ར་ཤི་ཡའི་ ནགས་ཚལ་ནང་ གནམ་གྲུ་ཅིག་ བུད་སོངཔ་ལས་ འགྲུལ་པ་ཚུ་ལུ་ཤི་རྐྱེན།

སི་ཨེན་ཨེན།
སྤྱི་ཟླ་ ༧ པའི་ཚེས་ ༢༤ ལུ་ ར་ཤི་ཡ་དེ་ སོ་ཝིད་ཡུ་ནི་ཡཱན་སྦེ་ སྡོད་པའི་སྐབས་ཀྱི་ གནམ་གྲུ་ཅིག་ ར་ཤི་ཡའི་ ཤར་ཕྱོགས་ལུང་ཕྱོགས་ ཨ་མུར་ཟེར་མི་ ནགས་ཚལ་ནང་ བུད་སོངཔ་ལས་ མི་གྲངས་ ༥༠ དེ་ཅིག་ལུ་ ཤི་རྐྱེན་བྱུང་ནུག།
ར་ཤི་ཡ་གིས་ བཤད་དོ་བཟུམ་འབད་བ་ཅིན་ གནམ་གྲུ་ཨེན་ཊོ་ནོབ་-༢༤ འབད་མི་དེ་ ལུང་ཕྱོགས་ཀྱི་ མཁའ་ལམ་བདའ་སྟེ་ ཁ་བཱ་རོབ་ཟེར་ས་ལས་ བལ་གོ་བེཤ་ཤེང་ཟེར་སར་ འཕུར་འགྲུལ་འབད་བའི་བར་ན་ གནམ་གྲུ་ཤུལ་བལྟའི་ འཕྲུལ་ཆ་གུ་ལས་ ཡོལ་ཡར་སོ་ཡི་ཟེར་ཨིན་པས།
ཞི་བའི་སྲུང་སྐྱོབ་དང་ མེ་རྐྱེན་ཉེན་སྲུང་གྲོགས་རམ་ལྟེ་བ་གིས་ གནམ་གྲུ་ཧེ་ལི་ཀོབ་ཊར་གྱི་ཐོག་ལས་ འཚོལ་ཞིབ་འབད་བའི་སྐབས་ལུ་ གནམ་གྲུ་དེ་ གངས་རི་ཅིག་གི་ གད་པ་གུ་ མཐོང་ཡོད་རུང་ མི་གསོན་པོ་སྦེ་ ༡ མ་མཐོང་ཟེར་ཨིནམ་ད་ གནམ་གྲུ་དེ་ བུད་བའི་ཤུལ་ལས་ མེ་འབར་ཡོདཔ་སྦེ་བཀོད་ནུག།
གནམ་གྲུ་དེ་ཡང་ སྤྱི་ལོ་ ༡༩༧༦ ལུ་ བཟོ་བསྐྲུན་འབད་ཡོདཔ་ད་ གནམ་གྲུ་དེ་ནང་ ཨ་ལོ་ ༥ གིས་གཙོས་པའི་ འགྲུལ་པ་ ༤༣ དང་ གནམ་གྲུའི་ལས་གཡོགཔ ༦ ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།