འབྲུག་གཞུང༌དང་ རྒྱ་པཱན་གཞུང༌གི༌བར་ན་ ཟམ་བསྐྱར་བསྐྲུན་དང་ མི་སྟོབས་གོང་འཕེལ་གྱི་དོན་ལས་ གཞུང་འབྲེལ་ཡིག་ཆ་གུ་ མཚན་རྟགས་བཀོད་པའི་ཤུལ་ལས་ ཡིག་ཆ་བརྗེ་སོར།
སྤྱི་ཟླ་ ༥ པའི་ཚེས་ ༢༠ ལུ་ རྒྱ་གར་ནིའུ་དིལླི་ལུ་སྦེ་ རྒྱ་པཱན་ལུ་ འབྲུག་གི་གཞུང་ཚབ་ ཝི་རྣམ་རྒྱལ་དང་ འབྲུག་ལུ་ རྒྱ་པཱན་གཞུང་ཚབ་ སུ་ཟུ་ཀི་༌ཧི་རོ་ཤི་ ༢ ཀྱིས་ མོང་སྒར་ལུ་ ཟམ་བསྐྱར་བསྐྲུན་དང་ མི་སྟོབས་གོང་འཕེལ་གྱི་ ལས་འགུལ་ཁག་ ༢ ཀྱི་དོན་ལས་ གཞུང་འབྲེལ་ཡིག་ཆ་གུ་ མཚན་རྟགས་བཀོད་པའི༌ཤུལ༌ལུ༌ ཕན༌ཚུན༌བརྗེ༌སོར༌འབད༌ནུག།རྒྱལ་ཡོངས་གཞི་རིམ་གཞུང་ལམ་ ཨང་ ༡ པ་བདའ་སྟེ་ ཟམ་བསྐྱར་བསྐྲུན་ལས་འགུལ་འོག་ལུ་ རྒྱལ་ཡོངས་གཞུང་ལམ་ཁར་ ཟམ་ ༢ བཟོ་བསྐྲུན་གྱི་དོན་ལས་ རྒྱ་པཱན་གཞུང་གིས་ མ་དངུལ་ཡེན་ས་ཡ་ ༡,༦༣༤ གནང་སྦྱིན་སྦེ་ བྱིན་ནི་ཨིནམ་ད་ ཟམ་ ༢ པོ་ཡང་ མོང་སྒར་གྱི་ས་གནས་ ནམ་གླིང་དང་ དུར་བདག་རི་ལུ་ བཟོ་བསྐྲུན་འབད་ནི་ཨིན་པས།མི་སྟོབས་གོང་འཕེལ་གྱི་ སློབ་རིམ་གྲོགས་རམ་ལས་འགུལ་འོག་ལུ་ རྒྱ་པཱན་གྱི་ གཙུག་ལག་སློབ་སྡེ་ཚུ་ནང་ མཐོ་རིམ་གོང་མའི་ཤེས་ཡོན་གྱི་དོན་ལས་ མི་གྲངས་ ༩ དང་ མཁས་དབང་ཤེས་ཡོན་གྱི་དོན་ལས་ མི་གྲངས་ ༡ བཅས་ལུ་ རྒྱ་པཱན་གཞུང་གིས་ […]