པ་ཀིཛ་ཏཱན་གྱི་ བློན་ཆེན་བགྲེསཔ་ ཨིམ་རཱ་ཁཱན་གྱི་ རྒྱུ་དངོས་དང་ འོང་འབབ་ཚུ་ བརྟག་ཞིབ་འབད་ནི།
ཨིན་ཌི་ཡ་ཊུ་ཌེ།པ་ཀིཛ་ཏཱན་གྱི་བློན་ཆེན་ ཤེ་བཱཛ་ཤ་རིཕ་གི་ འགོ་ཁྲིད་ཐོག་ལུ་ གཞུང་གི་ཁ་ཐུག་ལས་ ཕྱིར་བཏོན་འབད་མི་ བློན་ཆེན་བགྲེསཔ་ ཨིམ་རཱ་ཁཱན་གྱི་ རྒྱུ་དངོས་དང་ འོང་འབབ་ཚུ་ བརྟག་ཞིབ་འབད་ནི་སྦེ་ གྲོས་ཐག་བཅད་ཡོདཔ་ཨིན་པས།དེ་མ་ཚད་ སྲིད་དོན་ཚོགས་པའི་ལས་བྱེདཔ་ ཏ་ཧིར་ཨིག་བཱལ་དང་ མོ་ཧཱ་མཱད་ནོ་མཱན་ཨཕ་ཟཱལ་ མོ་ཧཱ་མཱད་ཨར་ཤཱད་ མོ་ཧཱ་མཱད་ར་ཕིག་ ༤ གི་ མིང་ཐོར་ཡོད་མི་ དངུལ་ཁང་གི་ རྩིས་ཁྲ་ཚུ་ཡང་ བརྟག་ཞིབ་འབད་ནི་སྦེ་ གྲོས་ཐག་བཅད་ནུག།དེ་ཡང་ ལས་གཡོགཔ་ ༤ གི་ སྒེར་གྱི་རྩིས་ཁྲའི་ནང་ དངུལ་འབོར་ཆེ་ཏོག་ཏོ་སྦེ་ འོང་ནི་དེ་གིས་ཨིནམ་ད་ བརྟག་ཞིབ་དེ་ཡང་ དངུལ་ཁང་ལྟེ་བ་གིས་སྦེ་ འགོ་འདྲེན་འཐབ་ནི་ཨིན་པས་ཟེར་ བརྡ་བརྒྱུད་ཅིག་ནང་བཀོད་ནུག།མ་དངུལ་དེ་ཚུ་ སྤྱི་ལོ་ ༢༠༡༣ ལས་ ༢༠༢༢ ཀྱི་བར་ན་ ཕྱི་རྒྱལ་ལས་ལྷོད་མི་ གྲོགས་རམ་མ་དངུལ་ཚུ་ཨིན་པའི་ དོགས་པ་ཡོདཔ་ལས་ ཚན་རིག་བརྟག་དཔྱད་ཚུ་ཡང་ འགོ་འདྲེན་འཐབ་ནི་ཨིན་པས་ཟེར་ བཀོད་འདུག་པའི་གནས་ཚུལ།
