རྒྱ་གར་ལུ་ བཙག་འཐུའི་དོན་ལས་ དངུལ་ཁང་ཚུ་གི་ འགན་ལེན་ཡི་གུ་བཀག་དམ།
ཨཱལ་ཇ་ཟི་ར། རྒྱ་གར་གྱི་ མངོན་མཐོ་ཁྲིམས་འདུན་ལས་ བཙག་འཐུའི་ཞལ་འདེབས་ཀྱི་དོན་ལུ་ དངུལ་ཁང་ལྟེ་བ་ཚུ་གིས་ འགན་ལེན་ཡི་གུ་སྤྲོད་ནི་གི་ ལམ་ལུགས་དེ་ བཀག་དམ་འབད་ཡོདཔ་ལས་ རྒྱལ་ཁབ་ནང་ རྒྱལ་ཡོངས་བཙག་འཐུ་ འགོ་འདྲེན་འཐབ་རན་མི་ སྲིད་དོན་བྱ་སྒོའི་ནང་ བྱ་སྟབས་མ་བདེཝ་ འཐོན་སྲིད་ནི་ཨིན་པས།དེ་ཡང་ ལྡོག་ཕྱོགས་འགོ་ཁྲིདཔ་ཚུ་གིས་ བཤད་དོ་བཟུམ་འབད་བ་ཅིན་ ལོ་བདུན་གྱི་ཧེ་མར་ བཙག་འཐུའི་འགན་ལེན་ གཞི་བཙུགས་འབད་མི་ བློན་ཆེན་མོ་དི་གི་ ཇཱན་ཏ་སྲིད་ཚོགས་ལུ་ འཁྲུན་ཆོད་དེ་གིས་ གནོད་སྐྱོན་འབྱུང་འོང་ཟེར་ཨིན་པས།ཨིན་རུང་ ཇཱན་ཏ་སྲིད་ཚོགས་ཀྱིས་ སྤྱི་ཟླ་ ༣ པ་དང་ ༥ པའི་བར་ན་ འགོ་འདྲེན་འཐབ་ནི་ཨིན་མི་ དུས་སྐབས་ནང་ འཁྲུན་ཆོད་དེ་གིས་ གནོད་པ་མི་འབྱུང་ཟེར་ བཤད་དོ་ཡོདཔ་ད་ དེ་བསྒང་ བློན་ཆེན་མོ་དི་གིས་ ལོག་སྟེ་ར་ དགོ་འགྲན་འབད་ནི་ཨིན་པས།མ་གཞི་ མངོན་མཐོའི་ཁྲིམས་འདུན་ལས་ དེ་བཟུམ་མའི་ ལམ་ལུགས་དེ་ རྩ་ཁྲིམས་ཆེན་མོ་དང་མ་འཁྲིལ་བའི་ གཞི་གནས་ཅིག་ཨིན་པའི་ཁར་ དངུལ་ཁང་ལུ་ཡང་ དེ་བཟུམ་མའི་ འགན་ལེན་མཚམས་འཇོག་འབད་དགོ་པའི་ བཀའ་རྒྱ་གནང་ནུག་ཟེར་ བཀོད་འདུག་པའི་གནས་ཚུལ།