རྒྱ་ནག་གིས་ ཕི་ལི་པིན་ལུ་ ཏ་ཡེ་ཝཱན་དང་འབྲེལ་བའི་ཉེན་བརྡ།
ཨཱལ་ཇ་ཟི་ར། ཕི་ལི་པིན་གྱི་སྲིད་འཛིན་ ཕར་ཌི་ནེན་ མར་ཀོཛ་ ཇུ་ནི་ཡར་གྱིས་ རྒྱ་ནག་དང་ ཏ་ཡེ་ཝཱན་གྱི་བར་ན་ དམག་འཁྲུག་འཐོན་པ་ཅིན་ ཕུ་ལི་པིན་དེ་ཡང་ དམག་འཁྲུག་དེ་ནང་ ཚུད་སྲིད་ནི་ཨིནམ་སྦེ་ བཤད་ཡོད་པའི་སྐོར་ལས་ རྒྱ་ནག་གིས་ ཕི་ལི་པིན་གྱི་ སྲིད་འཛིན་ལུ་ ཉེན་བརྡ་དང་ བརྙས་བཅོས་འབད་ནུག། དེ་ཡང་ ཕི་ལི་པིན་གྱི་ སྲིད་འཛིན་དེ་ འདས་པའི་བདུན་ཕྲག་ནང་ རྒྱ་གར་ལུ་ གཟིགས་སྐོར་གནང་པར་ བྱོན་པའི་སྐབས་ལུ་ ཕི་ལི་པིན་དེ་ ཏ་ཡེ་ཝཱན་གྱི་ ཉེ་འདབས་ལུ་དང་ ཏ་ཡེ་ཝཱན་གྱི་ མི་སྡེ་ལེ་ཤ་ཅིག་ ཕི་ལི་པིན་ལུ་ཡོདཔ་ལས་ གལ་སྲིད་ རྒྱ་ནག་དང་ ཏ་ཡེ་ཝཱན་གྱི་བར་ན་ དམག་འཁྲུག་ལང་པ་ཅིན་ ཕི་ལི་པིན་དེ་ཡང་ བྱ་ཐབས་མེད་པར་ དམག་འཁྲུག་ནང་ གྲལ་གཏོགས་འབད་དགོཔ་ འཐོན་ནི་ཨིན་པས་ཟེར་ བཤད་ཡོདཔ་ཨིན་པས། དེ་གི་ལན་ལུ་ རྒྱ་ནག་གི་ ཕྱི་འབྲེལ་ལྷན་ཁག་ལས་ སྤྱི་ཟླ་ ༨ པའི་ཚེས་ ༨ ལུ་ ཕི་ལི་པིན་གྱི་ ཁ་ཐུག་ལས་ མེ་དང་རྩེ དམོ་མ་རྩེ་ཟེར་བའི་ ཚིག་དང་བཅསཔ་སྦེ་ བརྙས་བཅོས་ཅན་གྱི་ བརྗོད་དོན་ཅིག་ […]
