Archive

Browse by month

11285 stories

རྒྱལ་གཞུང་འགག་སྡེ་གིས་ གནམ་གྲུ་ནང་ གསེར་ཀེ་ཇི་ ༡ བསྐྱལ་བཞག་མི་ལུ་ཞིབ་དཔྱད།

སྤ་རོའི་རྒྱལ་གཞུང་འགག་སྡེ་གིས་ གསེར་ནག་ཚོང་གི་ གནད་དོན་ཅིག་ ཞིབ་དཔྱད་འབད་བའི་བསྒང་ཨིནམ་ད་ དེ་ཡང་ སྤ་རོའི་གནམ་ཐང་ནང་ བྷུ་ཊཱན་ཨེ་ཡར་ལེནཛ་གི་ ཆབ་གསང་ནང་ལས་ གསེར་ཀེ་ཇི་ ༡ ལྷགཔ་ཅིག་ ཐོབ་ཡོདཔ་ཨིན་པས།གསེར་དེ་ཡང་ གསེར་ཕྱེའི་རྣམ་པ་སྦེ་ ཟླཝ་ ༢ དེ་ཅིག་གི་ཧེ་མར་ གནམ་ཐང་ནང་ ལཱ་འབད་མི་ ལས་གཡོགཔ་ ༣ གྱིས་ ཐོབ་པའི་ཤུལ་ལས་ ཐིམ་ཕུར་བསྐྱལ་ཏེ་ བཞུ་ཞིནམ་ལས་ གསེར་སྤག་ཅུང་དང་ ཏིག་ཅུང་ལུ་ བསྒྱུར་བཅོས་འབད་ནུག།གནད་དོན་དེ་གི་སྐོར་ལས་ རྒྱལ་གཞུང་འགག་སྡེ་གིས་ ཧ༌གོ་བའི་ཤུལ་ལུ་ ཁོང་ ༣ འཚོལ་ཏེ་ གསེར་དེ་ཚུ༌ ལེན་བཞག་ཡོད་རུང་ ཁོང་ ༣ གྱིས་ རྒྱལ་གཞུང་འགག་སྡེ་དང་ མཉམ་འབྲེལ་ལེགས་ཤོམ་སྦེ་ འཐབ་པ་ལུ་བརྟེན་ཏེ་ ད་ལྟོ་ ཁོང་ ༣ ལུ་ ཉེས་འཛུགས་མ་འབད་བར་ བཞག་ཡོདཔ་ད་ བྷུ་ཊཱན་ཨེ་ཡར་ལེནཛ་ ཡིག་ཚང་གི་ ཁ་ཐུག་ལས་ཡང་ ནང་འཁོད་དྲི་དཔྱད་ཚུ་ འགོ་འདྲེན་འཐབ་དོ་ཡོདཔ་ཨིན་པའི་གནས་ཚུལ།

