World News
མཐའ་ཡས་ལེན་དང་ ཀམ་བོ་ཌི་ཡའི་བར་ན་ ཕྱད་མདའ་འགོ་བཙུགས་ཡོདཔ།
རོའི་ཊརཛ། མཐའ་ཡས་ལེན་དང་ ཀམ་བོ་ཌི་ཡའི་ ས་མཚམས་ཁར་ ས་འོག་རྫས་བམ་གས་ཏེ་ མཐའ་ཡས་ལེན་གྱི་ ས་སྲུང་དམག་མི་ ༡ ལུ་ རྨ་སྐྱོན་བྱུང་པའི་ཤུལ་ལས་ ཕྱད་མདའ་འགོ་བཙུགས་ཏེ་ སྤྱི་ཟླ་ ༧ པའི་ཚེས་ ༢༥ ལུ་ ཉིནམ་ ༢ སོང་ཡོདཔ་ད་ ཕྱད་མདའ་དེ་ནང་ ཉུང་ཤོས་ར་ མི་གྲངས་ ༡༦ དེ་ཅིག་ལུ་ ཤི་རྐྱེན་བྱུང་ནུག། མཐའ་ཡས་ལེན་ དམག་སྡེ་གིས་ བཤད་དོ་བཟུམ་འབད་བ་ཅིན་ ས་གནས་ཨུ་བཱོན་ རེཊ་ཅ་ཐ་ནི་དང་ སུ་རིན་ལུ་ རྒྱལ་ཁབ་ ༢ ཀྱི་ དམག་མི་ཚུ་གི་བར་ན་ བྱེལཝ་ལངམ་ད་ ཀམ་བོ་ཌི་ཡའི་ཁ་ཐུག་ལས་ སྒྱོགས་མཚོན་དང་ མི་ཛ་ཡེལ་ཚུ་ ལག་ལེན་འཐབ་ཡོདཔ་ལས་ ས་ཁོངས་དེ་ཚུའི་ནང་ལས་ མི་སེར་འབུམ་ ༡ དེ་ཅིག་ ས་གནས་གཞན་ཁར་ སྤོ་བཤུད་འབད་དགོཔ་ ཐོན་ཡི་ཟེར་ཨིན་པས། དེ་བསྒང་ མཐའ་ཡས་ལེན་གྱི་ ཁ་ཐུག་ལས་ཡང་ དྲག་པོའི་དམག་མི་ཚུ་གིས་ དམག་འཐབ་ཀྱི་ གནས་སྟངས་དང་བསྟུན་ཏེ་ འོས་འབབ་ཡོད་པའི་ དགྲ་ལན་འཇལ་ཡོདཔ་སྦེ་བཀོད་ནུག། […]
