ར་ཤི་ཡའི་ ཁ་ཐུག་ལས་ ལྷོ་ཕྱོགས་ཡུ་ཀེ་རེན་ འཕྱོག་བཟུང་འབད་ནི་གི་འཆར་གཞི།

བི་བི་སི།
ར་ཤི་ཡ་དམག་སྡེའི་ གུང་བློན་འོགམ་ རུཛ་ཏཱན་མིན་ནེ་ཀི་ཡེབ་ཀྱིས་ བཤད་དོ་བཟུམ་འབད་བ་ཅིན་ ར་ཤི་ཡའི་ ཁ་ཐུག་ལས་ ལྷོ་ཕྱོགས་ཡུ་ཀེ་རེན་གྱི་ ཁྲོམ་སྡེ་མཱོལ་ཌོ་ཝ་དེ་ འཕྱོག་བཟུང་ཐོག་ལས་ རྒྱལ་ཁབ་སོ་སོ་ཅིག་སྦེ་ བཟོ་ནི་གི་ དམིགས་ཡུལ་སྐྱེད་དོ་ཟེར་ཨིན་པས།
དེ་ཡང་ ཤར་ཕྱོགས་ཌཱོན་བཱཛ་ཟེར་མི་ ལུང་ཕྱོགས་དེ་ཡང་ དབང་བཟུང་ཧྲིལ་བུར་འབད་དེ་ ལྷོ་ཕྱོགས་མཱོལ་ཌོ་ཝ་ ཁྲོམ་སྡེའི་གུ་ ཧེང་སྐལ་བསྐྱལ་ཞིནམ་ལས་ ལུང་ཕྱོགས་དེ་ནང་ རྒྱལ་ཁབ་སོ་སོ་སྦེ་ བཟོ་ནི་གི་ འཆར་གཞི་ཨིན་པས་ཟེར་བཀོད་ནུག།
དེ་འབདཝ་ད་ གུང་བློན་འོགམ་ རུཛ་ཏཱན་མིན་ནེ་ཀི་ཡེབ་ཀྱི་ བསམ་འཆར་དེ་ལུ་ ར་ཤི་ཡའི་ གཞུང་གི་ཁ་ཐུག་ལས་ གནང་བ་བྱིན་མི་བྱིན་གྱི་སྐོར་ལས་ གསལ་ཏོག་ཏོ་ཅིག་ ག་ནི་ཡང་ བཀོད་དེ་མེདཔ་ལས་ ཐེ་ཚོམ་ཡོད་ཟེར་ཨིན་པས།
ག་དེ་སྦེ་ཨིན་རུང་ གནད་དོན་དེ་ ངེས་བདེན་ཨིན་པ་ཅིན་ ར་ཤི་ཡའི་ གཞུང་གི་ཁ་ཐུག་ལས་ འཆར་གཞི་དེ་ལུ་ འོས་འབབ་ཡོད་མེད་ཀྱི་སྐོར་ལས་ བདུན་ཕྲག་ཤུལ་མ་ཚུ་ནང་ བལྟ་ནི་ཨིན་པས་ཟེར་ བཀོད་འདུག་པའི་གནས་ཚུལ།