gyalchi July 16, 2023

World News

རྒྱལཔོ་ཅར་ལེཛ་དང་ ཡུ་ཨེཛ་གི་ སྲིད་འཛིན་བ་ཡེ་ཌེན་ ༢ མཇལ་ཕྲད།

སི་ཨེན་ཨེན། ཡུ་ཨེཛ་གི་སྲིད་འཛིན་ ཇཱོ་བ་ཡེ་ཌེན་དེ་ འདས་པའི་ཉིན་ཞག་དག་པ་ཅིག་གི་རིང་ལུ་ ཡུ་རོབ་ལུ་ བཞུགས་ཡོདཔ་ད་ དེ་ཡང་ ལི་ཐུ་ཨ་ནི་ཡ་ལུ་ བྱང་ཨེཊ་ལེན་ཊིག་ ཆིངས་ཡིག་ཚོགས་པའི་ འཐུས་མི་རྒྱལ་ཁབ་ཚུ་གི་ དབུ་ཁྲིད་ཞལ་འཛོམས་ནང་ གྲལ་གཏོགས་ཀྱི་དོན་ལས་ བྱོན་ཡོདཔ་ཨིན་པས།ཞལ་འཛོམས་དེ་ནང་ བྱོན་པའི་ཞོར་ཁར་ སྲིད་འཛིན་ཇཱོ་བ་ཡེ་ཌེན་གྱིས་ ཡུ་ཨེཛ་དང་ ཡུ་ཀེའི་བར་ན་ དམིགས་བསལ་གྱི་ མཐུན་ལམ་ཡར་དྲགས་ཀྱི་དོན་ལས་ ལོན་ཌཱོན་ལུ་ ཡུ་ཀེའི་བློན་ཆེན་ རི་ཤི་སུ་ནག་དང་ མཇལ་ཕྲད་མཛད་པའི་ཤུལ་ལས་ སྤྱི་ཟླ་ ༧ པའི་ཚེས་ ༡༠ ལུ་ རྒྱལཔོ་ཅར་ལེཛ་དང་ཡང་ མཇལ་ཕྲད་མཛད་ནུག།དེ་བསྒང་ ཡུ་ཀེའི་རྒྱལཔོ་དང་ ཡུ་ཨེཛ་གི་ སྲིད་འཛིན་ ༢ ཀྱི་བར་ན་ རྒྱལཔོ་ཅར་ལེཛ་མཆོག་ གསེར་ཁྲིར་མངའ་གསོལ་ ཞུ་བའི་ཤུལ་ལུ་ དེ་བཟུམ་མའི་ མཇལ་ཕྲད་མཛད་མི་དེ་ འགོ་དང་པ་ཨིན་པས་ཟེར་ བཀོད་འདུག་པའི་གནས་ཚུལ།

gyalchi July 16, 2023

World News

རྒྱ་ནག་གི་ དོན་གཅོད་འགོ་དཔོན་གྱིས་ རྒྱ་གར་དང་གཅིག་ཁར་ མཐུན་ལམ་སྲ་བརྟན་བཟོ་དགོ་པའི་སྐུལ་མ།

རོའི་ཊརཛ། སྤྱི་ཟླ་ ༧ པའི་ཚེས་ ༡༤ ལུ་ རྒྱ་ནག་དང་ རྒྱ་གར་ ༢ ཀྱི་ ས་མཚམས་ཁར་ བྱ་སྟབས་མ་བདེ་བའི་ གནད་དོན་ཚུ་གི་སྐོར་ལས་ རྒྱ་ནག་གི་ དོན་གཅོད་འགོ་དཔོན་མཐོ་ཤོས་ ཝང་ཡི་གིས་ རྒྱ་གར་གྱི་ ཕྱི་འབྲེལ་བློན་པོ་ལུ་ རྒྱལ་ཁབ་ ༢ ཀྱི་བར་ན་ ཟུང་ཕྱོགས་མཐུན་འབྲེལ་དེ་ སྲ་བརྟན་བཟོ་དགོཔ་འདུག་ཟེར་ཨིན་པས།དེ་ཡང་ ཨིན་ཌོ་ནེ་ཤི་ཡའི་རྒྱལ་ས་ ཇ་ཀར་ཏ་ལུ་ ཤར་ལྷོ་ཨེ་ཤི་ཡ་ རྒྱལ་ཁབ་ཚོགས་པའི་ ཞལ་འཛོམས་ཅིག་ འཚོགས་པའི་བསྒང་ཡོད་མིའི་ ཕྱི་ཁར་སྦེ་ ཝང་ཡི་གིས་ རྒྱ་གར་གྱི་ ཕྱི་འབྲེལ་བློན་པོ་ སུ་བར་མ་ནི་ཡམ་ ཇའི་ཤང་ཀར་ལུ་ རྒྱལ་ཁབ་ ༢ ཀྱི་བར་ན་ གཅིག་གིས་གཅིག་ལུ་ དོགས་པ་ཆགས་ནི་མིན་པར་ རྒྱབ་སྐྱོར་འབད་དགོཔ་ཡོད་ལུགས་ཚུ་བཤད་ནུག།མ་གཞི་ ཨེ་ཤི་ཡའི་ རྒྱལ་ཁབ་སྦོམ་ཤོས་ ༢ ཀྱིས་ ས་མཚམས་ཀྱི་ གནད་དོན་ཚུ་ག་ར་ བྱ་སྟབས་བདེ་ཏོག་ཏོ་ བཟོ་ནི་གི་ ཐབས་ལམ་ཚུ་ འཚོལ་ཞིབ་འབད་བའི་བསྒང་ར་ཨིན་པས་ཟེར་ བཀོད་འདུག་པའི་གནས་ཚུལ།

