World News
རྒྱ་ནག་ལུ་ གཞུང་ལམ་ཆད་འགྱོ་བའི་ རྐྱེན་ངན་ནང་ མི་གྲངས་ ༣༦ ལུ་ཤི་རྐྱེན།
བི་བི་སི། སྤྱི་ཟླ་ ༥ པའི་ཚེས་ ༡ ལུ་ རྒྱ་ནག་གི་མངའ་སྡེ་ གུང་དོང་ཟེར་སར་ རི་ཞོལ་གཞུང་ལམ་གྱི་ ཆ་ཤས་ཅིག་ ཆད་ཡར་སོངཔ་ལས་ མི་གྲངས་ ༣༦ ལུ་ ཤི་རྐྱེན་བྱུང་ཡོདཔ་མ་ཚད་ གཞན་མི་ ༣༠ ལུ་ཡང་ རྨ་སྐྱོན་བྱུང་ཡོདཔ་ལས་ སྨན་ཁང་ནང་བསྐྱལ་ནུག།དེ་ཡང་ ད་རེས་ནངས་པར་ ཆརཔ་ཤུགས་སྦེ་ རྐྱབ་ནི་དེ་གིས་ མེ་ལོང་མགྱོགས་ལམ་དེ་ ཕིཊ་ ༥༨ དེ་ཅིག་ ཆད་ཡར་སོངཔ་ལས་ ས་ཁོངས་དེ་ནང་ གློ་བུར་ཉེན་འཚུབ་ཀྱི་ ལཱ་འབད་མི་ ༥༠༠ དེ་ཅིག་ བཏང་ཡི་ཟེར༌ཨིན༌པས།རྒྱ་ནག་ལུ་ ཡོངས་གྲགས་ཅན་ཅིག་ཨིན་མི་ གུང་དོང་མངའ་སྡེ་དེ་ནང་ འདས་པའི་བདུན་ཕྲག་ནང་ཡང་ ཆུ་རུད་ཐོན་ཏེ་ མི་ ༤ ལུ་ ཤི་རྐྱེན་བྱུང་ཡོདཔ་མ་ཚད་ གཞན་མི་ ༡༡༠,༠༠༠ དེ་ཅིག་ཡང་ སྤོ་བཤུད་འབད་གོཔ་ཐོན་ནུག།དེ་བསྒང་ ཆུ་རུད་དེ་གིས་ སྡོད་ཁྱིམ་ལེ་ཤ་ཅིག་ལུ་ གནོད་སྐྱོན་བྱུང་པའི་ཁར་ གནམ་གྲུ་ཚུ་ཡང་ ཆ་མེད་བཏང་དགོཔ་ ཐོན་ཡོདཔ་ལས་ ཡུ་ཨེཛ་ཌོ་ལར་ ས་ཡ་ ༡༩.༤ […]