རྒྱ་པཱན་གྱི་ བློན་ཆེན་བགྲེསཔ་ ཤིན་ཟོ་ཨེ་བེའི་སྐུ་ཕུང་ ཁོ་རའི་གཟིམ་ཅུང་ནང་ གདན་འདྲེན་ཞུ་ཡོདཔ།
བི་བི་སི།སྤྱི་ཟླ་ ༧ པའི་ཚེས་ ༩ ལུ་ རྒྱ་པཱན་གྱི་ བློན་ཆེན་བགྲེསཔ་ ཤིན་ཟོ་ཨེ་བེའི་ སྐུ་ཕུང་ཞུ་མི་ སྣུམ་འཁོར་དེ་ ཊོ་ཀི་ཡོ་ལུ་ གཟིམ་ཅུང་ནང་ལྷོདཔ་ད་ གཞུང་སྐྱོང་ཚོགས་པ་ ལི་བེ་རལ་ ཌེ་མོ་ཀེ་རེ་ཊིག་ འཐུས་མི་ཚུ་གིས་ གོ་ལ་གནགཔོ་གྱོན་ཏེ་ གྲལ་སྒྲིག་ཐོག་ལས་ གུས་བཏུད་ཞུ་ནུག།བློན་ཆེན་བགྲེསཔ་དེ་ སྤྱི་ཟླ་ ༧ པའི་ཚེས་ ༨ ཀྱི་དྲོ་པར་ ན་ར་ཁྲོམ་སྡེའི་ ལྷོ་ཕྱོགས་ཁ་ཐུག་ལུ་ བསྐུལ་བསྒྲགས་ཀྱི་དོན་ལས་ གསལ་བཤད་གནང་པའི་བར་ན་ ཕོ་སྐྱེས་ཅིག་གིས་ ཀྲོབ་མདའ་རྐྱབ་སྟེ་ བཀྲོངས་ཡོདཔ་ཨིན་པས།ཁྲིམས་སྲུང་འགག་སྡེ་གིས་ བཤད་དོ་བཟུམ་འབད་བ་ཅིན་ དོགས་ཅན་ཕོ་སྐྱེས་ ཏེ་ཙུ་ཡ་ ཡ་མ་ག་མི་དེ་ དམིགས་བསལ་ལས་ཚོགས་ལུ་ འཁོན་འཛིན་ཡོད་མི་ཅིག་ཨིནམ་ལས་ བློན་ཆེན་བགྲེསཔ་དེ་ཡང་ དམིགས་བསལ་ལས་ཚོགས་ནང་ཨིན་པའི་ དོགས་ཟོན་ཐོག་ལུ་ ཀྲོབ་མདའ་རྐྱབ་སྟེ་ བཀྲོངས་ནུག་ཟེར་ཨིན་པས།དེ་ཡང་ ཉེས་འཛུགས་ཅན་ སྐྱེས་ལོ་ ༤༡ འབད་མི་ ཡ་མ་ག་མི་གིས་ བློན་ཆེན་བགྲེསཔ་དེ་ ཁྱིམ་ནང་བཟོ་མི་ ཀྲོབ་མདའ་རྐྱབ་སྟེ་ བཀྲོངས་ཡོདཔ་སྦེ་ ཁ་བཟེད་ནུག།ག་དེ་སྦེ་ཨིན་རུང་ སྤྱི་ཟླ་ ༧ པའི་ཚེས་ […]
