འཛམ་གླིང་རྒྱལ་སྤྱི་དང་ ནད་ཡམས་ཀོ་ཝིཌ་-༡༩ མཐོ་ཤོས་ཐོབ་མི་ རྒྱལ་ཁབ་ ༥ གི་གནས་སྟངས།

ཝཱལ་ཌོ་མེ་ཊར།
སྤྱི་ཟླ་ ༥ པའི་ཚེས་ ༧ གྱི་ ཉིན་མའི་ཆུ་ཚོད་ ༡༠.༣༠ ཚུན་ལུ་ འཛམ་གླིང་རྒྱལ་ཁབ་ཚུ་ནང་ མི་ངོམ་ཡོངས་བསྡོམས་ ༥༡༦,༥༨༤,༥༤༢ དེ་ཅིག་ལུ་ ནད་ཡམས་ཀོ་ཝིཌ་-༡༩ ཐོབ་ཡོད་མིའི་གྲས་ལས་ མི་གྲངས་བསྡོམས་ ༤༧༡,༢༡༤,༤༧༣ དེ་ཅིག་ དྲག་ཡོད་རུང་ ༦,༢༧༤,༧༤༢ དེ་ཅིག་ལུ་ ཤི་རྐྱེན་བྱུང་ཡོདཔ་ད་ ནདཔ་བསྡོམས་ ༣༩,༠༩༥,༣༢༧ དེ་ཅིག་ཡོདཔ་ཨིན་པས།
དེ་ཡང་ འཛམ་གླིང་ནང་ ནད་ཡམས་མཐོ་ཤོས་ཐོབ་མི་ རྒྱལ་ཁབ་ ༥ གི་གྲས་ལས་ ཨ་མི་རི་ཀ་ལུ་ ནད་ཡམས་ཐོབ་མི་ ༨༣,༥༣༤,༠༦༠ དེ་ཅིག་ལས་ ༨༠,༩༡༠,༥༠༩ དེ་ཅིག་ དྲག་ཡོད་རུང་ ནདཔ་ཡོངས་བསྡོམས་ ༡,༥༩༩,༡༦༥ དེ་ཅིག་ཡོདཔ་ད་ མི་ངོམ་ ༡,༠༢༤,༣༨༦ དེ་ཅིག་ལུ་ ཤི་རྐྱེན་བྱུང་ནུག།
དེ་ལས་ ནད་ཡམས་ཐོབ་མི་ མཐོ་ཤོས་ཨང་ ༢ པ་ རྒྱ་གར་ལུ་ ནད་ཡམས་ཐོབ་མི་ ༤༣,༠༩༨,༧༤༣ དེ་ཅིག་ལས་ མི་ངོམ་ ༤༢,༥༥༤,༤༡༦ དེ་ཅིག་ དྲག་ཡོདཔ་ད་ མི་གྲངས་ ༥༢༤,༠༢༤ དེ་ཅིག་ལུ་ ཤི་རྐྱེན་བྱུང་ཡོདཔ་ལས་ ནདཔ་ ༢༠,༣༠༣ དེ་ཅིག་ཡོདཔ་ཨིན་པས།
ནད་ཡམས་ཐོབ་མི་ མཐོ་ཤོས་ཨང་ ༣ པ་ བ་ར་ཛིལ་ལུ་ ནད་ཡམས་ཐོབ་མི་བསྡོམས་ ༣༠,༥༤༣,༩༠༨ ལས་ མི་གྲངས་ ༢༩,༦༡༢,༨༢༢ དེ་ཅིག་ དྲག་ཡོདཔ་ལས་ ནདཔ་ ༢༦༦,༩༤༣ དེ་ཅིག་ཡོདཔ་ད་ མི་གྲངས་ ༦༦༤,༡༤༣ དེ་ཅིག་ལུ་ ཤི་རྐྱེན་བྱུང་ནུག།
དེ་བཟུམ་སྦེ་ ནད་ཡམས་མཐོ་ཤོས་ཐོབ་མི་ ཨང་ ༤ པ་ ཕ་རཱནཛ་ཨིནམ་ད་ རྒྱལ་ཁབ་དེ་ནང་ ནད་ཡམས་ཐོབ་མི་བསྡོམས་ མི་གྲངས་ ༢༨,༨༩༠,༡༣༩ ལས་ མི་གྲངས་ ༢༧,༥༣༧,༧༦༦ དེ་ཅིག་ དྲག་ཡོདཔ་ད་ མི་གྲངས་ ༡༤༦,༦༠༨ དེ་ཅིག་ལུ་ ཤི་རྐྱེན་བྱུང་ཡོདཔ་ལས་ ནདཔ་ ༡,༢༠༥,༧༦༥ ཡོདཔ་ཨིན་པས།
དེ་ལས་ ནད་ཡམས་མཐོ་ཤོས་ཐོབ་མི་ ཨང་ ༥ པ་ ཇར་མ་ནི་ལུ་ མི་གྲངས་ ༢༥,༢༨༩,༥༩༠ དེ་ཅིག་ལུ་ ནད་ཡམས་ཐོབ་ཡོད་རུང་ མི་གྲངས་ ༢༣,༡༣༥,༥༠༠ དེ་ཅིག་ དྲག་ཡོདཔ་ད་ མི་ངོམ་ ༡༣༦,༨༡༢ དེ་ཅིག་ལུ་ ཤི་རྐྱེན་བྱུང་ཡོདཔ་ལས་ ད་རེས་ ནདཔ་ ༢,༡༠༧,༢༧༨ དེ་ཅིག་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།