སྤྱི་ལོ་ ༢༠༢༤ སྤྱི་ཟླ་ ༦ པའི་ཚེས་ ༦ ལུ་ ཐིམ་ཕུ་བཀྲིས་ཆོས་རྫོང་གི་ གསེར་ཁྲི་ཁང་བཟང་ནང་སྦེ་ ཨཱཛ་ཊེ་ལི་ཡ་དང་ ཡུ་རོ་པིན་ ཡུ་ནེ་ཡེན་ ཨ་ཟར་བཱ་ཡེ་ཇཱན་ ཤྲཱི་ལངྐ་ཚུ་འབདཝ་ད་ རྒྱལ་ཁབ་ཁག་ ༤ གི་ གཞུང་ཚབ་ཚུ་གིས་ འབྲུག་གི་སྤྱི་ནོར་དམ་པ་ མི་དབང་མངའ་བདག་རིན་པོ་ཆེ་མཆོག་ལུ་ རང་སོའི་གཞུང་ཚབ་ངོ་སྤྲོད་ཀྱི་ ཡིག་ཆ་ཚུ་ ཕུལ་ཡོད་པའི་ གནས་ཚུལ་མདོར་བསྡུས།
འབྲུག་གི་སྤྱི་ཚོགས་བཞི་པའི་ རྒྱལ་ཡོངས་ཚོགས་ཐེངས་དང་པ་དེ་ སྤྱི་ཟླ་ ༦ པའི་ཚེས་ ༩ ལས་ འགོ་བཙུགས་ཏེ་ འཚོགས་གནང་ནི་ཨིན་པའི་ གསལ་བསྒྲགས་གནང་ཡོད་རུང་ དུས་ཚོད་དུམ་གྲ་ཅིག་ ཕར་ཕུད་རྐྱབ་ཡོད་ཨིན་པས།དེ་ཡང་ སྤྱི་ཟླ་ ༦ པའི་ཚེས་ ༦ ལུ་ རྒྱལ་ཡོངས་ཚོགས་འདུའི་ ཡིག་ཚང་ལས་ གསལ་བསྒྲགས་ཅིག་ ཁྱབ་སྤེལ་གནང་མིའི་ནང་ སྤྱི་ཟླ་ ༦ པའི་ཚེས་ ༡༢ ལས་ འཚོགས་གནང་ནི་སྦེ་ གཏན་འཁེལ་སོང་ཡི་ཟེར་ བཀོད་འདུག་པའི་གནས་ཚུལ།
སྤྱི་ཟླ་ ༦ པའི་ཚེས་ ༡༢ ལུ་ རྒྱལ་ཡོངས་ཚོགས་སྡེའི་ ཚོགས་ཐེངས་ ༣༣ པ་དེ་ འགོ་བཙུགས་གནང་ནི་དང་ དེ་བསྒང་ ཚོགས་བཞུགས་དེ་ནང་ སྲིད་བྱུས་བསྐྱར་ཞིབ་སྙན་ཞུ་དང་ བཅའ་ཁྲིམས་བསྐྱར་ཞིབ་ཚུ་གུ་ གསུང་གྲོས་གནང་སྟེ་ ཆ་འཇོག་མཛད་ནི་ཨིན་པས།དེ་ཡང་ ས་སྟོང་དང་ གུང་སྟོང་གི་ བསྐྱར་ཞིབ་སྙན་ཞུ་དང་ དངུལ་རྩིས་བློན་པོ་གིས་ ལོ་ལྔའི་འཆར་གཞི་ ༡༣ པའི་སྙན་ཞུ། གྲོང་གསེབ་སྐྱིན་འགྲུལ་ཞབས་ཏོག་གི་ གནས་སྐབས་ཀྱི་ བསྐྱར་ཞིབ་སྙན་ཞུ། མི་དང་ རི་དྭགས་སེམས་ཅན་གྱི་བར་ན་ འབྲེལ་འཛིང་དང་ རང་བཞིན་རྐྱེན་ངན་གྱིས་ ལོ་ཐོག་ཚུ་ལུ་ གནོད་སྐྱོན་བྱུང་མི་གུ་ རྒུད་འཐུས་སྤྲོད་ནི་གི་ སྲིད་བྱུས་བསྐྱར་ཞིབ་ མཛད་ནི་དང་།དེ་བཟུམ་སྦེ་ འབྲུག་གི་གདམ་ཁ་ཅན་གྱི་ འཁོན་འདུམ་བཅའ་ཁྲིམས་ ༢༠༡༣ ཅན་མའི་ གནས་སྐབས་སྙན་ཞུ་དང་ ཤེས་རིག་དང་འབྲེལ་བའི་ ཁྲིམས་ལུགས་གུ་ གནས་སྐབས་ཀྱི་ བསྐྱར་ཞིབ་སྙན་ཞུ། དབང་པོ་སྐྱོན་ཅན་གྱི་ མི་ངོམ་ཚུ་གི་ གནས་སྟངས་བསྐྱར་ཞིབ་སྙན་ཞུ། རྩིས་ལོ་ ༢༠༢༤-༢༠༢༥ གི་ འཆར་དངུལ་དཔྱ་བགོའི་ དཔྱད་ཡིག་དང་ དེ་ལས་ རྩིས་ལོ་ ༢༠༢༣-༢༠༢༤ […]
ཨཱལ་ཇ་ཟི་ར། རྒྱ་ནག་ལུ་ སྨན་རྫས་ཨོ་ཟེམ་པིག་ཟེར་མི་དེ་ སྤྱི་ལོ་ ༢༠༢༡ ལུ་ གུ་རམ་ནད་གཞིའི་སྨན་སྦེ་ གནང་བ་གྲུབ་ཡོད་རུང་ ད་རེས་འབདཝ་ད་ སྨན་རྫས་དེ་ནང་ གཟུགས་ཀྱི་ལྗིད་ཚད་ཕབ་ནི་གི་ རྫས་སྦྱོར་ཡོདཔ་ལས་ སྨན་རྫས་དེ་ དགོས་མཁོ་བཀོད་མི་ ཡར་སེང་སོང་ནུག།དེ་ཡང་ རྒྱ་ནག་ལུ་ སྨན་རྫས་ཚོང་སྒྱུར་འཐབ་མི་ཚུ་གིས་ སྨན་རྫས་ཨོ་ཟེམ་པིག་གི་སྐོར་ལས་ མི་སྡེ་བརྡ་བརྒྱུད་ཚུ་གི་ཐོག་ལུ་ ཚོང་བསྒྲགས་འབད་དོ་ཡོདཔ་ཨིན་པས།ཨཱཛ་ཊེ་ལི་ཡ་ལུ་ཡོད་མི་ རྒྱ་ནག་དང་ ཨེ་ཤི་ཡའི་ ཞིབ་འཇུག་གཙུག་ལག་སློབ་སྡེའི་ནང་ལས་ ལེགས་སྦྱར་བ་ པཱན་ཝང་གིས་ སྤྱིར་བཏང་ལུ་ གཟུགས་གཞི་ཕྱ་སི་སི་དེ་ རྒྱ་ནག་གི་ ཨམ་སྲུ་ཚུ་གི་ མོ་ལེགས་ཀྱི་ ཚད་གཞི་ཅིག་སྦེ་ བརྩི་སྲོལ་ཡོད་ལུགས་དང་ ཨམ་སྲུ་ལ་ལོ་ཅིག་གིས་ རང་གི་གཟུགས་ཁམས་ཀྱི་ གནས་སྟངས་ཚུ་ རྒྱབ་ཁར་བསྐྱུར་ཏེ་ གཟུགས་ཀྱི་ལྗིད་ཚད་ཕབ་ཐབས་ལུ་ བརྩོན་དོ་ཡོདཔ་སྦེ་བཤད་ནུག།ད་རེས་ནངས་པར་ རྒྱ་ནག་ལུ་ རང་སོའི་གཟུགས་ཀྱི་ལྗིད་ཚད་ ཕབ་ནིའི་དོན་ལས་ ཐབས་ཤེས་སྣ་ཚོགས་ ལག་ལེན་འཐབ་མི་དེ་ཡང་ རྒྱ་ནག་གི་ མི་རློབས་བརྒྱ་ཆ་ ༥༠ དེ་ཅིག་ལུ་ ཚད་ལས་རྒལ་བའི་ ལྗིད་ཚད་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།
