཤིས་འགྱུར་བ་དང་འབྲེལ་བའི་ འགྲོ་བ་མི་ལུ་གནོད་པའི་ དཀའ་ངལ་སྦོམ་ཤོས་ཅིག་ འོང་ནི་མས་ཟེར་ཨིན་པས། དེ་ཡང་ ཆུ་རུད་ལུ་བརྟེན་ཏེ་ མི་གྲངས་ ༡,༥༠༠ དེ་ཅིག་ལུ་ ཤི་རྐྱེན་དང་ མི་སེར་ས་ཡ་ ༣༣ དེ་ཅིག་ལུ་ གནོད་སྐྱོན་བྱུང་ཡོདཔ་མ་ཚད་ ལོ་ཐོག་ཚུ་ཡང་ མེདཔ་བཏང་ཡོདཔ་ལས་ རྒྱལ་ཁབ་ཀྱི་ འགོ་ཁྲིདཔ་ཚུ་གིས་ ཆུ་རུད་ལུ་བརྟེན་པའི་ ནད་གཞི་དང་ བཀྲེས་སྐོམ་ལུ་བརྟེན་ཏེ་ ཤི་རྐྱེན་ཡར་འཕར་འགྱོ་ནི་ཨིན་པའི་ ཉེན་བརྡ་འབད་ནུག། དེ་མ་ཚད་ ཉེན་སྲུང་མེད་པའི་ ཨ་ལོ་སྐྱེས་མི་ཚུ་ལུ་ ནད་རིགས་བཀག་ཐབས་ཀྱི་ སྨན་ཁབ་མ་རྐྱབ་མི་དང་ དོན་ཧིང་གི་ ནད་གཞི་ཡོད་མི་ གུ་རམ་གྱི་ ནད་གཞི་ཡོད་མི་ཚུ་ལུ་ཡང་ དུས་ཚོད་ཁར་ སྨན་བཅོས་མ་འབད་བར་ཡོདཔ་ལས་ གཟུགས་ཁམས་འཕྲོད་བསྟེན་ལུ་ གནོད་ཉེན་འབྱུང་ནི་གི་ ཉེན་ཁ་སྦོམ་འདུག་ཟེར་ འཛམ་གླིང་གསོ་བའི་ལས་སྡེ་གིས་ བཤད་ཡོདཔ་ཨིན་པས། དེ་བཟུམ་སྦེ་ རྒྱལ་ཁབ་དེ་གིས་ ཆུ་རུད་ལུ་བརྟེན་པའི་ མི་དང་འབྲེལ་བ་ཡོད་མི་ དཀའ་ངལ་ཚུ་ འཕྲལ་མགྱོགས་ར་ […]
