ཏ་ཡེ་ཝཱན་ རྒྱ་མཚོའི་ནང་ རྒྱ་ནག་གི་ ཉ་བཟུང་མི་ ༢ ལུ་ཤི་རྐྱེན།

བི་བི་སི།
རྒྱ་ནག་དང་ ཏ་ཡེ་ཝཱན་གྱི་བར་ན་ མཐུན་ལམ་ལེགས་ཤོམ་མེད་པའི་ དུས་སྐབས་ནང་ སྤྱི་ཟླ་ ༢ པའི་ཚེས་ ༡༤ ལུ་ བྱང་ཕྱོགས་ཏ་ཡེ་ཝཱན་གྱི་ རྒྱ་མཚོའི་ནང་ རྒྱ་ནག་གི་ ཉ་བཟུང་མི་གྲུ་ཅིག་ ཏ་ཡེ་ཝཱན་གྱི་ མཚོ་འགྲམ་སྲུང་སྐྱོབ་དམག་མི་ཚུ་གིས་ བདའ་འགྱོ་བའི་སྐབས་ལུ་ ཉ་བཟུང་གྲུ་དེ་ རྒྱ་མཚོའི་ནང་ ཐིམས་སོངཔ་ལས་ རྒྱ་ནག་གི་ ཉ་བཟུང་མི་ ༤ ལས་ ༢ ལུ་ ཤི་རྐྱེན་བྱུང་ཡོདཔ་ཨིན་པས།
དེ་ཡང་ ཉ་བཟུང་མི་གྲུ་དེ་ ཏའེ་ཝཱན་གྱི་ མངའ་ཁོངས་ལུ་ཚུད་མི་ རྒྱ་མཚོའི་ནང་ ཧམ་འཛུལ་འབད་ཡོདཔ་ལས་ ཏ་ཡེ་ཝཱན་གྱི་ མཚོ་འགྲམ་སྲུང་སྐྱོབ་དམག་མི་གིས་ ཉེན་བརྡ་འབད་རུང་ ངོས་ལེན་འབད་མ་བཏུབ་པ་ལུ་བརྟེན་ཏེ་ བདའ་སོང་ནུག།
གདན་དོན་དེ་གི་སྐོར་ལས་ རྒྱ་ནག་གིས་ ཏ་ཡེ་ཝཱན་གྱིས་ མ་བདེན་པའི་ རྫུན་གཏམ་བཤད་ཐོག་ལས་ རྒྱ་ནག་གི་ ཉ་བཟུང་མི་གྲུ་ཚུ་ ཐབས་ལམ་ཉེན་ཁ་ཅན་དང་ ཚབས་ཆེན་གྱི་སྒོ་ལས་ འཛིན་བཟུང་འབད་ནི་གི་ རྩིས་རྐྱབ་ནུག་ཟེར་ བཀོད་འདུག་པའི་གནས་ཚུལ།