སི་ཨེན་ཨེན། སྤྱི་ཟླ་ ༦ པའི་ཚེས་ ༦ ལུ་ སུ་དཱན་རྒྱལ་ཁབ་ནང་ ངོ་ལོགཔ་དམག་མི་ཚུ་གིས་ མི་གྲངས་ ༡༥༠ དམར་བསད་འབད་ཡོདཔ་མ་ཚད་ གཞན་མི་ ༢༠༠ དེ་ཅིག་ལུ་ཡང་ རྨ་སྐྱོན་བྱུང་ནུག།དེ་ཡང་ ངོ་ལོགཔ་དམག་མི་ཚུ་ མཚོན་ཆ་འབག་སྟེ་ སྣུམ་འཁོར་ ༤༠ ལྷགཔ་ཅིག་གི་ནང་སྦེ་ གཡུས་ཚན་ནང་འོང་སྟེ་ ས་གནས་ཀྱི་ ཞི་བའི་མི་སེར་ཚུ་ དམར་བསད་དང་ རྨ་བཏོན་ཁྲག་བཏོན་འབད་མིའི་གྲས་ཁར་ ཨམ་སྲུ་དང་ ཨ་ལོ་ཚུ་ཡང་ ལེ་ཤ་ཅིག་ཡོདཔ་སྦེ་ཨིན་པས།ད་རེས་ སུ་དཱན་གྱི་ དྲག་པོའི་དམག་མི་དང་ ངོ་ལོགཔ་དམག་མི་ཚུ་གི་བར་ན་ ཕྱད་མདའ་རྐྱབ་རྐྱབ་སར་ཡོདཔ་ལས་ མི་སེར་ཚུ་ འདྲོག་བྱེལ་འཐབ་སྟེ་ སྡོད་དོ་ཡོདཔ་ད་ སྤྱི་ལོ་ ༢༠༢༣ སྤྱི་ཟླ་ ༤ པའི་ནང་ལས་ འགོ་བཟུང་སྟེ་ ནང་འཁྲུག་ལང་མི་ལུ་བརྟེན་ཏེ་ མི་སེར་ས་ཡ་ ༧ ལྷགཔ་ཅིག་ རང་སོའི་སྡོད་གནས་ སྤོ་དགོཔ་ཐོན་ནུག།སུ་དཱན་ལུ་ དེ་སྦེ་ ནང་འཁྲུག་ལང་ནི་ འགོ་བཙུགས་པའི་ཤུལ་ལས་ དྲག་པོའི་དམག་སྡེ་དང་ ངོ་ལོགཔ་དམག་སྡེ་གཉིས་ཆ་ར་གིས་ ཞི་བའི་མི་སེར་ཚུ་ གར་ལྷོད་སྦེ་ དམར་བསད་འབད་དོ་ཡོད་པའི་ […]
བི་བི་སི། སྤྱི་ཟླ་ ༦ པའི་ཚེས་ ༦ ལུ་ མ་ཡན་མར་གྱི་ ར་ཁི་ནེ་མངའ་སྡེའི་ གཡུས་ཚན་ཅིག་ནང་ དམག་མི་ཚུ་གིས་ དབང་བཙོང་ཐོག་ལས་ མི་སེར་ ༥༠ དེ་ཅིག་ དམར་བསད་འབད་ནུག།དེ་ཡང་ མཐོང་མི་ཚུ་གིས་ བཤད་དོ་བཟུམ་འབད་བ་ཅིན་ དམག་མི་ཚུ་གིས་ མི་སེར་ཚུ་ མིག་ཏོ་བསྡམས་ཏེ་ བརྡུང་རྫོབ་འབད་བའི་ཤུལ་ལས་ ས་སྣུམ་པེ་ཊཱོལ་བླུགས་ཏེ་ པགས་ཀོ་འཚིག་བཅུག་པའི་ཁར་ རང་གི་ཆབ་གསང་ཡང་ འཐུང་བཅུག་སྟེ་ དུས་ཡུན་ཆུ་ཚོད་ ༣ གྱི་རིང་ལུ་ སྡུག་སྦྱོང་བཏང་ཡི་ཟེར་ཨིན་པས།མ་གཞི་ དམག་མི་ཚུ་ མ་ཡན་མར་ལུ་ དོན་སྨིན་ཅན་སྦེ་ དམག་འཐབ་འབད་མི་ ཨ་ར་ཀཱན་དམག་སྡེ་ལུ་ རྒྱབ་སྐྱོར་འབད་མི་ཚུ་ འཚོལ་དོ་ཡོདཔ་ད་ དེ་བསྒང་ སྐྱེས་ལོ་ ༡༥ ལས་ ༧༠ གི་བར་ན་འབད་མི་ མི་གྲངས་ ༥༡ ལུ་ རྩུབ་སྤྱོད་འབད་བའི་ཁར་ དམར་བསད་ཡང་འབད་ནུག།གནད་དོན་དེ་གི་སྐོར་ལས་ གཞུང་སྐྱོང་དམག་སྡེ་ལྷན་ཚོགས་ཀྱིས་ ཁ་བཟེད་མ་བཏུབ་པར་ཡོདཔ་ད་ རྩུབ་སྤྱོད་དེ་ཡང་ མ་ཡན་མར་ལུ་ ནང་འཁྲུག་ལང་སྟེ་ ལོ་ངོ་ ༣ གྱི་ […]