gyalchi July 16, 2023

གསལ་བསྒྲགས།

རིན་བསྡུར་གསལ་བསྒྲགས།

gyalchi July 15, 2023

གསལ་བསྒྲགས།

རིན་བསྡུར་གསལ་བསྒྲགས།

gyalchi July 15, 2023

News in English

Singapore Minister Arrested In Rare Top-Level Corruption Probe, Released On Bail

ABC News: Singapore’s transport minister has been arrested in connection with a rare top-level corruption probe that has also ensnared a billionaire hotel tycoon, the country’s anti-graft body has said. Transport Minister S. Iswaran was “arrested on 11 July 2023” and “subsequently released on bail”, the Corrupt Practices Investigation Bureau (CPIB) said in an emailed […]

gyalchi July 15, 2023

News in English

Torrential rain triggers deadly South Korea flooding

BBC News: Seven people have died and thousands have been forced to evacuate their homes due to flooding in South Korea. A third day of torrential rain has caused landslides, power cuts, and damage to infrastructure across the country. Early on Saturday, officials said that water had overtopped a dam in the central North Chungcheong […]

gyalchi July 15, 2023

World News

པ་ཀིཛ་ཏཱན་གྱིས་ ཨཕ་གྷན་ལུ་ དབང་བཙོང་འབད་མི་ཚུ་ སྡོད་བཅུག་ནི་ལས་འཛེམ་དགོཔ།

ཨེན་བི་སི། སྤྱི་ཟླ་ ༧ པའི་ཚེས་ ༡༤ ལུ་ ཨཕ་གྷ་ནིཛ་ཏཱན་དང་གཅིག་ཁར་ ས་མཚམས་སྦྱེལ་ཏེ་ཡོད་མི་ པ་ཀིཛ་ཏཱན་གྱི་མངའ་སྡེ་ བ་ལོ་ཅིཛ་ཏཱན་ལུ་ འདས་པའི་བདུན་ཕྲག་ནང་ དྲག་ཐོག་དབང་བཙོང་འབད་མི་ཚུ་གིས་ པ་ཀིཛ་ཏཱན་གྱི་ དམག་མི་ ༡༢ དམར་བསད་འབད་ནུག།དེ་འབདཝ་ལས་ པ་ཀིཛ་ཏཱན་གྱི་དམག་སྤྱི་ ཨ་སིམ་མུ་ནིར་གྱིས་ ཨཕ་གྷ་ནིཛ་ཏཱན་གྱི་ ཏ་ལི་བཱན་གཞུང་ལུ་ གལ་སྲིད་ ཨཕ་གྷ་ནིཛ་ཏཱན་གྱིས་ དྲག་ཐོག་དབང་བཙོང་འབད་མི་ཚུ་ ཁོང་གི་རྒྱལ་ཁབ་ནང་ སྡོད་བཅུག་ཐོག་ལས་ ས་མཚམས་བདའ་སྟེ་ གནོད་པ་བཀལ་བ་ཅིན་ པ་ཀིསི་ཏཱན་གྱིས་ དོན་སྨིན་ཅན་གྱི་ གདོང་ལན་འབད་ནི་ཨིནམ་སྦེ་ སླབ་ཡོདཔ་ཨིན་པས།ཨིན་རུང་ ཨཕ་གྷ་ནིཛ་ཏཱན་ ཏ་ལི་བཱན་གཞུང་གིས་ ལན་གསལ་ག་ནི་ཡང་མེདཔ་ད་ པ་ཀིཛ་ཏཱན་ དམག་སྤྱི་གིས་ ཨཕ་གྷན་ཏ་ལི་བཱན་གྱིས་ སྤྱི་ལོ་ ༢༠༢༠ ལུ་ ཝ་ཤིང་ཊཱོན་དང་གཅིག་ཁར་ ཆིངས་ཡིག་བཟོ་སྟེ་ཡོད་མིའི་ནང་ དྲག་ཐོག་དབང་བཙོང་གི་དོན་ལས་ ཨཕ་གྷ་ནིཛ་ཏཱན་ལུ་ སྡོད་ནི་ལས་ བཀག་དམ་འབད་ནི་ཨིན་ཟེར་མི་དེ་ལུ་ ཆ་གནས་བཞག་དགོཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

