ར་ཤི་ཡ་གིས་ མི་ཛ་ཡེལ་ཚུ་བཏངམ་ལས་ ཡུ་ཀེ་རེན་གྱི་ མི་ལྔ་ལུ་ཤི་རྐྱེན།

རོའི་ཊརཛ།
སྤྱི་ཟླ་ ༤ པའི་ཚེས་ ༣༠ ལུ་ ར་ཤི་ཡ་གིས་ མི་ཛ་ཡེལ་བཏངམ་ད་ ཡུ་ཀེ་རེན་གྱི་ཁྲོམ་ཚོགས་ ཨོ་དེ་སའི་ མཚོ་འགྲམ་ལུ་ཡོད་མི་ ཤེས་རིག་ཙུག་སྡེ་ཅིག་གུ་ཕོགཔ་ལས་ མི་གྲངས་ ༥ ཤི་རྐྱེན་དང་ ༣༢ ལུ་ རྨ་སྐྱོན་བྱུང་ནུག།
ཨོ་དེ་ས་ ལུང་ཕྱོགས་གཙོ་འཛིན་གྱིས་ བཤད་དོ་བཟུམ་འབད་བ་ཅིན་ རྨ་སྐྱོན་བྱུང་མིའི་གྲངས་སུ་ ཨ་ལོ་ཆུང་ཀུ་ ༢ དང་ མངལ་སྦྲུམ་ཅན་གྱི་ ཨམ་སྲུ་ ༡ ཡང་ཡོད་ཟེར་ཨིནམ་ད་ རྨ་སྐྱོན་བྱུང་མི་ཚུ་གི་གྲས་ལས་ ནདཔ་ ༨ གནས་སྟངས་འཚུབ་དྲགས་སྦེ་ཡོདཔ་ཨིན་པས།.
ཁྲོམ་ཚོགས་ཨོ་དེ་སའི་ ཁྲོམ་དཔོན་ཧེ་ན་དི་ ཊུ་ཁ་ནོབ་ཀྱིས་ མི་དེ་ཚུ་ རྒྱ་མཚོའི་མཐའམ་བདའ་སྟེ་ ལམ་འགྲུལ་འབད་དེ་ སྡོད་པའི་བར་ན་ཡང་ ཀྲོབ་མདའ་ཚུ་རྐྱབ་སྟེ་ དམར་བསད་འབདཝ་མས་ཟེར་བཤད་ནུག།
བར་སྐབས་ཅིག་ ར་ཤི་ཡ་གིས་ ཁྲོམ་ཚོགས་ཨོ་དེ་ས་དེ་ དམིགས་བསལ་མཚོ་འགྲམ་གྱི་ གཞི་རྟེན་མཁོ་ཆས་ཚུ་ཡོད་མི་ ས་ཁོངས་ཅིག་ཨིནམ་ལས་ མི་ཛ་ཡེལ་དང་ ཌྲཱོན་ཚུ་གི་ཐོག་ལས་ གནོད་འཚུབ་ཡང་བསྐྱར་དུ་ བཀལ་བའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།