ཡུ་ཨེཛ་གིས་ ནད་ཡམས་ཀྱི་ སྒྲིག་གཞི་སྒྱུར་བཅོས་ལུ་ ངོས་ལེན་མེདཔ།

རོའི་ཊརཛ།
འཛམ་གླིང་གསོ་བའི་ལས་ཚོགས་ཀྱི་ འཐུས་མི་ཚུ་གིས་ ནད་ཡམས་ཀོ་ཝིཌ་-༡༩ ཐོན་པའི་ཤུལ་ལས་ མ་འོངས་པ་ལུ་ དེ་བཟུམ་མའི་ ནད་ཡམས་ཀྱི་ གདོང་ལན་དོན་ལས་ གྲ་སྒྲིག་གི་ སྒྲིག་གཞི་ཁྲིམས་མཐུན་སྒྱུར་བཅོས་ལུ་ ཡུ་ཨེཛ་གིས་ ངོས་ལེན་འབད་མ་བཏུབ་ཨིན་པས།
དེ་ཡང་ སྤྱི་ཟླ་ ༧ པའི་ཚེས་ ༡༨ ལུ་ ཡུ་ཨེཛ་གི་ རྒྱལ་ཁམས་ལས་ཁུངས་དང་ གསོ་བ་དང་ མི་སྟོབས་ལས་ཁུངས་ ༢ ཀྱིས་ རྒྱལ་སྤྱི་གསོ་བའི་སྒྲིག་གཞི་ འཕྲི་སྣོན་གྱི་ གནད་དོན་ཚུ་ལུ་ ངོ་ལེན་མེདཔ་སྦེ་བཤད་ནུག།
སྒྲིག་གཞི་དེ་གི་ འཕྲི་སྣོན་ཚུ་ འཛམ་གླིང་གསོ་བའི་ལས་ཚོགས་ཀྱི་ འཐུས་མི་རྒྱལ་ཁབ་ཚུ་གིས་ ན་ཧིང་ ཆ་འཇོག་གྲུབ་ཡོདཔ་ད་ དེ་ཡང་ རྒྱལ་སྤྱིའི་གནས་རིམ་ནང་ ཉེན་ཁ་ཆེ་བའི་ གློ་བུར་གྱི་ ནད་ཡམས་འཐོན་པའི་སྐབས་ལུ་ རྒྱལ་སྤྱིའི་ཉེན་སྲུང་ལུ་ བརྩོན་ཐབས་ཀྱི་སྐོར་ལས་ བཀོད་དེ་ཡོདཔ་ཨིན་པས།
ཡུ་ཨེཛ་གིས་ འཕྲི་སྣོན་ ༢༠༢༤ ཅན་མའི་ནང་ ངེས་ཚིག་ཚུ་ཡང་ དྭངས་གསལ་ཅན་སྦེ་མེདཔ་ལས་ འཛམ་གླིང་གསོ་བའི་ལས་ཚོགས་ཀྱིས་ འགོ་འདྲེན་འཐབ་མི་ རྒྱལ་སྤྱིའི་གདོང་ལན་ཚུ་ སྲིད་དོན་ལུ་ གཙོ་བོར་བཟུང་ནི་གི་ ཉེན་ཁ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།