gyalchi July 15, 2023

News in English

Thailand’s Move Forward seeks to curb Senate powers after loss in PM vote

Reuters: BANGKOK, July 14 – Thailand’s Move Forward party filed a motion in parliament on Friday seeking to curb the power of the military-appointed Senate, a day after the body thwarted its party leader’s bid to become prime minister. The role of the 249-member Senate in deciding a prime minister along with the elected lower […]

gyalchi July 14, 2023

World News

རྒྱ་གར་གྱིས་ ཟླ་བའི་ནང་ འབྱུང་རབས་ཅན་གྱི་ འཕྲུལ་སྐར་ཅཱན་དར་ཡཱན་ ༣ པ་བཏང་ཡོདཔ།

བི་བི་སི། རྒྱ་གར་གྱིས་ ད་ཚུན་གྱི་བར་ན་ འཕྲུལ་སྐར་ཅིག་ཡང་ མ་ཆགས་པར་ཡོད་མི་ ལྷོ་ཕྱོགས་ཟླ་བའི་རྩེ་མོ་ལུ་ འགོ་དང་པ་ ཆགས་ནིའི་དོན་ལས་ འཕྲུལ་སྐར་ཅཱན་དར་ཡཱན་ ༣ པ་དེ་ མཐར་འཁྱོལ་ཅན་སྦེ་ བཏང་ཚུགས་ཡོདཔ་ཨིན་པས།དེ་ཡང་ ཟླ་བའི་ཕྱི་ཁ་ལས་ པད་སྐོར་བསྒྱིར་ནི་དང་ ཟླ་བའི་གུ་ཆགས་ནི་ དེ་ལས་ ཟླ་བའི་གུ་ འགྲོ་འགྲུལ་བཅས་ཀྱི་ འཕྲུལ་ཆས་ཚུ་དང་བཅསཔ་སྦེ་ཡོད་མི་ འཕྲུལ་སྐར་ཅཱན་དར་ཡཱན་ ༣ པ་དེ་ སྤྱི་ཟླ་ ༧ པའི་ཚེས་ ༡༤ ལུ་ ཕྱེད་ཡོལ་ཆུ་ཚོད་ ༢.༣༥ དེ་ཅིག་ཁར་ སི་རི་ཧ་རི་ཀོ་ཊ་ མཁའ་དབྱིངས་ལྟེ་བ་ལས་བཏང་ནུག།རྒྱ་གར་མཁའ་དབྱིངས་ལས་སྡེའི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ཟླ་བའི་གུ་ ཆགས་ནི་ཨིན་མི་ འཕྲུལ་ཆ་དེ་ སྤྱི་ཟླ་ ༨ པའི་ཚེས་ ༢༣ དང་ ༢༤ ལུ་ ཟླ་བའི་གུ་ ལྷོད་འོང་ཟེར་ཨིན་པས།དེ་བཟུམ་མའི་ འཕྲུལ་སྐར་བཏང་མི་དེ་ ཡུ་ཨེཛ་དང་ སོ་ཝིཏ་ཡུ་ནི་ཡཱན་ དེ་ལས་ རྒྱ་ནག་ཚུ་གི་ཤུལ་ལས་ རྒྱ་གར་དེ་ རྒྱལ་ཁབ་ ༤ […]

