རྒྱ་གར་གྱི་མངའ་སྡེ་ གུ་ཇ་རཱཏ་ལུ་ ཆརཔ་ཤུགས་ཅན་ རྐྱབ་པའི་རྐྱེན་ངན་ནང་ མི་ ༩ ལུ་ཤི་རྐྱེན།

 ཨེ་ཌི་ཊི་ཝི།
རྒྱ་གར་གྱི་ གནམ་གཤིས་རིག་པའི་ ལས་ཁུངས་ཀྱིས་ རྒྱ་གར་གྱི་ མངའ་སྡེ་ཚུ་ནང་ ཆརཔ་ཤུགས་སྦེ་ རྐྱབ་པའི་ཤུལ་ལུ་ ཆརཔ་རན་ཏོག་ཏོ་སྦེ་ རྐྱབ་ནི་ཨིན་པའི་ སྔོན་དཔག་འབད་ནུག།
དེ་ཡང་ སྤྱི་ཟླ་ ༦ པའི་ཚེས་ ༣༠ ལུ་ གུ་ཇ་རཱཏ་མངའ་སྡེའི་ནང་ ཆརཔ་མི་ལི་མི་ཊར་ ༢༠༠ ལྷགཔ་རེ་ རྐྱབ་ཡོདཔ་ད་ དེ་གི་ཧེ་མར་ ཉིན་གྲིས་ ༢ ཀྱི་ནང་ ཆར་ཆུ་ལུ་བརྟེན་ཏེ་ མི་གྲངས་ ༩ ལུ་ ཤི་རྐྱེན་བྱུང་ཡོདཔ་ཨིན་པས།
དེ་མ་ཚད་ ཆར་ཆུ་འཁྱིལ་ཏེ་ འཁོར་ལམ་ཚུ་ཡང་ བཀག་ཡོདཔ་ད་ ཤི་རྐྱེན་བྱུང་མི་ཚུ་གི་གྲས་ཁར་ པཱནཅི་མ་ཧཱལ་ རྫོང་ཁག་ནང་ རྩིགཔ་རམ་སོང་སྟེ་ ཨ་ལོ་ ༤ དང་ ཨ་ནཱན་ལུ་ མི་གྲངས་ ༢ ལུ་ ཤི་རྐྱེན་བྱུང་ནུག།
དེ་བཟུམ་སྦེ་ ཇམ་ན་གར་དང་ ཨར་བ་ལི་ རྫོང་ཁག་ ༢ ཀྱི་ནང་ ཕོ་སྐྱེས་ ༢ ཆུ་ནང་ཐིམ་པའི་ཁར་ ཨམ་རེ་ལི་ རྫོང་ཁག་གི་ས་གནས་ ལ་ཁྲི་ལུ་ཡང་ ཨམ་སྲུ་ ༡ ཆུ་ནང་ཐིམ་སྟེ་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།