World News
རྒྱ་པཱན་གྱི་ བློན་ཆེན་བགྲེསཔ་ ཤིན་ཟོ་ཨེ་བིའི་ སྤུར་སྦྱང་གི་ ཚེས་གྲངས་གཏན་འཁེལ།
རེའུ་ཊརཛ།སྤྱི་ཟླ་ ༧ པའི་ཚེས་ ༢༢ ལུ་ རྒྱ་པཱན་གཞུང་གིས་ བཤད་དོ་བཟུམ་འབད་བ་ཅིན་ བློན་ཆེན་བགྲེསཔ་གཤགས་མི་ ཤིན་ཟོ་ཨེ་བིའི་ རྒྱལ་ཁམས་སྤུར་སྦྱང་དེ་ སྤྱི་ཟླ་ ༩ པའི་ཚེས་ ༢༧ ལུ་ ཐོག་འདྲེན་འཐབ་ནི་སྦེ་ གཏན་འཁེལ་བཟོ་ཡི་ཟེར་ཨིན་པས།དེ་ཡང་ ལྷན་རྒྱས་གཞུང་ཚོགས་ལས་ ཊོ་ཀི་ཡོའི་དབུས་ཕྱོགས་ ནིབ་པཱོན་བུ་ཌོ་ཀན་ཟེར་སར་ འགོ་འདྲེན་འཐབ་ནི་ཨིན་པའི་སྐོར་ལས་ གྲོས་ཆོད་མཛད་གནང་ཡི་ཟེར་ ལྷན་རྒྱས་གཞུང་ཚོགས་ཀྱི་ གཙོ་འཛིན་དྲུང་ཆེན་ ཧི་རོ་ཀ་ཟུ་ མ་ཙུ་ནོ་གིས་ གནས་ཚུལ་ཞལ་འཛོམས་ཅིག་ནང་བཤད་ནུག།རྒྱ་པཱན་རྒྱལ་ཁབ་ནང་ ཤིན་ཟོ་ཨེ་བི་གིས་ མི་ལོ་ ༨ ལྷགཔ་ཅིག་གི་རིང་ལུ་ བློན་ཆེན་གྱི་ གོ་གནས་ཁར་ ཕྱག་ཞུ་མི་དེ་ དུས་ཡུན་རིང་ཤོས་ཅིག་ཨིནམ་ད་ བློན་ཆེན་བགྲེསཔ་དེ་ བདུན་ཕྲག་ ༢ ཀྱི་ཧེ་མར་ སྐུལ་བསྒྲགས་ཅིག་ནང་ ཀྲོབ་མདའ་འབག་མི་ཅིག་གིས་ བཀྲོངས་ནུག་ཟེར་ བཀོད་འདུག་པའི་གནས་ཚུལ།
