ཡུ་ཨེཛ་དང་ རྒྱ་ནག་རྒྱལ་ཁབ་ ༢ ཀྱི་བར་ན་ ཧ་ཝའི་ལུ་ དམག་སྡེའི་གསུང་གྲོས།
རོའི་ཊརཛ། སྤྱི་ཟླ་ ༤ པའི་ཚེས་ ༥ ལུ་ ཡུ་ཨེཛ་གི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ཡུ་ཨེཛ་དང་ རྒྱ་ནག་གི་བར་ན་ ཉེན་སྲུང་དང་ལྡན་པའི་ ལག་ལེན་གྱི་སྐོར་ལས་ རྒྱལ་ཁབ་ ༢ ཀྱི་ དམག་སྡེའི་འགོ་དཔོན་ཚུ་གི་བར་ན་ ཞལ་འཛོམས་ཁག་ལེ་ཤ་ཅིག་ འཚོགས་ཅི་ཟེར་ཨིན་པས།དེ་མ་ཚད་ ཡུ་ཨེཛ་གི་སྲིད་འཛིན་ ཇཱོ་བ་ཡེ་ཌེན་གྱིས་ རྒྱ་ནག་གི་སྲིད་འཛིན་ ཛི་ཇིན་པིང་ལུ་ ལྷོ་ཕྱོགས་རྒྱ་ནག་གི་ རྒྱ་མཚོའི་ནང་ བྱ་སྟབས་མ་བདེཝ་ འཐོན་ཏེ་ཡོད་མི་དེ་ འཛིན་སྐྱོང་ལེགས་ཤོམ་སྦེ་ འཐབ་དགོ་པའི་སྐོར་ལས་ཡང་ གསུང་གྲོས་གནང་ནུག།དེ་བཟུམ་སྦེ་ རྒྱལ་ཁབ་ ༢ ཀྱི་ འགོ་དཔོན་ཚུ་གི་བར་ན་ འདས་པའི་ལོ་ངོ་དག་པ་ཅིག་ནང་ ཉེན་སྲུང་དང་འབྲེལ་བའི་ གནད་དོན་ཚུ་གི་སྐོར་ལས་ བསྐྱར་ཞིབ་ཚུ་འབད་དེ་ ཡུན་བརྟན་ཅན་གྱི་ མཁའ་དབྱིངས་ལག་ལེན་ ཉེན་སྲུང་ཚུ་གི་སྐོར་ལས་ཡང་ གསུང་གྲོས་ཚུ་ གནང་ཡོདཔ་ཨིན་པས།རྒྱལ་ཁབ་ ༢ ཀྱི་ མཐུན་ལམ་དེ་ ཏ་ཡེ་ཝཱན་དང་ ལྷོ་ཕྱོགས་རྒྱ་ནག་གི་ རྒྱ་མཚོའི་ནང་ རྒྱ་ནག་གི་ ལག་ལེན་ཚུ་དང་འབྲེལ་ཏེ་ མ་ལེགསཔ་ཐལ་སོང་ནུག་ཟེར་ བཀོད་འདུག་པའི་གནས་ཚུལ།