World News
ཕི་ཇི་རྒྱལ་ཁབ་ཀྱི་ བློན་ཆེན་བགྲེསཔ་ལུ་བཙོན་ཁྲིམས།
ཨཱལ་ཇ་ཟི་ར། ཕེ་རེང་བའི་ནི་མ་ར་མ་དེ་ སྤྱི་ལོ་ ༢༠༢༢ ཚུན་ ལོ་ངོ་ ༡༥ དེ་ཅིག་གི་རིང་ལུ་ ཕི་ཇི་རྒྱལ་ཁབ་ཀྱི་ བློན་ཆེན་གྱི་ གོ་གནས་ཁར་ སྡོད་པའི་སྐབས་ལུ་ དབང་ཚད་ལོག་སྤྱོད་ཐོག་ལས་ གཙུག་ལག་སློབ་སྡེ་ཅིག་ནང་ ངན་ལྷད་ཞིབ་དཔྱད་མ་འབད་བར་ བཞག་དགོཔ་སྦེ་ བཀོད་རྒྱ་བཏང་ཡོད་པའི་ ཉེས་འཛུགས་ཐོག་ལུ་ ལོ་ངོ་ ༡ གི་ བཙོན་ཁྲིམས་བཀལ་ནུག།དེ་ཡང་ སྐྱེས་ལོ་ ༧༠ འབད་མི་ དམག་སྡེའི་སྤྱི་ཁྱབ་ བའི་ནི་མ་ར་མ་གིས་ སྤྱི་ལོ་ ༢༠༠༦ ལོར་ གཞུང་སྐྱོང་དབང་ཚད་ བཙན་ལེན་འབད་བའི་ཤུལ་ལས་ སྤྱི་ལོ་ ༢༠༡༤ དང་ ༢༠༡༨ ལུ་ དམངས་གཙོའི་རིང་ལུགས་ནང་ བློན་ཆེན་སྦེ་ བཙག་འཐུ་གྲུབ་ཡོདཔ་ཨིན་པས།ཨིན་རུང་ སྤྱི་ལོ་ ༢༠༢༢ ཀྱི་ བཙག་འཐུའི་ནང་ལས་ ད་རེས་ཀྱི་བློན་ཆེན་ སི་ཏེ་བེ་ནི་ར་བུ་ཀ་གིས་ འགོ་ཁྲིད་འོག་ལུ་ སྲིད་ཚོགས་མཉམ་བསྡོམས་ཐོག་ལས་ ཕམ་བཏང་ནུག།སྤྱི་ཟླ་ ༥ པའི་ཚེས་ ༩ ལུ་ བློན་ཆེན་བགྲེསཔ་དེ་ ལག་པར་ཨ་ལོང་བཏགས་ཏེ་ […]