རོའི་ཊརཛ། ཡུ་ཨེཛ་གཞུང་གིས་ ཏ་ཡེ་ཝཱན་ལུ་ མཁའ་དམག་གནམ་གྲུ་ཨེཕ་-༡༦ ཉམས་བཅོས་འབད་ནི་ལུ་མཁོ་བའི་ ཡན་ལག་ཅ་ཆས་ཚུ་ ཌོ་ལར་ས་ཡ་ ༨༠ སྦེ་ བཙོང་ཆོག་པའི་ གནང་བ་བྱིན་ནུག།དེ་སྦེ་ མཁའ་དམག་གནམ་གྲུའི་ ཡན་ལག་ཅ་ཆས་ཚུ་ བཙོང་ཆོག་མི་ལུ་བརྟེན་ཏེ་ ཏ་ཡེ་ཝཱན་གྱི་ སྲིད་འབྲེལ་བརྟན་གཞི་དང་ དྲག་དམག་དོ་མཉམ་ དེ་ལས་ དཔལ་འབྱོར་གོང་འཕེལ་ཚུ་ལུ་ ལེགས་སྒྱུར་འཐོན་འོང་ཟེར་ ཡུ་ཨེཛ་སྲུང་སྐྱོབ་མཉམ་འབྲེལ་ལས་སྡེ་གིས་ བཀོད་ཡོདཔ་ཨིན་པས།ཏ་ཡེ་ཝཱན་གྱི་ སྲུང་སྐྱོབ་ལྷན་ཁག་ལས་ དེ་བཟུམ་མའི་ ཡན་ལག་ཅ་ཆས་ཚུ་ ང་བཅས་ལུ་ བཙོང་ཆོག་པའི་ གནང་བ་གནང་མི་ལུ་བརྟེན་ཏེ་ ཏ་ཡེ་ཝཱན་གྱི་ མཁའ་དམག་ལྕོགས་གྲུབ་དང་ མཁའ་དབྱིངས་སྲུང་སྐྱོབ་ཀྱི་ དགོས་མཁོ་ཚུ་ འགྲུབ་ཚུགས་ནི་ཨིན་པའི་ གསལ་བཤད་འབད་ནུག།རྒྱ་ནག་གི་ཧོངས་ལས་ ཏ་ཡེ་ཝཱན་གྱི་ རྒྱ་མཚོ་དང་ མཁའ་དབྱིངས་ཀྱི་ ས་ཁོངས་ཚུ་ནང་ ཧམ་འཛུལ་འབད་དེ་ སྦྱོང་བརྡར་གྱི་ ས་གོ་མེདཔ་ བཟོ་ཡོདཔ་མ་ཚད་ སྲུང་སྐྱོབ་གི་ ཐོབ་དབང་དེ་ཡང་ ཚད་འཛིན་འབད་དེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།
ཨེ་བི་སི། སྤྱི་ཟླ་ ༦ པའི་ཚེས་ ༦ ལུ་ ཨིན་ཌོ་ནེ་ཤི་ཡའི་ གངས་རི་ཨི་བུ་ཟེར་ས་ལས་ མེ་རི་ལན་ཐེངས་ ༢ ཐོན་མིའི་ ལྕགས་ཞུན་ཚུ་ གནམ་ཁར་གཏོརཝ་ལས་ ནུབ་མོ་ཡང་ གློག་ཀེམ་དོ་བཟུམ་མའི་ འོད་ཀྱིས་གངམ་ཨིན་པས།གངས་རི་དེ་ཡང་ ཧཱལ་མ་ཧེ་ར་ཟེར་སའི་ ཤར་ཕྱོགས་མཚོ་གླིང་ལུ་ མཐོ་ཚད་མི་ཊར་ ༡,༣༢༥ གི་ ས་ཁར་ཡོདཔ་ད་ མེ་རི་ཐེངས་དང་པ་དེ་ ནུབ་མོའི་ཆུ་ཚོད་ ༡.༣༠ ལུ་དང་ ཐེངས་གཉིས་པ་དེ་ དྲོ་པ་ཆུ་ཚོད་ ༧.