gyalchi July 14, 2023

World News

ཏ་ཡེ་ཝཱན་གྱི་ ལོ་བསྟར་ཕྱད་མདའི་ རྩེད་སྟོན་གྱི་ སྔ་གོང་ལུ་ རྒྱ་ནག་གིས་ དྲག་པོའི་སྟོབས་ཤུགས་ངོམ་སྟོན།

ཨེན་ཌི་ཊི་ཝི། སྤྱི་ཟླ་འདི་གི་ ཟླ་མཇུག་ལུ་ ཏ་ཡེ་ཝཱན་གྱིས་ ལོ་བསྟར་ཕྱད་མདའི་ རྩེད་སྟོན་ནང་ རྒྱ་ནག་གི་ འགག་སུབ་སྡེ་ཚན་ འཕྱལ་བཏང་པའི་ དཔེ་སྟོན་འབད་ནི་གི་ ལས་རིམ་ཡོད་པའི་ སྔ་གོང་ལུ་ བདུན་ཕྲག་འདི་ནང་ རྒྱ་ནག་གིས་ ཏ་ཡེ་ཝཱན་མཐའ་བསྐོར་ཏེ་ རྒྱ་མཚོའི་ནང་ལས་ཕར་ དྲག་པོའི་སྦྱོང་བརྡར་ཐོག་ལས་ སྟོབས་ཤུགས་ངོམ་སྟོན་འབད་ཡོདཔ་སྦེ་ཨིན་པས།རྒྱ་ནག་གིས་ ཏ་ཡེ་ཝཱན་དེ་ ཁོང་གི་དམངས་གཙོའི་ གཞུང་འོག་ལུ་ཨིནམ་སྦེ་ ངོས་ལེན་འབད་དགོ་པའི་ ཨེབ་ཤུགས་རྐྱབ་སྟེ་ འདས་པའི་ལོ་ངོ་ ༣ གྱི་རིང་ལུ་ ཏ་ཡེ་ཝཱན་མཚོ་གླིང་རྒྱལ་ཁབ་ མཐའ་བསྐོར་ཏེ་ རྒྱ་མཚོའི་ནང་ དམག་སྦྱོང་ཚུ་ཡང་ འཕྲལ་འཕྲལ་སྦེ་ར་ འགོ་འདྲེན་འཐབ་ནུག།དེ་མ་ཚད་ རྒྱ་ནག་གིས་ ཏ་ཡེ་ཝཱན་གྱི་ མཁའ་དབྱིངས་ནང་ མཁའ་དམག་གནམ་གྲུ་དང་ གས་རྫས་འབག་མི་ གནམ་གྲུ་ཚུ་གིས་མ་ཚད་པར་ གནམ་གྲུ་གཞན་ཚུ་ཡང་ འཕུར་འགྲུལ་འབད་བའི་ཁར་ གནམ་གྲུ་ལ་ལོ་ཅིག་ ཏ་ཡེ་ཝཱན་དང་ ཕི་ལི་པིན་གྱི་ ས་མཚམས་ཁར་ཡོད་མི་ མཚོ་བར་གྱི་ཆུ་ལམ་ བ་ཤི་ཟེར་མི་བརྒལ་ཏེ་ པེ་སི་ཕིག་ རྒྱ་མཚོའི་མགུ་ལས་ཕར་ཡང་ འཕུར་ཡོདཔ་སྦེ་ཨིན་པས།གནད་དོན་དེ་ཚུའི་སྐོར་ལས་ རྒྱ་ནག་གི་ སྲུང་སྐྱོབ་ལྷན་ཁག་ལས་ ག་ནི་ཡང་ སླབ་མ་བཏུབ་རུང་ སྤྱི་ཟླ་ ༧ […]

