ཨེ་པཱལ་ལས་སྡེ་གིས་ ཡུ་ཨེཛ་ལུ་ ཌོ་ལར་ཐེར་འབུམ་ ༡༠༠ མ་རྩ་གཞི་བཙུགས་ཧེང་སྐལ།
བི་བི་སི། ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་གྱིས་ ཨུ་ཚུགས་རྐྱབ་པ་ལུ་བརྟེན་ཏེ་ འཕྲུལ་རིག་ལས་སྡེ་ ཨེ་པཱལ་གྱིས་ ད་རུང་ཡང་ ཡུ་ཨེཛ་ལུ་ ཌོ་ལར་ཐེར་འབུམ་ ༡༠༠ མ་རྩ་གཞི་བཙུགས་འབད་ནི་གི་ འཆར་གཞི་ཡོདཔ་ཨིན་པས། ཝ་ཡིཊ་ཧ་འུཛ་ལས་ མ་དངུལ་དེ་ ཡུ་ཨེཛ་ལུ་ ཨེ་པཱལ་ལས་སྡེ་གིས་ ཆ་ཤས་ལེ་ཤ་སྦེ་ བཟོ་ནི་ལུ་ སེམས་ཤུགས་བྱིན་ནིའི་དོན་ལས་ ལག་ལེན་འཐབ་ནི་ཨིནམ་སྦེ་ བཤད་ཡོདཔ་ད་ དེ་ཡང་ ལས་སྡེ་དེ་གིས་ ཧེ་མར་ ལོ་ངོ་ ༤ གི་རིང་ལུ་ ཌོ་ལར་ཐེར་འབུམ་ ༥༠༠ ཟད་འགྲོ་བཏང་ནི་སྦེ་ ཁས་བླངས་འབད་བའི་ ཁ་སྐོང་ལུ་ཨིན་ཟེར་བཀོད་ནུག། དེ་མ་ཚད་ ཨེ་པཱལ་ལས་སྡེ་གིས་ ཨའི་ཕཱོན་བཟོ་སྐྲུན་གྱི་ ས་ཁོངས་དེ་ཡང་ ཡུ་ཨེཛ་ལུ་ མ་སྤོ་བ་ཅིན་ ཨའི་ཕཱོན་གྱི་ ཐོན་སྐྱེད་ཚུ་ལུ་ ཁྲལ་ཡར་སེང་འབད་ནི་ཨིན་པའི་ ཉེན་བརྡ་ཡང་འབད་ཡོདཔ་ཨིན་པས། བདུན་ཕྲག་ཧེ་མའི་ནང་ ཨེ་པཱལ་ལས་སྡེའི་ བཀོད་ཁྱབ་གཙོ་འཛིན་ ཊིམ་ཀུག་གིས་ ལས་སྡེ་དེ་གིས་ ཧེ་མ་ལས་ ཁས་བླངས་འབད་མི་ལུ་ གཞིར་བཞག་སྟེ་ ཐོན་སྐྱེད་ཚུ་ལུ་ ཁྲལ་ཡར་སེང་འབད་ནི་ལས་ བཀག་ཐབས་ལུ་ བརྩོན་ཤུགས་བསྐྱེད་དོ་ཡོདཔ་སྦེ་ བཤདཔ་ཨིན་པས་ཟེར་ […]
