བྱང་ཨེཊ་ལེན་ཊིག་ ཆིངས་ཡིག་ཚོགས་པ་གིས་ ཡུ་ཀེ་རེན་ལུ་ སྲུང་སྐྱོབ་ཀྱི་གྲོགས་རམ།

བི་བི་སི།
སྤྱི་ཟླ་ ༤ པའི་ཚེས་ ༢༠ ལུ་ བྱང་ཨེཊ་ལེན་ཊིག་ ཆིངས་ཡིག་ཚོགས་པའི་ དམག་སྡེའི་འགོ་འཛིན་ ཡེན་སི་ཊོལ་ཊེན་བར་གྱིས་ ཡུ་ཀེ་རེན་གྱིས་ ནན་སྐུལ་འབད་མི་དང་ ར་ཤི་ཡ་གིས་ གནོད་འཚུབ་ཚབས་ཆེན་ བཀལ་མི་དང་བསྟུན་ཏེ་ ཚོགས་པ་དེ་གིས་ ཡུ་ཀེ་རེན་ལུ་ དེང་དུས་ཀྱི་ མཁའ་དབྱིངས་སྲུང་སྐྱོབ་ཀྱི་ གྲོགས་རམ་ཁ་སྐོང་ བྱིན་ནི་ཨིན་པའི་སྐོར་ལས་ བཤད་ཡོདཔ་ཨིན་པས།
ཡུ་ཀེརེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ ཁོང་གི་ཁྲོམ་ཚོགས་ཚུ་ སྲུང་སྐྱོབ་འབད་ནིའི་དོན་ལས་ མཁའ་དབྱིངས་སྲུང་སྐྱོབ་ཀྱི་ རིམ་ལུགས་ཁ་སྐོང་དགོཔ་ཡོད་ལུགས་ བཤད་ཡོདཔ་ད་ སྤྱི་ཟླ་ ༤ པའི་ཚེས་ ༡༩ ལུ་ ར་ཤི་ཡ་གིས་ མི་ཛ་ཡེལ་ཚུ་ ལག་ལེན་འཐབ་སྟེ་ ཨ་ལོ་ ༢ ཀྱིས་གཙོས་པའི་ མི་གྲངས་ ༧ ལུ་ ཤི་རྐྱེན་བྱུང་ཡོདཔ་ཨིན་པས།
བྱང་ཨེཊ་ལེན་ཊིག་ ཆིངས་ཡིག་ཚོགས་པ་དང་ ཡུ་ཀེ་རེན་ཟེར་མི་ ལྷན་ཚོགས་ཀྱི་བར་ན་ ཞལ་འཛོམས་ཅིག་ འཚོགས་པའི་ཤུལ་ལས་ ཚོགས་པ་དེ་གི་ འཐུས་མི་རྒྱལ་ཁབ་ཚུ་གི་ སྲུང་སྐྱོབ་བློན་པོ་ཚུ་གིས་ ཡུ་ཀེ་རེན་ལུ་ མཁའ་དབྱིངས་སྲུང་སྐྱོབ་རིམ་ལུགས་དང་ དྲག་དམག་གི་ རྒྱབ་སྐྱོར་ཧེང་སྐལ་ བྱིན་ནི་ལུ་ ཁ་འཆམ་བྱུང་ནུག་ཟེར་ བཀོད་འདུག་པའི་གནས་ཚུལ།