gyalchi July 14, 2023

National News

གནད་དོན་གལ་ཅན་མེད་པར་ འགྲོ་འགྲུལ་འབད་ནི་ལས་ འཛེམ་དགོཔ་དང་ དྲནམ་སྟོན་དགོཔ་གལ་ཅན།

ད་རེས་ནངས་པར་ གནམ་བྱཱར་གྱི་ ཆར་ཆུའི་དུས་ཚོད་ཨིནམ་ལས་ རྒྱལ་ཁབ་ཀྱི་ ས་གནས་ཁག་སོ་སོར་ ས་རུད་དང་ ཆུ་རུད་ལུ་བརྟེན་ཏེ་ འཁོར་ལམ་ཚུ་ལུ་ གནོད་སྐྱོན་བྱུང་པའི་ནང་ལས་ཡང་ སྤྱི་ཟླ་ ༧ པའི་ཚེས་ ༡༣ ལུ་ ཕུན་ཚོགས་གླིང་ དྲུང་ཁག་ནང་ ཆུ་རུད་ཀྱིས་ མི་སེར་གྱི་ རྒྱུ་དངོས་ཚུ་ལུ་ གནོད་སྐྱོན་སྦོམ་སྦེ་ར་བྱུང་ནུག།ས་གནས་གཞུང་སྐྱོང་དང་ རྐྱེན་ངན་འཛིན་སྐྱོང་ལས་ཁུངས་ཀྱིས་ གསལ་བསྒྲགས་ཅིག་ནང་ བཀོད་དོ་བཟུམ་འབད་བ་ཅིན་ རྒྱལ་ཡོངས་ཆུ་དཔྱད་དང་ གནམ་གཤིས་རིག་པའི་ལྟེ་བ་ལས་ ད་རེས་ རྒྱལ་ཁབ་ནང་ ཆརཔ་མ་ཆད་པར་ རྐྱབ་ནི་ཨིན་པའི་ སྔོན་བཤད་འབད་མི་ལུ་ ཚ་གྱང་ཡོད་ཟེར་ཨིན་པས།དེ་འབདཝ་ལས་ ལྷན་ཁག་དང་ ལས་ཁུངས་ རྫོང་ཁག་བདག་སྐྱོང་ཚུ་ལུ་ རང་སོའི་ཆ་འོག་གི་ ལས་བྱེདཔ་དང་ མི་སེར་ཚུ་ག་ར་ རིགཔ་བསྒྱིམས་ཏེ་ སྡོད་དགོ་པའི་ བརྡ་ལན་འབད་དགོ་པའི་ཁར་ རང་སོའི་འོག་ལུ་ཡོད་མི་ བརྡ་བརྒྱུད་ཚུ་གི་ནང་ཡང་ གཤམ་འཁོད་ལམ་སྟོན་ཚུ་ གསལ་བསྒྲགས་འབད་དགོཔ་སྦེ་ཡང་བཀོད་ནུག།དེ་ཡང་ གཙང་ཆུ་དང་ རོང་ཆུ་ཚུ་གི་ སྦོ་ལོགས་ཁར་ འགྱོ་ནི་ལས་ འཛེམ་དགོཔ་དང་ ཧེ་མར་ ཆུ་རུད་ཐོན་མི་ རང་སྡོད་སའི་ ས་ཁོངས་ཚུ་གི་ནང་ཡང་ རིགཔ་བསྒྱིམ་སྟེ་ སྡོད་དགོ་པའི་ […]

gyalchi July 14, 2023