༤༦ ལུ་ཐོན་ནུག།སྤྱི་ཟླ་ ༥ པའི་ཚེས་ ༡༦ ལས་ཚུར་ མེ་རིའི་གནོད་ཉེན་བཟློག་ཐབས་ལུ་ ཉེ་འདབས་ཀྱི་ གཡུས་ཚན་ཁག་ ༧ ལས་ མི་སེར་ཚུ་ སྡོད་གནས་སྤོ་བཤུད་འབད་ཡོདཔ་ད་ འདས་པའི་ཟླཝ་ནང་ རུ་ཨང་ཟེར་མི་ མེ་རི་ལུ་བརྟེན་ཏེ་ མི་གྲངས་ ༡༢,༠༠༠ ལྷགཔ་གཅིག་ སྡོད་གནས་སྤོ་དགོཔ་ བྱུང་ཡོདཔ་ཨིན་པས།དེ་མ་ཚད་ འདས་པའི་ཟླཝ་ནང་ཡང་ གངས་རི་མ་ར་པི་ཟེར་ས་ལས་ ལྕགས་ཞུན་བབས་མི་དང་ ས་རུད་དང་ ཆུ་རུད་ལུ་བརྟེན་ཏེ་ མི་གྲངས་ […]
BBC: In a classroom-turned-bedroom at a UN school in Nuseirat refugee camp in central Gaza, Palestinian children clamber through rubble and blood-stained mattresses. Just hours earlier, at least 35 people were killed and many more wounded at the site in an Israeli military strike early in the morning, according to the head of the UN […]
BBC: An abandoned Myanmar military camp sits atop a wooded hill, overlooking a picturesque lake which is well known in these parts because of its unique heart-like shape. Landmine canisters and spent bullets litter the ground. Yellow wildflowers have sprouted through piles of corrugated tin sheets strewn about where soldiers’ barracks used to be. Hastily […]
BBC: At least 150 people, including 35 children, are feared dead in a massacre in a village in central Sudan blamed on the Rapid Support Forces (RSF), the paramilitary group fighting the army. The rivals have been battling over control of the country for more than 13 months. The RSF has not commented on the […]