ཡུ་ཀེ་རེན་གྱི་ཁྲོམ་ ཨེལ་བིབ་ལུ་ ར་ཤི་ཡའི་ མི་ཛ་ཡེལ་གྱིས་ མི་གྲངས་ ༤ ལུ་ཤི་རྐྱེན།
རོའི་ཊརཛ། སྤྱི་ཟླ་ ༧ པའི་ཚེས་ ༦ ལུ་ ཡུ་ཀེ་རེན་གྱི་ ནུབ་ཕྱོགས་ཁྲོམ་སྡེ་ ཨེལ་བིབ་ལུ་ ར་ཤི་ཡ་གིས་ མི་ཡེལ་ཐོག་ལས་ གནོདཔ་སྦོམ་སྦེ་ བཀལ་མིའི་ནང་ ཞི་བའི་མི་སེར་གྱི་ གཞི་རྟེན་མཁོ་ཆས་ཚུ་ མེདཔ་བཏང་ཡོདཔ་མ་ཚད་ མི་གྲངས་ ༤ ལུ་ཡང་ ཤི་རྐྱེན་བྱུང་ཡོདཔ་ཨིན་པས།དེ་ཡང་ སྒྲིང་ཁྱིམ་ལ་ལོ་ཅིག་གི་ ཁྱིམ་ཏོག་ཚུ་ མེདཔ་བཏང་པའི་ཁར་ སྒོ་ཅུང་ཚུ་ཡང་ མེདཔ་བཏང་ཡོདཔ་ལས་ སྲུང་སྐྱོབ་འབད་མི་ཚུ་གིས་ སྒྲིང་ཁྱིམ་ཚུ་གི་ནང་ལས་ ཐོན་མ་ཚུགས་པར་ གསོན་པོ་སྦེ་ ལུས་མི་ཚུ་ཡང་ བཏོན་ཡོདཔ་ཨིན་པས།རྐྱེན་ངན་དེ་ནང་ ནདཔ་ཐོན་མི་དང་ ཤི་མི་ཚུ་གི་ བཟའ་ཚང་ཚུ་ལུ་ སེམས་གསོ་ཡོད་ལུགས་ཚུ་ བཤད་ཡོདཔ་མ་ཚད་ ར་ཤི་ཡ་ལུ་ དགྲ་ལན་ངེས་པར་དུ་ འཇལ་ནི་ཨིན་མི་དེ་ཡང་ མི་མང་ག་ར་གིས་ ཤེས་ཚུགས་པའི་ ཚད་གཞི་ཁར་ ལག་ལེན་འཐབ་འོང་ཟེར་ཨིན་པས།ནང་སྲིད་ལྷན་ཁག་ལས་ མི་ངོམ་ ༤ ལུ་ ཤི་རྐྱེན་དང་ ༣༢ ལུ་ རྨ་སྐྱོན་བྱུང་ཡོད་མིའི་གྲས་ཁར་ ཨ་ལོ་ཆུང་ཀུ་ ༡ ཡང་ཡོད་ཟེར་ཨིནམ་ད་ གློ་བུར་གྱི་ ཞབས་ཏོག་སྤྲོད་མི་ཚུ་གིས་ […]